புலிகள் ஏன் தோற்றுப் போனார்கள் : மாவோயிஸ்ட் தோழர் கோவிந்தன் குட்டி

///////////////////////////////நீங்கள் புலிகளை மதிக்கிறேன் என்பீர்கள், பின்பு அதை பற்றி கேள்வி எழுப்பினால் ச்சும்மா தமாசு என்பீர்கள், இதுதான் உங்கள் நேர்மை, இந்த லட்சனத்தில் வாங்க விவாதிகலாம், வாங்க விவாதிக்கலாம்னு கூவிக் கொண்டு திரிகிறீர்கள்.

ஆரம்பித்துவிட்டீர்களா, உங்கள் முத்திரை குத்தும் பணியை, கொஞ்சம் பொறுங்கள், எங்கள் மக்கள் படும் வேதனைகள் எழுத்திலடங்காதது, அவர்களை மந்தைகளாக்கி முள்வேலி முகாம்களில் அடைத்து வைத்து சித்திரவதை செய்து கொண்டிருக்கிறது சிங்கள பேரினவாத அரசு, இப்படியொரு கொடூரமான சூழலில் ‘பிரபாகரன் இருக்கிறாரா இல்லையா என்று விவாதித்துக் கொண்டிருக்க வேண்டிய அவசியம் எங்களுக்கும் மயிரளவும் இல்லை, . புலி ஆதரவாளர்கள் கூட பிரபாவின் இருப்பை பற்றி பேசுவதை விட இந்த புலி எதிர்ப்பாளர்கள் இருக்கிறார்களே அவர்கள்தான் சதா எந்நேரமும் பிரபாகரன் இறந்துவிட்டார் என்று விடாமல் பினாத்திக் கொண்டிருக்கிறார்களே அந்த அருவெறுப்புதான் தாங்கவில்லை. இவ்வளவு ஏன், உங்களுடைய புதிய ஜனநாயகம் கட்டுரையில் கூட சிவசேகரத்தின் நேர்காணலோடு பிரபாகரன் உடலம்(சிங்களம் வெளியிட்ட படம்) கொண்ட புகைப்படத்தைதானே பிரசுரித்தீர்கள், மக்களுடைய துயரத்தை வெளியிடும் முன்னமேயே உங்கள் இதழ் ‘புலித்தலைமை படுகொலை கட்டுரையை’ வெளியிட்டதே. மக்களை முள்வேலி முகாம்களிலிருந்து விடுவிப்பதை காட்டிலும் உங்கள் தோழர்களுக்கு இணையத்தில் பிரபாகரன் மரணம்தானே பேசு பொருளாக இருக்கிறது.//////////////////////////////////

வெறுமனே புலம்ப்பித்தீர்க்காதீர்கள் முத்துக்குமார். நாங்கள் என்றைக்கும் பிரபாகரனை தமிழ் மக்களின் மீட்பராக கருதியதே இல்லை. சக தோழர்களையும், பல நேரங்களில் பதிலடியாக சிங்கள மக்களையும், இறுதியில் தமிழ் மக்களையும் தன‌க்கு கேட‌யமாக பயன்படுத்திக்கொண்டு, அவர்களின் உயிரை பலிகொடுத்து தனது உயிரைக் காப்பாற்றிக்கொண்டு தப்பிப்பிழைக்கலாம் என்று எண்ணி எதிரியிடம் சரணடைந்த புலி பாசிச தலைமை படுகொலை என்று எழுதியது எமது தவறு தான், அதற்கு பதிலாக புலித்தலைமை கோழைத்தனமாக சரணடைவு என்று எழுதியிருக்க வேண்டும்.

தமிழ் மக்கள் மீது நடத்தப்பட்ட இனப்படுகொலை போருக்கும், தமிழ் மக்களின் இன்றைய‌ அவல நிலைக்கும், பாசிச‌ சிங்கள இனவெறி அரசு மட்டும் தான் காரணம் என்று வாய்பாடு போல அவ்வளவு எளிமையாக சொல்லி விட முடியாது முத்துக்குமார். இதில் புலிகளுக்கும் பங்கு உண்டு. வரலாற்றில் நடந்துவிட்ட உண்மைகளை மறைக்கச்சொல்கிறீர்களா ? அதை மறைத்துவிட்டு அல்லது மறந்துவிட்டு ஈழம் பற்றியும், போரின் இறுதி நாட்கள் பற்றியும் பேசச்சொல்கிறீர்களா ? அது போன்ற காரியத்தை தமிழ்தேசியம் பேசும் உங்களைப் போன்ற வரலாற்றுப் புரட்டர்கள் தான் செய்வார்கள் !

நீங்கள் இப்போது என்ன தான் சொல்ல வருகிறீர்கள் ? புலிகளை விமர்சிப்பதால் ம.க.இ.க ஈழ மக்களுக்கு எதிரானது, தமிழின துரோக கும்பல் என்கிறீர்களா ?

முதலில் அதைச் சொல்லுங்கள் அதன் பிறகு மேற்கொண்டு பேசலாம்.

மின்னஞ்சலில் நடக்கவேண்டிய விவாதமெல்லாம் இங்கே குழாயடிச் சண்டை மாதிரி நடக்கிறது.
இதனால் யாருக்கு நன்மை?

இதைப் பார்த்துப் பொது எதிரி விலாப்புடைக்கச் சிரித்துக்கொண்டிருக்கிறான்.

அன்புள்ள தோழர் சிவாவுக்கு,விவாதங்கள் தொடர்ந்து நன்றாக போய்கொண்டிருப்பதாகவே நானும் கருதுகிறேன். விவாதங்கள் எந்த தனி கட்சியின் அந்தரங்க விசயங்களைப் பற்றியோ அல்லது அக்கட்சியின் தனி நபரின் சொந்த பிரச்சனைகளைப் பற்றியோ அல்ல. இங்கு முற்றிலும் நடந்து கொண்டிருப்பது அரசியல் ரீதியிலான பிரச்சனைகளைப் பற்றி. நண்பன் என்பதாலேயே நாம் அவர்களின் குற்றங்களையும், குறைகளையும் சொல்லாமல் இருக்கமுடியாது. புரட்சிகர கட்சியின் அடிப்படை விதிகளை வைத்திருக்கும்வரை புரட்சிகர கட்சிகள் என்பதால், மற்ற இடது, வலது போக்குகளை விமர்சிக்காமல் இருக்க முடியாது. இங்கு நடந்துக்கொண்டிருக்கும் விவாத்தத்தின் அரசியல் ஏதோ தனி ஒரு நாட்டின் பிரச்சனை மட்டும் இல்லை. உலக முழுக்க இருக்கு மா-லெ குழுக்களிடம் இருக்கும் பிரச்சினை இதுவே. அப்படி நினைத்து நாம் அரசியல் கற்க முயற்சியுங்கள்.1. சுய நிர்ணய உரிமையை அங்கீகரிக்கிறோம் என்று சொல்வதால் மட்டும் அவர்கள் மார்க்சியவாதிகளாக மாட்டார்கள். இதை வெறும் சிபிஎம் போன்றோர்களே அங்கீகரித்தார்கள். ஆனால் எங்கு நடக்கும் போராட்ட்த்தையும் அவர்கள் ஆதரித்ததில்லை. அதுபோல்தான் சூப்பர்லிங்க்ஸ் பேசுவது, சுய நிர்ணய உரிமைக்காக போராடுபவரை மார்க்சியவாதிகள் அங்கீகரித்தே தீர வேண்டும் என்று சொல்லி, தனி ஈழத்தை அங்கீகரிப்பதன் கடமையிலிருந்து தவறுகிறார்கள். மக்கள்தான் தீர்மானிப்பார்களாம். மார்க்சிய கட்சி மக்கள் பின் (மக்கள் கருத்தின் பின்) செல்பவர்களுக்கு ஸ்பான்டேனிட்டி என்று பொருள்படும். இதை கடுமையாக லெனின் விமர்சித்தார். இவர்களுக்கு திட்டம் ஒன்றும் இல்லை. ஈழ மக்கள் ஏதோ இன்று தீர்மானிக்கும் போராட்டத்தை நடத்தாதைப்போல், மக்கள் தனி ஈழம்  வேண்டும் என்றால் அதை மக்களே முடிவு செய்யட்டும் என்றும் ஏதோ இப்பொழுது முடிவு செய்வதற்கு உகந்த சூழ் நிலை இல்லை என்பதைப்போல் கருத்து சொல்கிறார்கள். நாம் தமிழ்நாடு தனியாக செல்ல வேண்டுமா என்பதை கேட்கவில்லை. ஏனென்றால் இன்னும் அதற்கான கருத்தே இங்கு உதிக்கவில்லை அதனால் அவர்கள் பொதுவாக மக்கள் புரட்சியில் தீர்மானிப்பார்கள் என்று சொல்லுவதற்கு. 30 வருட மிகவும் வலிமை வாய்ந்த போராட்டத்தை ஈழ மக்கள் தொடர்ந்து நட்த்திக்கொண்டிருக்கும்போது, இந்தவிதமான பதில் சொல்வது சுத்த அரசியல் சந்தர்ப்பவாதம். அதனால் இவ்விவாதம் அவசியம் நடத்தப்பட வேண்டும்.2. நேபாளத்தைப் பற்றி விவாதம் ஏன் தேவை என்றால், ஒரு நாட்டின் புரட்சியை அவர்கள் காட்டிக்கொடுத்த பிறகு, இன்னும் அவர்கள் நமது சகோதர அமைப்பு என்று சொல்லிக்கொண்டு உட்கார்ந்திருக்க முடியுமா. லெனினியத்தின் ஐந்தாவது விதியை மறுத்து, காவுட்ஸ்கி வாதத்தை தூக்கி பிடித்து, ஒரு நாட்டில் புரட்சி சாத்தியமில்லை என்று கூறும் ட்ராட்ஸ்கி நிலைக்கு சென்ற பின்னர் அவர்களிடம் தோழமை கட்சிப் போல் உள்ளுக்குள் பேசிக்கொண்டிருந்தால், அவர்கள் அதற்குள் உலக முழுக்க சென்று அவர்கள் செய்ய வேண்டிய அனைத்தையும் செய்து முடிப்பர். மா-லெ அடிப்படை மார்க்சியத்தை தூக்கியெறிந்த யாருடனும் நாம் அந்தரங்க விவாதம் நடத்தவே கூடாது. அது பகிரங்கமாக நடக்க வேண்டும். அதை ஆதரிக்கும் கட்சிகளையும் பகிரங்கமாக விமர்சிக்க வேண்டிய அவசியம் உள்ளது. இங்கு இருக்கும் இன்றைய நேபாள கட்சியைவிட நூறு மடங்கு சிறந்த கட்சிகளை சூப்பர் லிங்க்ஸ் என்றும் ஒரு பேச்சுக்கூட காப்பாற்றியது கிடையாது, ஆனால் அக்கட்சியைக் காப்பாற்ற நினைக்கும் போது அதில் உள்ள அபாயத்தை நீங்கள் புரிந்தக்கொள்ள வேண்டாமா? 3. இந்நாட்டில் பலம் வாய்ந்த புரட்சிகர கட்சிகளாக இருந்து, பின்னர் சிறு சிறு குழுக்களாக இன்று புரட்சிகர கட்சிகள் பிளவுண்டு இருப்பதற்கான முக்கிய காரணம், ண்Gஓவை எதிர்த்து செயல் ரீதியாக அல்லாமல் நாம் தத்துவ ரீதியாக மட்டும் நட்த்திய போராட்டம்தான். அனைவரும் தத்துவ ரீதியாக ண்Gஓவை எதிர்ப்பது என்று வைத்துக்கொண்டு, இப்படி மேடையைப் பயன்படுத்துகிறோம், அவர்களை வென்றெடுக்கிறோம் என்று கூறி ண்Gஓ வோக்களுக்கு இப்புரட்சிகரக் கட்சிகளே இறையாக ஆனதுதான் வரலாறு. கலையரசன் ஐஎனெஸ்டி  உறுப்பினராக இருப்பதை ஐஎனெஸ்டியின் அவ்வளைத்தளங்களே நிறூபிக்கும்போது, அவருக்கு சப்பைக்கட்டு கட்டிக்கொண்டிருக்கும் இக்கட்சிகளை நீங்கள் விமர்சிக்கா விட்டால், நாளை புரட்சிகர கட்சி என்று நினைப்பதற்கு அக்கட்சியே புரட்சிகர நிலைப்பாடை தூக்கியெறிந்து சிபிஎம் நிலைக்கு சரிந்து விழுவதுதான் நமது வரலாறு. அப்போது விமர்சனம் செய்வதால் என்ன பயன்?? கலையரசன் என்ற  தனிமனிதர் (ம.க.இ.க கட்சியை சேர்ந்தவர் அல்ல என்றே நினைக்கிறேன்) ஒருவரை காப்பாற்ற அவர்கள் எடுக்கும் சிரத்தையை நீங்கள் கவனிக்கும்போதே அதில் உள்ள அபாயம் புரியவில்லையா உங்களுக்கு??  

———இதனால் இவ்விவாதம் நடப்பது மிகவும் நல்லதே ஒழிய, இதை மறைத்தால் அத்தனை எதிர் கருத்தும் நாம் மதிக்கும் இப்புரட்சிகர கட்சிக்குள்தான் நிலைத்து செழிப்பாக வளரவே வாய்ப்பளிக்கும். இது எனது கருத்து. சரியானதே என்று நினைக்கிறேன்!!!

மக்க‌ள் கருத்து வணக்கம்.
உங்களுடனான விவாதத்தை மேற்கொண்டு தொடரலாமா அல்லது இத்துடன் நிறுத்திக்கொள்ளலாமா என்று பரிசீலித்த போது என்னால் தொடரலாம் என்றோ அல்லது இத்துடன் முடித்துக்கொள்ள‌லாம் என்றோ எந்த தீர்க்கமான முடிவுக்கும் உடனடியாக வர முடியவில்லை. அதற்கு இரண்டு காரணங்கள் உண்டு, ஒன்று உங்களுடன் விவாதிப்பதன் மூலம் எங்களைப் பற்றி உங்களிடம் இருக்கும் தவறான புரிதலை, கண்ணோட்டத்தை களையலாம், உங்களை எங்களுடைய‌ கருத்துக்கும் வென்றெடுக்கலாம் என்பது ஒன்று. இதன் காரணமாக உங்களுடன் தொடர்ந்து விவாதிக்கலாம் என்கிற கருத்து பல நேரங்களில் மேலோங்கியிருந்தது.

இரண்டாவது, நீங்கள் எந்த அமைப்பைச் சேர்ந்தவர் என்று கேட்டிருந்தேன் அதற்கு நீங்கள், நான் எந்த அமைப்பையும் சாராத தனி நபர் என்று கூறியுள்ளீர்கள். தமிழ்நாட்டில் பல்வேறு அமைப்புகள் இருக்கும் போது அதில் நீங்கள் எந்த அமைப்பிலும் இணைந்து செயல்படாமலிருக்கிறீர்கள், நாங்கள் தான் புலிகளை எதிர்க்கிறோம், ஆனால் இங்கு நூற்றுக்கு தொண்ணூற்றொன்பது அமைப்புகள் உங்களுடன் கருத்தொற்றுமையுடைய, புலிகளை ஆதரிக்கும் அமைப்புகள் தான், ஆனால் அவர்களுடன் கூட இணைந்து செயல்படாமல் வெறுமனே தனி நபராக‌ இருக்கும் ஒருவர், ம.க.இ.க வை மட்டுமல்ல எந்த‌ பெயர்பலகை அமைப்புகளையும் கூட விமர்சனம் செய்யும் இடத்தை பெறவில்லை என்பது ஒன்று, இரண்டாவது இதன் தொடர்ச்சியாக நடைமுறையில் இல்லாத‌ இது போன்ற தனிநபர்களுடன் மல்லுக்கட்டுவதால் எனக்கோ அல்லது எனது அமைப்புக்கோ ஆகப்போவது என்ன, அதனால் என்ன‌ பயன் ? ஒன்றுமில்லை.

ஆயிரம் பிரச்சனைகள், போராட்டங்களுடன் நடைமுறையில் இருக்கும் ஒரு அமைப்பை (அது த.தே.பொ.க ஆயினும் சரி எந்த அமைப்பாயினும் சரி) பற்றி வெறுமனே கணிப்பொறி முன்னால் உட்கார்ந்து கொண்டு “விமர்சனம்” செய்வதனூடாக விவாதிக்கத்தொடங்கி “வீனே” உங்கள் அறிவை வளர்த்துக்கொள்ள அல்லது காட்டிக்கொள்ள இதை ஒரு களமாக பயன்படுத்திக்கொள்வது எமக்கு ஏற்புடையது அல்ல. சரி எப்படி இருந்தால் ஏற்புடையது என்கிறீர்களா, உங்களுக்கு பல கருத்துக்கள் இருக்கின்றன, அதை மார்க்சியம் என்று கூட சொல்கிறீர்கள்! ஆனால் நீங்கள் எந்த‌ அமைப்பிலும் இல்லை என்கிறீர்கள். நீங்கள் எந்த அமைப்பிலும் இல்லாவிட்டால் கூட பரவாயில்லை, ஆனால் கருத்து ரீதியாக ஏதோ ஒரு அமைப்பின் ஆதரவாள‌ராகத் தான் இருக்க முடியும். குறிப்பிட்ட அந்த அமைப்பின் கருத்தை ஏற்கக்கூடியவராகத்தான் இருக்க முடியும். அப்படி இருக்கும் போது ‘மக்கள் கருத்து’ என்கிற பெயரில் எதற்கு மறைய வேண்டும் ? உங்களுடைய உண்மையான அரசியல் அடையாளம் என்ன என்பதை (அப்படி இருந்தால் மட்டும்) துணிவுடன் காட்ட வேண்டும் என்கிறேன். இல்லை நான் எந்த அமைப்பிலும் இல்லை என்பதையே மீண்டும் சொல்கிறீர்கள் என்றால் அதன் பொருள், உங்களுக்கு தமிழகத்தில் யாரும் ஏற்புடையவர்களாக இல்லை. அதாவது தமிழ்நாட்டில் எந்த‌ அமைப்பும் சரியான அரசியல் கண்ணோடமுடைய‌ அமைப்பு இல்லை என்றாகிறது. ஒருவர் இந்த முடிவில் இருந்தால் மட்டும் தான், கருத்து ரீதியாகக்கூட ‘நான் யாரையும் ஆதரிக்கவில்லை’ என்று கூறமுடியும். அப்படி எதுவும் சரி இல்லை என்றால் மாற்று அரசியல் அமைப்பை நீங்கள் தான் கட்டியமைக்க வேண்டும்.

எனவே எந்த அரசியல் அமைப்புகளிலும் பங்குபெறாத, நடைமுறையில் இல்லாத (நடைமுறையில் இருப்பதால் தான் நாங்கள் போலிக்கம்யூனிஸ்டுகளையும், தி.க காரர்களையும் கூட மதித்து விவாதிக்கிறோம் என்பதை மறக்க வேண்டாம்) உங்களுடன் எதற்கு நேரம் செலவு செய்து விவாதிக்க வேண்டும் என்கிற கருத்தும் என்னிடம் பலமானதாக இருந்தது. எனினும் இவற்றில் எதையும் நான் ஒரு முடிவாக எடுத்துவிடவில்லை.

எனவே தற்போது ஒரு முடிவுக்கு வருவோம், அதாவது ஒரு உடன்பாட்டுக்கு. உங்களுடன் நான் விவாதிக்கத்தயார், இந்த ஒரு விசயம் பற்றி மட்டுமல்ல, அனைத்தை பற்றியும். அனைத்திலும் எமது நிலப்பாடு சரி என்பதை விவாதத்தின் மூலம் உங்களிடம் நிறுவுகிறேன். அவ்வாறு எமது விளக்கத்தை, நிலப்பாட்டை நீங்கள் ஏற்கும் பட்சத்தில் நீங்கள் எமது அமைப்பில் இணைந்து பணியாற்ற வேண்டும் என்பது தான் எனது நிபந்தனை. இந்த விவாதத்தை இணையத்தில் தொடருவதற்கு என‌து தரப்பில் சில சிரமங்கள் உண்டு, அவ்வளவு நேரங்கள் இணையத்தில் செலவிட முடியாது என்பதால் இதை நேரில் வைத்துக்கொள்ளலாம். உங்கள் கருத்தை கூறவும்.

இறுதியாக,
நீங்கள் கடைசியாக இட்டிருந்த பின்னூட்டத்திற்கு சில விளக்கங்களும் எமது நிலைப்பாடும் கீழே.

ஈழம் குறித்து:
உங்க‌ளுக்கு முன்பு என்ன கூறினேனோ அதையே தான் இப்போது சற்று விளக்கமாக கூறுகிறேன்.

தனி ஈழம் வேண்டுமா வேண்டாமா என்பதை இல‌ங்கையில் உள்ள தமிழ் மக்கள் தான் முடிவு செய்ய முடியும். அவர்களுக்குத்தான் அந்த முழு உரிமையும் உண்டு. பெரும்பாண்மை மக்களின் முடிவு தனியாக பிரிந்து செல்வது தான் என்றால் நாங்கள் அதை எதிர்க்கவில்லை. அல்லது சிங்கள மக்களுடனே கூடி வாழ்வதாக முடிவெடுத்தாலும் நாங்கள் அதை எதிர்க்கவில்லை. அதை அவர்கள் தான் முடிவு செய்ய வேண்டும் என்கிறோம், அவர்கள் சார்பாக தமிழ் நாட்டிலுள்ள தமிழினவாதிகளோ, புலம்பெயர்ந்த‌வர்களோ முடிவெடுக்க முடியாது என்கிறோம்‌. அவர்கள் பிரிந்து செல்வதாக‌ இருந்தாலும் கூடி வாழ்வதாக இருந்தாலும் அவர்களுக்கு சுயநிர்ணய உரிமையை வழங்க வேண்டும் என்கிறோம். அதை எப்படி ஒடுக்குகிற‌ சிங்கள அரசே வழங்கும் ? சிங்கள அரசு வழங்காது, தமிழ் மக்களுக்காக சிங்கள இனத்திலுள்ள முற்போக்கு, ஜனநாய சக்திகள் தான் குரல்கொடுக்க வேண்டும் என்கிறோம். குறிப்பாக ஒடுக்கும் இனத்தின் பாட்டாளி வர்க்கம் போராட வேண்டும்.

இரண்டாவதாக,மார்க்ஸ் ஐரிக்ஷ் பிரச்சனையில் கூறியது பழைய கதை என்றதும், நீங்கள் அப்படியென்றால் மார்க்சியத்தின் அடிப்படையே மாறிவிட்டதா, அது மாறிவிட்டதா, இது மாறிவிட்டதா என்று கேட்கிறீர்கள். அனைத்தும் மாற வேண்டிய அவசியமில்லை. எந்த மாற்ற‌ங்களும் இல்லாமல் பைபிள் மாதிரி அப்படியே இருந்தால் அது மார்க்சியமும் இல்லை. அயர்லாந்து குறித்து மார்க்ஸ் கூறிய‌ அந்த‌ நிலை இன்று முற்றிலும் மாறியுள்ளது. இன்றைக்கு அமெரிக்கா என்கிற மேல் நிலை வல்லரசும், உலகைச் சுற்றிலும் பல்வேறு ஏகாதிபத்தியங்களும் சூழ்ந்திருக்கும் நிலையில், தங்களுக்கிடையில் உலகை பங்கீடு, மறுபங்கீடு போட்டுக்கொள்ளுகிற பழைய‌ நிலைமை மாறி உலகம் புதிய தன்மையில் உள்ள இன்றையச் சூழலில், உலகின் ஒரு மூலையிலுள்ள‌ ஒரு தனி தேசிய இனம் மட்டும் தனியாக பிரிந்து செல்வது நடவாத காரியம். இக்காலகட்டத்தில் ஒரு தேசிய‌ இனத்தின் போராட்டம் வர்க்கக்கண்ணோட்டமின்றி வெறும் தேசியவாதத்தால் மட்டுமே வழி நடத்தப்படுவதும் சாத்தியம் இல்லை. அவ்வாறு ஒரு தேசிய இனத்தின் போராட்டம் வர்க்கப்பார்வையுடன் நடத்தபடுகையில் தனி ஒரு தேசிய இனம் மட்டும் பிரிந்து செல்வதிலுள்ள சாத்தியமற்ற‌ தன்மைகளையும், அபாயங்களையும், தேசிய அகநிலை விருப்பங்களிலிருந்து முடிவுகளை எடுக்காமல், சர்வதேச புறநிலை எதார்த்தங்களிருந்தும், தேசிய‌ கண்ணோட்டத்திலிருந்து எடுக்காமல் வர்க்க கண்ணோட்டத்திலிருந்தும் அனைத்தும் பகுத்துப்பார்க்கப்பட்டு முடிவெடுக்கப்ப‌டும்.

மேற்கூறிய இந்த புதிய நிலைமைகளின் கீழ் ஒரு தேசிய எழுச்சியை நடத்தி விடுதலை அடைந்த தேசம் என்று ஒன்றையாவது உங்களால் சுட்டிக்காட்ட முடியுமா ? அவ்வாறு ஏதேனும் சில சிறிய சிறிய நாடுகள் தனியே பிரிந்து போயிருப்பின் அவை சுதந்திரக்காற்றை சுவாசிப்பவையாக இருக்க முடியாது, மாறாக‌ ஏகாதிபத்தியங்களின் அடிமை தேசங்களாகவே இருக்கும். (உதாரணம். கிழக்கு திமோர்,செர்பியா, செசன்யா,ஜார்ஜியா இன்ன பிற..) அவ்வாறின்றி ஏகாதிபத்தியங்களின் நலன்கள் இல்லாமல், அதனுடைய‌ ஆதரவில்லாமல் ஒரு தேசிய இனம் பிரிந்து செல்வது, இந்த ஒடுக்குமுறை சுரண்டல் அமைப்பு முறையின் கீழ் என்றைக்குமே சாத்தியம் இல்லை. அந்த தேசிய இனங்கள் பல பத்தாண்டுகளாக போராடினாலும், கடைசி வரை போரடிக்கொண்டே இருக்க வேண்டியது தான். இந்த அமைப்பு முறையை ஒழிக்காமல் அந்த குறிப்பிட்ட தேசத்துக்கு விடுதலையே கிடைக்காது.

போராடிக்கொண்டிருக்கும் பல்வேறு தேசிய இனங்களே இதற்கு சான்றுகளாகும். குறிப்பாக காக்ஷ்மீரை எடுத்துக்கொள்வோம். காக்ஷ்மீர் மக்கள் தனி நாடாக‌ செல்ல வேண்டும் என்று விரும்புகிறார்கள், அவர்களுடைய கோரிக்கை நியாயமானது, அதை நாங்கள் முற்றிலுமாக ஏற்கிறோம். அதற்காக நாங்கள் பல போராட்டங்களையும் கூட நடத்தியிருக்கிறோம். “காக்ஷ்மீர் யாருக்குச் சொந்தம்” என்கிற சிறு வெளியீடை பல்லாயிரக்கணக்கில், பல முறை அச்சிட்டு தமிழக மக்கள் மத்தியில் காக்ஷ்மீரி மக்களின் போராட்டத்திலுள்ள நியாயத்தை பல ஆண்டுகளாக தமிழ் மக்கள் மத்தியில் கொண்டு செல்கிறோம். இன்றுவரை தொடர்ந்து எமது இழ்களில் அவர்களுக்கு ஆதரவாகவே எழுதியும் வருகிறோம். ஆனால் காக்ஷ்மீர் எத்தனை ஆண்டுகளாக போராடிக்கொண்டிருக்கிறது, மணிப்பூரி,நாகாலாந்து வடகிழக்கு மக்கள் எவ்வள‌வு ஆண்டுகளாக போராடிக்கொண்டிருக்கிறார்கள் ? ஆனால் ஏன் விடுதலை அடையமுடியவில்லை ? மேற்கூறிய புதிய அர்சியல் நிலைமைகள் தான் காரணம். இந்த மக்களின் தேசிய இனப்போராட்டம் இந்தியாவில் ஒரு புரட்சி நடக்கும் வரை கூட தொடர்ந்து நடக்கலாம், அல்லது ஏகாதிபத்தியங்களின் மேலாதிக்க இந்திய அரசின் திடீர் ‘ந‌லன்கள்’ காரணமாக பிரிந்தும் போகலாம். ஆனால் அவை சுதந்திர தேசிய அரசுகளாக மட்டும் இருக்க முடியாது. இவை தான் தேசிய இனப்பிரச்சனை குறித்த ( இதில் இன்னும் நிறைய விளக்கப்படாமல் விடுபட்டுள்ளன,அவசியமானதை மட்டுமே இங்கு கூறியுள்ளேன்) எமது நிலைப்பாடு. ஈழத்திற்கும் நாங்கள் இதை தான் சொல்கிறோம். காக்ஷ்மீர் பிரிந்து செல்வதற்கு நாங்கள் என்ன எதிரிகளா ? அப்படியென்றால் காக்ஷ்மீர் தனிநாடு என்று நாங்கள் ஏன் பிரச்சாரம் செய்ய வேண்டும் ? அதே போலத்தான் ஈழம் குறித்த எமது நிலையும். எனவே, இதுவரை விளக்கியதிலிருந்து ஈழம் குறித்த எமது நிலை என்ன என்பதை நீங்கள் புரிந்து கொண்டிருப்பீர்கள் என்று நம்புகிறேன்.