இலங்கைத் தீவில் நிகழ்ந்துவரும் போர் தொடர்பாக சிறிலங்க அரசு அளித்த ‘விரிவான விளக்கங்கள்’ தனக்கு திருப்தியளிப்பதாக உள்ளது என்று அயலுறவு அமைச்சர் பிரணாப் முகர்ஜி கூறியுள்ளார்.
இரண்டு நாள் பயணமாக நேற்று காலை கொழும்பு சென்ற அயலுறவு அமைச்சர் பிரணாப் முகர்ஜி, சிறிலங்க அதிபர் மகிந்த ராஜபக்சவையும், அந்நாட்டு அயலுறவு அமைச்சர் ரோகித போகல்லகாமாவையும் சந்தித்துப் பேசினார்.
இலங்கைப் பயணம் தொடர்பாக அமைச்சர் பிரணாப் முகர்ஜி விடுத்துள்ள அறிக்கையை இந்திய அயலுறவு அமைச்சகம் தலைநகர் டெல்லியில் இன்று வெளியிட்டது.
பிரணாப் முகர்ஜியும், அதிபர் ராஜபக்சவும் நடத்திய சந்திப்பில் இலங்கைத் தீவில் சமீப காலங்களில் ஏற்பட்டுவரும் நிகழ்வுகள், இந்திய-சிறிலங்க உறவு, தெற்காசிய மண்டலத்தில் இருநாடுகளின் பரஸ்பர நலன் ஆகியன தொடர்பாக விவாதித்தனர் என்றும், இது தொடர்பாக சிறிலங்க அரசு அளித்த விரிவான விளக்கங்கள் அயலுறவு அமைச்சர் பிரணாப் முகர்ஜிக்கு திருப்தியளித்ததாகவும் அந்த அறிக்கையில் கூறப்பட்டுள்ளது.
இந்திய-சிறிலங்க உறவுகள் வலிமையாக மேம்பட்டு வருவதாகவும், அந்நாட்டில் ஒரு மாற்றம் ஏற்பட்டுவரும் இந்தத் தருவாயில் இரு நாடுகளுக்கு இடையிலான அந்த உறவு மேலும் வலுவடைவது முக்கியமானது என்றும் அந்த அறிக்கை கூறுகிறது.
“23 ஆண்டுகளாக நடந்த மோதலில் பெற்ற இராணுவ வெற்றிகள் வடக்கு மாகாணத்தில் இயல்பு வாழ்க்கையை நிலைநிறுத்தும் ஒரு அரசியல் வாய்ப்பை அளித்துள்ளதாக நான் வலியுறுத்தினேன். தனது எண்ணமும் அதுதான் என்று அதிபர் (ராஜபக்ச) கூறினார். சிறிலங்க அரசுடன் இணைந்து, போரினால் கடும் பாதிப்பிற்குள்ளான தமிழர்கள் உட்பட இலங்கையில் வாழும் அனைத்து மக்களும் இயல்பு வாழ்வைப் பெற விரைந்து பணியாற்றுவோம்” என்று கூறி பிரணாப் முகர்ஜி விடுத்த தனி அறிக்கையையும் அயலுறவு அமைச்சகம் வெளியிட்டுள்ளது.
there is no surprise in pranab’s comments. India and srilanka are identical in terms of its psuedo nationalism and suppression of individual liberties. Their existance depends on propping up false nationalism. India should bow its head down for assissting a hegemonic regime to kill people who are struggling for just cause. India is no longer a power( forget about super power) in this region as it is trying to defeat an unequal group (LTTE) by cowardly supporting an unethical government in Srilanka. India can not offer any just solution to the Srilankan issue as it would expose it’s current policy of suppression of many nations existing within India. It would be foolish to expect a butcher to speak about welfare of cattles.