போரை நிறுத்த முடியாது: ஐரோப்பிய ஒன்றியத்திற்கு பதில்

ரெலோ தாக்கப்பட்டு பலவீனப்பட்ட பின்,ஆயுதப் போராட்ட இயக்கத்தின் பலத்தைப் பரீட்சித்துப் பார்ப்பதற்காக கட்டுப்படுத்தப்பட்ட ஒரு தாக்குதலை 1986 மே 20 மட்டில் இலங்கை அரசாங்கம் மேற்கொண்டது. ஆனையிறவு முகாமிலிருந்து முதலில் வந்த இராணுவம் பளையில் திரும்பிச் சென்றது. யாழ்ப்பாணக் கோட்டையிலிருந்து புறப்பட்ட ஒரு பகுதியினர் மண்டைதீவில் ஒரு கடற்படைத்தளத்தை அமைத்தனர். கோட்டைக்குள் கெலிக்கொப்டரை இறக்குகையில் அண்மையிலிருந்து சுடப்படலாம் என்பதால், படையினரை கோட்டைக்கு பாதுகாப்பாக அனுப்புவதற்காகவே இத்தளத்தை நிறுவினர். இலங்கை இராணுவம் தொண்டமானாற்றிலும் வல்வெட்டித்துறையிலும் உள்ள தமது தமது முகாம்களை விஸ்தரிப்பதிலும் வெற்றிபெற்றனர். மே மாதம் வரை மக்கள் மத்தியில் எழுந்த கேள்வி யாதெனில்,இந்த முகாம்களில் ஒன்றைத் தாக்குவதற்கு போராளிகள் எப்போது முனைவார்கள் என்பதாகும்.இப்பொழுதுள்ள கேள்வி என்னவென்றால் யாழ்ப்பாணத்தைக் கைப்பற்றுவதற்கு இலங்கை இராணுவம் எப்பொழுது தாக்குதலை ஆரம்பிக்கும் என்பதாகும். விடுதலைப் புலிகள் எதிர்ப்பதற்கும் கடினமான ஒரு எதிரியை உருவாக்கி விட்டார்கள் என நன்கு உணரப்பட்டது.
நன்றி; முறிந்தபனை(பக்கம் 93)