நோர்வேயில் வாசித்தலுக்கான உரையாடல் வெளியில் கணேசன் (ஐயரின்) ‘ஈழப்போராட்டத்தில் எனது பதிவுகள்’ : நோர்வே நக்கீரா

இனியொருவின் வெளியீட்டான ஈழப்போராட்டத்தில் எனது பதிவுகள் ஏனும் கணேசன் ஐயரின் நூலில் தான் கடந்துவந்த போராட்டப்பாதையில் தொடர்ந்து வந்த அனுபவங்களையும், மறைந்திருந்த உண்மைகளையும், தவறுகளையும், சுயவிமர்சனமாகயும், பிரபாகனுடன் புலிகள் அமைப்பை ஆரம்பித்த நாட்கள் பற்றியும் இப்புத்தகத்தினூடு திரும்பிப்பார்க்கிறார்.

உண்மையுடன் கூடிய இப்படியான புத்தகங்கள் வெளிவருவதனூடாக மட்டுமே எமது போராட்டத்தில் விட்டதவறுகளை, மறைந்து கிடக்கும் உண்மைகளை மறுபரிசீலனை செய்துகொண்டு எம்மக்களின் எதிர்காலவாழ்வையோ, போராட்டத்தையோ செப்பனிடமுடியும். இப்புத்தகங்கள் விமர்சனங்களுக்கு உள்ளாகும்போதும், வாதம் பிரதிவாதங்களூடும் உண்மைகளைக் கண்டறிவதுடன் புத்தகத்தின் நேர்மைத்தன்மையும் புலனாகும். இன்றும் புலிகள் அமைப்பினுள் என்ன நடந்தது, முள்ளிவாய்கால் எப்படி முடிந்தது என்பன யாருக்கும் புரியாத புதிராகவே இன்றும் இருக்கிறது. இதன் காரணமாகவே இன்று உயிர்த்தெழும் ஜனநாயகப்போராட்டம் சாண் ஏற முளம் சறுக்குவதுபோல் மீண்டும் 1958ல் இருந்து ஆரம்பமாகிறது. காரணங்கள் பலவாக இருந்தாலும் மறைக்கப்பட்ட, தெளிவற்ற புலிகளின் போராட்ட வரலாறு வெறும் இராணுவமாகவே கட்டியெழுப்பப்பட்டது. மாற்றுவழிப்போராட்டம் பற்றிப்பேசியவர்களும் இந்த இராணுவமயமான புலிகளால் பாதிக்கப்பட்டதாலும், தற்காப்பு நோக்கியும் இராணுவத்தையே கட்டி எழுப்பினர். இராணுவமாயை பொய்கள், மிகைப்படுத்தல்களினூடாக வளர்ச்சியும் பெற்று இறுதியில் முற்றாக நிர்மூலமாக்கப்படும் போது மக்களினதும், அரசியல்வாதிகனதும் தன்னம்பிக்கையும், போர்குணமும் அழிக்கப்பட்டது என்பதே தெளிவு. இராணுவமைப்பு மட்டும் கட்டியெடுப்பப்பட்டதன் விளைவை மக்கள் போராட்டம் என்று பிரிந்துவந்தவர்கள் கூட இராணுவத்தைக் கட்டியமைப்பது பற்றியும் ஐயர் சுயவிமர்சனம் செய்து கொள்கிறார்.

புலிசார்ந்த, சாராத அமைப்புக்களின் இப்புத்தகத்தை அறிமுகம் செய்ய முயன்றபோது விடைகள் இல்லாத கேள்விகளுடன், புலிப்புத்தகம் என்றும், புலியை விமர்சிக்கும் புத்தகம் என்றும், குழுக்களின் பதில் தேவை என்ற தட்டிக்களிப்புக்களுமே மீதியாயின. புலிமுத்திரையின் பின்னால் புலியெதிர்ப்பு நடவடிக்கைகளை உணரக்கூடியதாகவும், அன்று தம்மைப்புலிகளாகக் காட்டிக் கொண்டவர்களே இன்று நேரடியாக புலியெதிர்ப்புபாளிகளாகவும், அரசஆதரவாளர்களாக இருப்பதையும் இப்புத்தகவெளியீட்டு முயற்சியின்போது கண்ணுற்றேன். பதிலில்லாக் கேள்விகளாலும், கேள்வியற்ற பதில்களாலும், காரியமறுப்புக்கான மௌனங்களாலும், பயக்கெடுதியாலும், முதுகில் முத்திரை குற்றப்படும் என்ற எண்ணங்களாலும் புத்தகத்தை அறிமுகம் காலதாமதமானது.இதைத்தீர்க்கும் முகமாக ஒருதிறந்த உரையாடல்வெளியை அமைப்பதனூக மட்டுமே முடியும் என்பதை என்நண்பர் சஞ்சயனும் நானும் உணர்ந்தோம். இப்புத்தகம் இதற்கு ஒருவடிகாலாக அமைந்தது மகிழ்ச்சிக்குரியதே.

இதனால் 2.12.2012 ஞாயிற்றுக்கிழமை ஐயரின் புத்தகத்துடன் காலஞ்சென்ற புஸ்பராஜாவின் ஈழவிடுதலைப்போராட்டத்தில் எனது சாட்சியங்கள் என்று புத்தகத்தையும், 11.11.2011 நோர்வே அரசால்வெளியிட்ட நோவேயின் அனுரசணைப் பதிவில் தனது பார்வை என்ற பொருளடக்கத்தில் லிமானின் உரையையும், செல்வினின் 13திருத்தப்பற்றி தெளிவான விளக்கவுரையும் நடந்தேறியது. இங்கே ஐயரின் புத்தகவறிமுகம் பற்றிய பதிபை மட்டம் தற்போது பிரதிசெய்கிறேன்.

எனது தொடர்பில் இப்புத்தகத்தை அறிமுகம் செய்பதற்காக ஆயுதப்போராட்டத்தின் பிதாமகனான சத்தியசீலண்ணரும், வெளியீட்டாளரும் இனியொருவின் பிரதம ஆசிரியருமான சபா நாவலனும் நோர்வேக்கு விஜயம் செய்திருந்தார்கள். இப்புத்தகத்தின் முதலில் நான் அறிமுகம் செய்தபோது, வெளியிடுவதற்கான காரணம், போராட்டப்பங்களிப்புப், புத்தம் பற்றிய எனது சிறுபார்வை, முக்கியமாக உயிருடன் இருப்பவர்களின் வாழ்வியல் காரணங்களால் மறைக்கப்பட்ட விடயங்கள்;, இப்படியான புத்தகங்கள் வெளிவரவேண்டிய அவசியம், என்னுடன் தொடர்பான, அறிந்த, செவிமடுத்த விடயங்களில் நான் காணும் உண்மைகளையும், முதலாவது புதியபாதை எழுதும்போது குமணனின் வீட்டில் ஐயரை சந்தித்த விடயங்களையும் குறிப்பிட்டிருந்தேன்.

என்னைத்தொடர்ந்து நாவலன் சபைக்கு அறிமுகம் செய்யப்பட்டு ஐயரின் உழைப்புப்பற்றியும், போராட்ட குணம்கொண்ட நோவேயியர்கள்;, புரட்சி என்றும் எற்றுமதி செய்யப்பட முடியாது என்றும், போராட்டத்தில் கொலை என்பது தற்காப்பு மட்டுமே என்றும் கூறியிருந்தார்.

நாவலனின் உரையை சிறியவிரிவாக்கம்:

நோவேயியர்கள் போராட்டங்களினூடு வளர்ந்ததால் போர்குணமும், இடதுசாரித்தியப்பண்பியலையும் காணக்கூடியதாக உள்ளதாகவும், ஒரு மக்கள் கூட்டம் அடக்கு முறைக்கு உள்ளாகும் போது அது தனக்கான போராட்டவடிவத்தை தானே தெரிவு செய்யும் என்பதையும், உதாரணமாக உப்பு விலைஉயரும் போது அதற்காக நாம் இங்கு போராடமுடியாது. போராட்டம் ஏற்றுமதி செய்யமுடியாதது என்றும், போராடவேண்டியவர்கள் தேவையுள்ளவர்களே என்பதையும் சுட்டிக்காட்டினார்.
போராட்டங்கள் என்றும் முடிந்துவிடுவதில்லை உதாரணமாக குறுடிஸ் இனத்தவர்களின் ஆயுதப்போராட்டம் அவர்களின் தலைவன் பிடிபட்டதும் அழிந்துவிடவில்லை. அது வேறுமுறையில் புதியவடிவம் பெற்று வெற்றியைக் கண்டுள்ளது. அதேபோல் பாலஸ்தீனப்போராட்டமும் அழிந்துவிடவில்லை. இன்று இலங்கையில் பாதிக்கப்படும் மாணவ, தொழிலாளவர்க்கப் போராட்டங்கள் தெற்கில் முனைப்புக் கொள்வதைக் காணலாம். எமது போராட்டத்தையும், போராட்டவடிவங்களையும் திரும்பிப்பார்த்தல் எமது புதியபோராட்டகளைச் செப்பனிடும் என்பதையும் அறிவுறித்தினார்.
இதனைத்தொடர்ந்து சபையின் கேள்விகள், கருத்துக்கள், பதில்கள் என்பன இடம்பெற்றது. இவற்றை நான் இங்கு குறிப்பிடவில்லை. தொடர்ந்து இடைவேளையின் போது புத்தகங்கள் விற்பனைக்கு வைக்கப்பட்டன ஏறக்குறைய வந்த அனைவருமே வாங்கினார்கள். இதனைத் தொடர்ந்து மாணவர்பேரவை ஸ்தாபகரும் ஆயுதப்போராட்டத்தின் ஆரம்பகர்த்தாவுமான சத்தியசீலன் அவர்கள் தனது போராட்ட அனுபவத்தையும் ஐயரின் புத்தகம் பற்றியும் பேசினார்.
மாணவர்பேரவையிள் தோற்றமும் தேவையும், அதுபற்றிய வெளிவந்த குறிப்புகளாக நெடுமாறன், குப்புசாமி, எஸ் சிவஞானம், தந்தைசெல்வாவின் அரசியல் பற்றி சபாரட்ணம் எழுதிய குறிப்புக்கள், பெரதேனியாவில் உருவாக்கப்பட்ட தமிழ் இளைஞன் அமைப்பு, 1970 தரப்படுத்தலுக்கெதிரான போராட்டம், 23.11.1970 ல் நடைபெற்ற 10000 போருக்கு மேல் பங்குபற்றிய பகிஸ்கரிப்பு என்பன பற்றி விளக்கமாக விபரித்தார். மாணவர்பேரவையின் முடிவும் இளைஞர்பேரவையின் ஆரம்பமும், 1973களில் இளைஞர்பேரவையின் பிரிவும், புலோலி வங்கிக்கொள்ளை (ஈழவிடுதலை இயக்கம் ரெலோ அல்ல) பற்றியும் விபரித்தார். தொடர்ச்சியாக தான் கைது செய்யப்பட்டு 77 மார்கழியில் சிறையில் இருந்து வெளிவந்தபோது ஐயர், பிரபா சந்தித்தமை பற்றியும், இயக்கப்பெயர்மாற்றம், கொள்கை போன்றவற்றின் விளங்கங்களையும், வரலாற்றுக்குறிப்புகளையும், சேலத்தில் ஐயருடனான சந்திப்புப்பற்றியும் குறிப்பிட்டார். இங்கே சத்தியசீலனின் குறிப்பானது தொ.பேசியில் எடுக்கப்பட்டது.

தொடர்சியாக நடைபெற்ற நிகழ்ச்சிகள் பற்றிய விபரம் தொடரும்