அன்புடன் ஐங்கரநேசன் ஐயாவுக்கு…:சோளன்

ஐங்கரநேசன் ஐயாவுக்கு அன்பான வேண்டுகோளை எழுத வேண்டும் என்று நீண்ட நாள் ஆவல் சோளனுக்கு. ஐயாவிடம் ரியுசன் படித்ததாலோ என்னவோ சோளனுக்கும் சோழனுக்கும் அடிப்படைக ‘ஐடியோலொஜிகல் வேறுபாடு’ தெரியாமல் தான் எழுத ஆரம்பித்தேன். ஜில்லாவின் கல்லாப் பெட்டியில் குந்தியிருந்து தேசிய வாந்தியெடுக்கும் தமிழ் நாட்டு தாதாக்களுக்கும் சேர்த்துத் தான் தாங்கள் வீடியோவில் பேசினீர்களோ என்ற அனுமானத்தில் தொடர்கிறேன்…
கடைசியாக ரோலெக்சுக்கும் முன்னால் கறுப்புக் கண்ணாடியோடு உங்களைக் காணேக்கையே சிமார்ட் போனிலை ஒரு வீடியோ பண்ண மதவடில இருந்து யோசிச்சு முடிக்க முன்னமே வீடியோ போனோட உங்களுக்கு குறுக்கால போன ஒருத்தன் நீங்கள் கத்துறதப் படமெடுத்து பேஸ்புகென்ன, வெப்சைட் என்ன அப்பப்பா..

நீங்கள் அடிச்ச பஞ்சில சுப்பர் ஸ்டார் கூட தோத்துப் போவார் போங்கோ..

சரி அதை விட்டால், உப்ப ஆர் தமிழ் தேசியம் பேசுறது, எங்கட சத்தியராசு, பாரதிராசு, விசை, அசித்து என்று எங்கட சினிமாக் காரர்தானே பேசீன. சினிமாக்காரர் சாப்பிடாம வெறும் வயித்தோட பத்துமாதம்…சொறி… ஒரு நாள் உண்ணாவிரதம் இருந்ததால தானே உவன் ராசபக்சவும் பயந்தவன். உப்ப சினிமா நடிக்கிற வேலைக்குப் போனம் எண்டு வையுங்கோ தேசிய உணர்வு கேட்டுகேள்வி இல்லாம பொத்துகொண்டு வந்திரும். அப்பிடி வந்த வரத்தில தானே கொஞ்ச நாளைக்கு முன்னர் லண்டன் ஊர்வலத்தில பாரதிராசு கலந்து கண்ணீர் மல்கினவர்.

உப்பிடி என்னப் போல நீங்களும் நினைச்சதால தான் உதயனுக்கு முன்னால நின்ற இளசுகளை காதில பிடிச்சுக் கேட்ட மாதிரி விசய் பற்றியெல்லாம் ஏன் செய்தி போட்டு சினிமாக் காட்டுறியள் என்று உதயனை கழுத்தில பிடிச்சு நீங்கள் கேக்கேல்ல.

ஐயா, இன்னும் டீப் டவுணாகப் போய் சிந்தனைய சிதறவிட்டால், தமிழ் நாட்டுப் படம் ஓடினால் தானே அப்பாவி இளசுகள் மனது பாதிக்கப்படும். அப்பா அம்மா அந்தக் காலத்தில செக்ஸ் போட்டோ பாத்தாலே முழு நாளையும் அப்செட் ஆக்கிருவினம். அதாலதான் உலகம் பிள்ளையளுக்கு செக்ஸ்படத்தை தடை செய்யுங்கோ எண்டு அழுகுது. அப்ப விசை, அசித் போல கத்தியும் இரத்தமுமா வாற படங்களைப் போட வேண்டாம் என்று தியட்டருக்கு முன்னால் கொடியோட ஒரு போராட்டம் நீங்கள் நடத்தலாமே?

வேண்டுமானால் சிமார்ட் போனில் வீடியோ எடுத்து புலம்பெயர் இணையத்திலையும், பேஸ்புக்கிலையும் போட நான் கரண்டி.

சரி உந்தப் படங்களையெல்லாம் தர நிர்ணயம் செய்ய வேண்டும் என்று ஐயா விக்கியோட சேர்ந்து வட மாகாண குழு அமைக்கலாமே. அந்தக் குழுவிலை நீங்கள் உணர்ச்சிவ்யப்பட்டுப் பேச வேண்டும் அதையும் நாம் பார்க்கவேண்டும்.

இன்னும் இஞ்சி மேலே போனால், தமிழ் நாட்டு வன்முறையை இறக்கி இளைஞர்களைச் சீரழிக்காதே என்று குடும்ப விளக்கு ராசபகசவையும் இலங்கை தேசிய திரைப்படக் கூட்டுத்தாபனத்தையும் கேக்கலாமே?

ஐயா, எங்கள் பிளானை எல்லாம் எட்டாம் வகுப்புப் எக்சாம் பேப்பர் போல அவுட்டாக்கி விட்டேனோ? கவலைப்படாதீர்கள்.. தமிழ்த் தேசியம் என்ற வடலியை நம் சினிமா சீமான்கள் பாதுகாத்து வளர்த்து கள்ளுக்குடித்துக்கொடு இருக்கும் வரை பிளான் பின்போடப்படும். இது உறுதி. வேண்டுமானால் உங்கள் விக்கி ஐயா போல ராஜபக்ச முன்னாலேயே உறுதிமொழி எடுத்துக்கொள்கிறேன்.

தென்னிந்திய சினிமாக் கூத்தாடிகளுக்காக யாழ்பாணத்தில் போராட்டம்