28 வது பெண்கள் சந்திப்பு 2009.

will it be another “pillayan – kanuna” show?

அன்பான றஞ்சிக்கு

மேலே காணப்படும் இரு பின்னூட்டங்களும் உங்களுக்கு மனவருத்தத்தை தரக்கூடும். பெண்கள் சந்திப்பு பற்றிய யதார்த்தம் இவ்வாறான பார்வையைத்தான் பலரிடம் கொண்டிருக்கிறது. ஆளுமையும் செயல்திறனும் கொண்ட நீங்கள் இம்முறை நடைபெற இருக்கும் பெண்கள் சந்திப்பை வன்முறை ஆராதிப்பாளர்களிடமிருந்தும் இவர்களுக்கு நியாயம் கற்பிப்பவர்களிடம் இருந்தும் ஏன் காப்பாற்ற முயலக்கூடாது.? இன்றைய காலகட்டத்தில் பெண்கள் சந்திப்புபோன்ற களங்களின் தேவையும் ஒடுக்கப்பட்ட மக்கள் சார்ந்த ஆக்க பூர்வமான செயற்பாடுகளும் அவசியம் என்பதில் யாருக்கும் எந்தவித கருத்து முரண்பாடுகளும் இருக்கமுடியாது. ஆனால் பெண்கள் சந்திப்பை தனிப்பட்ட நலன்களுக்காகவும் இருப்புக்களுக்காகவும் தவறான சக்திகளால் ஆளப்படுவதாக எண்ணத்தோன்றுகிறது. இதனால் நீங்கள் முன்னெடுக்கின்ற செயல்பாடுகள் அர்த்தமற்றதாக மாறக்கூடிய சூழல் உருவாகிவிடுகிறது. ஆளுமை மிக்க நீங்கள் ஏன் இவற்றின் மீதான கவனத்தை செலுத்தமுடியாமல் போகின்றது?

இக் கருத்துக்கள் ஆண்வயப்பட்ட துடைப்பானின் கருத்தாக எண்ணாமல் தோழமையான கருத்தாக எண்ண முயன்றால் சந்தோசம்.

தோழமையோடு
துடைப்பான்

நன்றி துடைப்பான் உங்கள் அன்பான கருத்துக்கு உங்கள் கருத்துக்களை நிச்சயமாக நான் கருத்தில் எடுத்துக் கொள்கிறேன் அவற்றை பரிசீலிக்கவும் கவனம் செலுத்தவும் முனைகின்றேன். உண்மையில் இப்பின்னூட்டம் இடுபவர்கள் தமது சொந்தப் பெயரில் வந்து கருத்துக்களை எழுதும் போது இருக்கின்ற கருத்து வலிமை அவர்களின் பார்வையை நாம் பரிசீலிக்கலாம் அவர்களுக்கு பதில் அளிக்கவோ அல்லது என்னை என் நிலைப்பாட்டை என் வேலைத்திட்டத்தை அல்லது என் மீதான விமர்சனங்கங்களை எதிர் கொள்ளலாம். ஆனால் என் மீது இருக்கும் காழ்ப்புணர்ச்சியினால் அல்லது பொறாமையினால் பலர் வந்து புனைபெயர்களில் வேலையில்லாமல் எழுதிக் கொண்டிருக்கும் போது இவர்களின் கருத்துக்கு நான் ஏன் பதில் சொல்ல வேண்டும் என தோன்றுகிறது துடைப்பான். என் நேரத்தை இவர்களுக்கு பதில் சொல்வதிலோ அல்லது நான் மனம் வருத்தப்படுவதையோ தவிர்த்து அந்த நேரத்தில் இந்த சமூகத்திற்கு என்னால் எதைச் செய்ய முடியுமோ அதைச் செய்யவே விரும்புகிறேன். இன்று வடக்கு, கிழக்கில் 400000 மக்கள் அகதிகளாக தவிக்கும் இந் நேரத்தில் அதைப்பற்றிய விவாதங்கள் எமது தேசியம் பற்றிய விவாதங்கள் விமர்சனங்கள் என்பன இன்று அவசியம் எமது முரண்பாடுகளை களைந்து குறைந்த பட்டசத்தில் ஒன்றுபடும் அரசியல் வேலைத்திட்டங்கள் உட்பட பல விடயங்களை நாம் விவாதிக்க வேண்டிய கட்டாயத்தில் உள்ளோம் பெண்கள் சந்திப்பும் அதற்கு விதிவிலக்கல்ல இம்முறை நிச்சயமாக மக்கள் சார்ந்த ஆக்கபூர்வமான செயற்பாடுகளை முன்னெடுக்க முயற்சிக்கும் என்று நான் நம்புகிறேன். தொடர்ந்து என் மீதான உங்கள் விமர்சனத்தை எழுதுங்கள் அப்பொழுது தான் நாம் விடும் தவறுகள் எமக்கு தெரியும் அதை சுய விமர்சனம் செய்யவும் என்னை எம்மை நாம் வளர்த்துக்கொள்ளவும் முடியும். என நம்புகிறேன். மிக்க நன்றி துடைப்பான் உங்கள் கருத்துக்கு