புலம்பெயர் அமைப்புக்களைக் குறிவைக்கும் இலங்கை அரசு: மறுப்புக்கள் இல்லை!!

வெளிநாடு வாழ் ஸ்ரீலங்கா தமிழர் அமைப்பு – NRTSL

எம்மைப் பற்றி

வெளிநாடு வாழ் ஸ்ரீலங்கா தமிழர் அமைப்பு (NRTSL), ஸ்ரீலங்காவைத் தமது பிறப்பிடமாகவும், பூர்வீகமாகவும் கொண்டவர்களும், இப்பொழுது பிரித்தானியாவில் வதிப்பவர்களுமான, வௌ;வேறு அரசியல் சார்புகளையும், பல்வேறு தொழில்களையும் கொண்டவர்களால், 2014ம் ஆண்டு ஒக்ரோபர் மாதம் உருவாக்கப்பட்டது. ஏறத்தாழ மூன்று இலட்சம் இலங்கைத் தமிழர்கள் தற்போது பிரித்தானியாவில் வாழ்வதாகக் கணிக்கப்படுகிறது. எமது பார்வையில், அத்தனை பிரித்தானியத் தமிழர்களையும் ஒரே அமைப்பு பிரதிநிதித்துவப்படுத்துதல் என்பது யாதார்த்தபூர்வமானதாக இருக்க முடியாது.

தாம் பிறந்த, தமது பூர்வீகமான, நாடான இலங்கையுடன், இன்னமும் இறுக்கமான பிணைப்பையும் தொடர்புகளையும் கொண்டிருக்கும் பிரித்தானியா வாழ் ஸ்ரீலங்காத் தமிழர்கள் பலர், அனைத்து மக்களையும் உள்ளடக்கிய ஒரு பல்லின தேசத்தைக் கட்டியெழுப்புதல், இனங்களுக்கிடையையான புரிந்துணர்வை ஏற்படுத்தி. நட்புறவுகளைப் பலப்படுத்துதல், நாட்டின் பொருளாதாரத்தையும் வளங்களையும் மேம்படுத்துதல் ஆகியன சம்பந்தமான செயற்பாடுகளிலும், பணிகளிலும், தாமும் ஈடுபட்டுப் பங்களிக்க வேண்டும் என்ற விருப்பினதும் அக்கறையினதும் வெளிப்பாடும், விளைவுமே. இந்த அமைப்பின் உருவாக்கத்திற்கான காரணியாகும்.

எமது நோக்கங்கள்

ஸ்ரீலங்கா வாழ் தமிழர்கள் அனைவரும், பொருளாதாரம், மதம், சமூகம், கலாச்சாரம் ஆகிய சகல துறைகளிலும் எதுவித இனப்பாகுபாடுகளுமற்ற சமனான வாய்ப்புக்களுக்கு உரித்துள்ளவர்களாக வாழவும், இலங்கையில் சமனான பிரஜைகளாக, கௌரவத்துடனும், பயமற்றதும், பாதுகாப்பானதுமான வாழ்க்கையை மேற்கொள்ள வேண்டும்; அதற்கு வேண்டிய உத்தரவாதங்களை உள்ளடக்கிய ஒரு அரசியல் அமைப்பினூடான தீர்வும், அதற்கான சட்டவாக்கங்களும், ஸ்ரீலங்காவின் அரசியல் யாப்பில் ஏற்படுத்தப்பட வேண்டும் என்பது பெரும்பான்மையான வெளிநாடு வாழ் தமிழர்களின் ஆழ்ந்த வேட்கையும், அபிலாஷையும் ஆகும். நாம் அவற்றை ஏற்றுக்கொள்வதோடு, அவர்களுடைய இந்த உணர்வுகளில் பங்கும் கொள்கிறோம்.

இந்த மேன்மையான இலக்கை எய்துவதற்கு, நேர்மையுடனும், வினைத்திறனுடனும் செயலாற்றும் அரசியல் கட்சிகள், சமூக அமைப்புகள், மற்றும் செயற்பாட்டாளர்கள் ஆகிய சகல தரப்பினருடம் தொடர்புகளைப் பேணி, அவர்கள் இவை சம்பந்தமாக மேற்கொள்ளும் பணிகளில் ஒத்துழைப்புகளை நல்குவதோடு, நாமும் அவற்றில் ஈடுபடுவோம்.

வௌ;வேறு சமூகங்களுக்கிடையில் வெறுப்பையும் வன்முறைகளையும் தூண்டி, அவர்களைப் பிளவுபடுத்தவும், அவர்களுக்கிடையே வேற்றுமைகளையும், முரண்பாடுகளையும் வளர்க்கும் பிரச்சாரங்கள் மற்றும் செயற்பாடுகளினால், நாட்டின் ஒட்டுமொத்த வளர்ச்சிக்கும் மேம்பாட்டிற்கும் குந்தகம் விளைவிக்க முயற்சிப்பவர்கள், தீர்மானமாகவும், காத்திரமாகவும் எதிர்கொள்ளப்பட வேண்டும் என எண்ணுகிறோம். அப்படியானோரைத் தகுந்த முறைகளில் தடுப்பதற்கும், தண்டிப்பதற்கும், சட்டபூர்வமாகவும் அமைப்புகள் ரீதியாகவும் வேண்டிய மாற்றங்களையும், அதற்காக பாதுகாப்பு, நீதி சம்பந்தமாக ஆக்கபூர்வமான பொறிமுறைகளை ஏற்படுத்துவதற்காகச் செயற்படுவோர்களுடன் நாமும் இணைந்து செயற்படுவோம்.

இவ்வமைப்பு பிரித்தானியாவைத் தளமாகக் கொண்டு இயங்குகிறது என்ற வகையில், பிரித்தானிய மக்களுக்கும், பிரித்தானியா வாழ் ஸ்ரீலங்காத் தமிழர்களுக்கும் இடையிலான புரிந்துணர்வையும், நட்புறவையும் பலப்படுத்துவதோடு, ஸ்ரீலங்கா அரசிற்கும், பிரித்தானிய அரசிற்கும் இடையிலான பரஸ்பர உறவுகளை வளர்ப்பதற்குமான கடப்பாட்டையும் கொண்டுள்ளது.

வேண்டாம் தீவிரவாதச் செயற்பாடுகள்

வெளிநாடுகளில் வாழ்ந்துகொண்டு, பிரச்சாரங்கள், செயற்பாடுகள் மூலமாகவோ, அல்லது வேறு எந்த வகையிலுமோ, மீண்டும் ஸ்ரீலங்காவில் தீவிரவாதத்தையும், வன்முறையையும் வளர்க்கவோ, தூண்டவோ தூபம் போடுபவர்கள், ஒரு அரசியல் தீர்வை எய்துவதற்குத் தடைகளை ஏற்படுத்துபவர்கள் ஆகியோரின் முயற்சிகளை நாம் ஒறுத்து, அவற்றிற்கு எதிராகச் செயற்படுவோம்.

ஸ்ரீலங்காவில் வாழும் தமிழ்மக்களின் எதிர்காலத்தைத் தீர்மானிக்கக்கூடியவர்கள், அம்மக்களால் ஜனநாயக ரீதியாகத் தெரிவு செய்யப்பட்ட பிரதிநிதிகளும், அம்மக்களால் அங்கீகரிக்கப்பட்ட சிவில் சமூகத்தின் தலைவர்களும்தான் என்பதே எமது நம்பிக்கையாகும். வெளிநாடுகளில் வதியும் நாங்கள் அவர்களுக்கு ஆலோசனைகள், உதவிகள் என்பவற்றை நல்கி அவர்களுக்குத் துணையாகவே செயற்பட முடியும், செயற்படவேண்டும் என்பதே எமது நிலைப்பாடாகும்.

தேனி.கொம்

பிரபாகரன் தலமையிலான புலிகளும் ஒருகாலத்தில் பிரேமதாசாவுடன் தேன்நிலவு கொண்டாடினார்கள். பிரேமதாசாவின் வேண்டுகோளுக்கமைய அமிர்தலிங்கத்தையும் கொலை செய்தார்கள். அவர்கள் வழி வந்த உலக, பிரித்தானிய தமிழர் பேரவை சிங்கள அரசுகளுடன் தேன்நிலவு கொண்டாடுவது அதிசயமல்ல.