தமிழக மக்களின் உணர்வுகளை மத்திய அரசு மதிக்கவில்லை :திருமா

இலங்கையில் போர் முடிவடைந்துள்ள சூழ்நிலையில் அங்கிருந்து வந்த அகதிகளை தாயகம் திரும்புமாறு மத்திய அரசு நிர்ப்பத்ந்திக்க கூடாது என விடுதலைச் சிறுத்தைகள் தலைவர் தொல்.திருமாவளவன் தெரிவித்துள்ளார். நேற்று டில்லியில் தொலைக்காட்சி ஒன்றுக்கு வழங்கிய பேட்டியொன்றின்போதே அவர் இவ்வாறு தெரிவித்துள்ளார். அங்கு அவர் மேலும் தெரிவிக்கையில்,

இலங்கையில் போர் நிறுத்தம் செய்யுமாறு அந்த நாட்டு அரசை வலியுறுத்துமாறு தமிழக அரசியல் கட்சிகள் பல வழிகளில் கோரியபோதும் அதற்கு மத்திய அரசு செவிசாய்க்கவில்லை இந்த பிரச்சினையில் தமிழக மக்களின் உணர்வுகளை மத்திய அரசு மதிக்கவில்லை.

இந்தியாவில் தஞ்சம் அடைந்துள்ள இலங்கை தமிழ் அகதிகளுக்கு போதுமான வசிப்பிடம் சுகாதார வசதிகள் செய்து தரப்படவில்லை. இலங்கை அகதிகளை தாயகம் திரும்புமாறு வற்புறுத்தக் கூடாது.