தமிழக மீனவர்கள் நேற்றும் இலங்கைக்கடற்படையினரால் தாக்கப்பட்டதாக குற்றம் சுமத்தப்பட்டுள்ளது இச் சம்பவத்தில் 8 தமிழக மீனவர்கள் காயமடைந்துள்ளனர். அத்துடன் இதன்போது தமிழக மீனவர்களின் 13 படகுகள் சேதமாக்கப்பட்டுள்ளன என்றும் இந்திய செய்திகள் தெரிவிக்கின்றன.
கச்சதீவுக்கு அருகில் இடம்பெற்றுள்ள இச் சம்பவத்தின்போது இந்திய மீனவர்கள் மீது கற்களைக் கொண்டு எறிந்து தாக்கியுள்ள இலங்கை கடற்படையினர், ஆயுதங்களைக் காட்டி மிரட்டி அனுப்பியதாக இந்திய கடலோரப்படை அதிகாரிகள் தெரிவித்தனர்.
இந்தத் தாக்குதலில் 8 மீனவர்கள் பலத்த காயமடைந்தனர். அவர்களுக்கு அரசு மருத்துவமனையில் சிகிச்சை அளிக்கப்பட்டு வருகிறது.
மீனவர்களைத் தாக்கியதுடன், அவர்களது படகுகளில் உள்ள பாகங்களையும் பெயர்த்துச் சென்றதாக, இலங்கை கடற்படையினர் மீது குற்றம்சாட்டப்பட்டுள்ளது.
இந்த தாக்குதல் இந்த வாரத்தில் இடம்பெற்ற இரண்டாவது தாக்குதலாகும்.
சம்பவத்தின் போது இலங்கை கடற்படையினர் தம்மை அவர்களின் படகுகளில் ஏற்றி அதன் பின்னர் துப்பாக்கியால் தாக்குதல் நடத்தியதாக காயமடைந்த முத்துசாமி மற்றும் கணேசன் ஆகிய மீனவர்கள் வாக்குமூலம் அளித்துள்ளனர்.
தமிழக மீனவர்கள் மீது தாக்குதல் நடத்தப்படுவதை கண்டித்து தமிழக முதல்வர் ஜெயலலிதா, இந்திய பிரதமருக்கு கடிதம் எழுதிய அடுத்த நாளே இந்த சம்பவம் இடம்பெற்றுள்ளது.
கடந்த ஞாயிற்றுக்கிழமையும் இலங்கைக் கடற்படையினரால் தமிழக மீனவர்களின் 10 படகுகள் சேதமாக்கப்பட்டன.
இந்த தாக்குதல்கள் குறித்து இந்திய கரையோர கப்பலான வஜ்ராவின் அதிகாரி ஒருவரை இந்திய செய்திசேவை ஒன்று வினவியபோது தமிழக மீனவர்கள், நடுநிசியில் சர்வதேச எல்லையை தாண்டும் போது அவர்களை கண்காணிக்க முடியாமல் போகிறது என்று பதிலளித்துள்ளார்.
செவிடன் காதில் சங்கு.புலிகளை மட்டும் வேவு பார்க்குமாம் இந்திய சொறி பிடித்த கப்பல் படை.