சிங்கப்பூர் சர்வாதிகாரி லீ குவான் யூ மரணித்தைத் தொடர்ந்து…: நிவேதா நேசன்

மறைந்தாலும் – மறையாத மன்னன்!

சிங்கப்பூர் ஓர் சிறிய பகுதி.
அதை ஒரு மீனவ கிராமம் என்றே சொல்லலாம். அதுவும் கொள்ளயர் அதிகம் வாழ்ந்த பகுதி என்றால் வியப்பாக இருக்கும்.
மலேசியாவில் இருந்து பிரிந்த போது – எப்படி முன்னேற்றலாம் என சிந்தித்த லீ அவர்கள் , வணிக நாடாக உருவாக்குகிறார்.
நாட்டின் நிரந்தர தன்மைக்காக, எதிர்க் கட்சிகளை இல்லாமல் செய்கிறார். குடி தண்ணீர் கூட, மலேசியாவிலிருந்தே பெறப்பட வேண்டிய நிலை. துறைமுகம் ஒன்றை மட்டுமே வைத்து – வணிக மையமாக , சிங்கப்பூரை லீ கட்டி எழுப்புகிறார்.
மலேசியாவிலிருந்து – நாடு பிரிந்த போது வந்தவர்கள் ; சிங்கப்பூரர்களாகிறார்கள். மலே – சீன – இந்திய (தமிழர் இந்தியராகவே கருதப்படுகின்றனர்.) யுரேசியர் என பல்லின சமூகமாக உருவாகிறது.
பொது மொழி ஆங்கிலம். இரண்டாம் மொழி தாய் மொழி. இந்தியர்களுக்கு தமிழ். தாய் மொழியை விரும்பாதோர் மற்றொரு மொழியை கற்கலாம்.
716.1 km² பரப்பளவே கொண்ட நிலத்தை ஆளாளுக்கு எடுத்தால் மக்களுக்கு வாழ இடம் இருக்காது. மாடி வீடு திட்டத்தின்படி அனைத்து மக்களுக்கும் வாழ வீட்டை அரசு கொடுக்கிறது. திருமணமாகும் தம்பதிகளுக்கு – அவர்கள் சொந்தமாக அரசிடமிருந்து தமது சேமலாப நிதி மூலம் வீடொன்றை பெறலாம்.
காரில்லா மக்கள் வாழலாம் – வீடில்லா மக்கள் சிங்கப்பூரில் இல்லை. வாகனங்களை மக்கள் விரும்பிய போது – வாழ வீடு வேண்டுமா? இல்லை சொகுசு கார் வேண்டுமா என லீ அவர்கள் மக்களிடம் கேட்டார். அதன் தாக்கமாக உருவானது MRT ரயில் திட்டம்.

சிறய நாட்டை – சிங்கார பூமியாக்கிய பெருமை லீ அவர்களை சாரும். தவிர இனவாதமற்ற பல்லின கலாச்சாரத்தை பேண – விகிதாசார அடிப்படையில் தொடர்ந்து பயணிக்க அறிவு படைத்தவர்களை நாட்டுக்குள் உள் வாங்கினார். ஒரு இனம் தனித்து வாழ விடாது – கலந்தே வாழ வழி செய்தார். அது கலகமே இல்லாத கலாச்சாரத்தை காக்க உதவியது. ஆரம்ப கால சைனா டவுண் – அரபு வீதி – சிராங்கூன் போன்ற சில இன அடிப்படை தளங்களை தவிர்த்து இனங்கள் குழுவாக வாழ லீ அவர்கள் விடவில்லை. ஆனால் சரித்திரம் பேச இருக்கட்டுமே என சிலர் சொன்னதற்கு ; லீ அவர்கள் இடம் தந்தார்.எனவே சரித்திர ஆவணமான இப்பகுதிகளை தவிர்த்து ; அனைத்து பகுதிகளிலும் – இனவாதத்தை இல்லாமல் செய்யும் நோக்கம் – ஆரம்ப காலத்தில் இருந்தது.

ஏதாவது ஒரு இனம் குழுவாக இருந்தால் – இனவாதம் தலை தூக்கலாம் என இலங்கையை வைத்தே லீ கணிக்கிறார். எனவே சரித்திர ஆவணமான இப்பகுதிகளை தவிர்த்து ; அனைத்து பகுதிகளிலும் – இனவாதத்தை இல்லாமல் செய்யும் நோக்கம் – ஆரம்ப காலத்தில் இருந்தே கண்டு கொண்டார்.

சிங்கை ஒருவிதத்தில் கமியூனிச தன்மை கொண்ட நாடுதான். காரணம் லீ அவர்கள் – கமியூனிசவாதியாக அரசியலுக்குள் பிரவேசித்தவர். அவரது ஆரம்பம் தொழிற்சங்கத்திலிருந்தே உருவாகிறது. மலேசிய டாக்சி தொழிலாளர் சங்கதிலிருந்தே லீயின் அரசியல் உருவாகிறது. அவரோடு இருந்தவர்கள் இராசரத்தினம் ( இலங்கை தமிழர்) மற்றும் தேவநாயர். டாக்சி தொழில் சங்க தலைவராக தேவநாயரே இருந்தார்.

எந்தவொரு இனத்துக்கும் பாகுபாடு ஏற்படக் கூடாது என்பதற்காக – போலீசார் ரோந்து செல்லும் போதோ அல்லது ஒரு குற்றத்தை விசாரிக்கும் போதோ ; இந்திய – சீன – மலாய் போலீசார் என முக் கூட்டு ஒருங்கிணைந்தே செல்வதை சட்டமாக்கினார்.

ஊழலற்ற ஒரு அரசை நிறுவ லீ எடுத்த முயற்சி ; சிங்கப்பூரை – சிங்கார பூமியாக்கியதென்றால் மிகையில்லை.

581.5 km² ல் உருவான ஒரு தேசத்தை உலக அரங்கில் பார்க்க வைத்த பெருமை லீ அவர்களையே சாரும். தனது நாட்டை உருவாக்க ; கடும் போக்காளராக இருந்த லீ – உண்மையில் மிக இனிமையானவர். உண்மையானவர். சுயநலம் அற்றவர்.
மறைந்தாலும் – மறையாத மன்னன்!

“தமிழர்கள் அறிவாளிகள் என சான்றளித்தவர். ஆனால் பயனற்ற விஷயங்களில் கவனத்தை சிதற விடுவதால் அறிவின் பலனை அனுபவிக்க முடியாதவர்கள் என்றும் கணித்தவர்.”

ஏனைய நாடுகள் கனவு மட்டுமே காணக் கூடிய சமூக ஒழுங்கை முழுமையாக நிலைநாட்டியவர் என்பது லீ குவான் யூவுக்கு சூடப்படும் மிகப்பெரிய புகழாரம்.

நிவேதா நேசன்” அவர்களே .. நீங்களும் உங்கள் திறமையை லீயை விமர்சிக்கும் பயனற்ற விடயத்தில் வீணாக்குகிண்றீர்களா.