தேசபக்தியை மொத்த விலைக்கு குத்தகை எடுத்திருப்பதாக சொல்லிக் கொள்ளும் இந்துத்துவா கும்பல் உண்மையில் நாட்டு விடுதலைப் போராட்ட தியாகிகளுக்குச் செய்யும் துரோகங்களின் வரலாற்றை சித்தரிக்கும் பாடல். நாமெல்லாம் நாட்டு வரலாற்றை புதிதாகக் கற்றுக் கொள்ளும் தேவையை உணர்ச்சி ததும்ப உணர்த்தும் பாடல்.
=========
பாபர், தன் மகன் ஹூமாயூனுக்கு விட்டுச் சென்ற உயிலில் சொல்கிறார். ‘அருமை மகனே, வகை வகையான மதங்களை பின்பற்றுபவர்கள் இந்தியாவில் இருக்கிறார்கள். நீ உனது மனதை குறுகிய மத உணர்வுகள் பாதிக்க அனுமதிக்கக் கூடாது. நீ மற்ற சமூகத்தினரின் வழிபாட்டுத் தலங்களை ஒரு போதும் இடித்து சேதப்படுத்தக் கூடாது. பாரபட்சமற்ற முறையில் நீதி வழங்க வேண்டும்.’ இது பாபர் தன் கைப்பட எழுதிய உயில். அர்ஜூனனுக்கு கண்ணன் செய்த கீதோபதேசம் போல புராணக் கட்டுக்கதை அல்ல. எனினும் அந்த பாபர்தான் கோயிலை இடித்ததாகக் குற்றம் சாட்டுகிறார்கள்.
இவர்கள் பழைய வரலாற்றை மட்டுமா திரித்தார்கள்! வெள்ளையனுக்கு எதிராக வீரப் போர் புரிந்து இறந்த முஸ்லீம் போராளிகளின் தியாகத்தையும் மறைக்கிறார்கள், திரிக்கிறார்கள். போர்த்துக்கீசியரை கடற்போரில் வென்ற கேரளத்தின் குஞ்ஞாலி மரைக்காயரையும், முதல் இந்திய சுதந்திரப் போருக்கு தலைமை தாங்கிய மன்னன் பகதூர்ஷாவையும் எத்தனை பேருக்குத் தெரியும்? வெள்ளையர்கள் நடுநடுங்க வீரப் போர் புரிந்த பைசலாபாத் மௌல்வி அகமதுஷாவை வெள்ளையரிடம் கைக்கூலி வாங்கிக் கொண்டு சதி செய்து கொன்றவன் அன்றைய அயோத்தியின் இந்து மன்னன் ஜகன்னாத ராஜா, என்று யாருக்குத் தெரியும்?
முதல் சுதந்திரப் போருக்கு வித்திட்ட வேலூர் கோட்டைக் கலகத்திற்கு தலைமை தாங்கிய முஸ்லீம் தளபதிகள் சவுக்காலும் புளியம் விளாறுகளாலும் அடித்தே கொல்லப்பட்டது யாருக்குத் தெரியும்? பகத்சிங்கைப் போலவே தூக்கு மேடை ஏறிய அவன் தோழன் அஷ்வகுல்லாகானை யாருக்குத் தெரியும்?
தெரியக் கூடாது என்பதில் எச்சரிக்கையாக இருக்கிறது ஆர்எஸ்எஸ் கும்பல். அதனால்தான் புராணப் புளுகுகளை உண்மை போல சித்தரிக்கும் தொலைக்காட்சியில் திப்புசுல்தானின் வரலாற்றை கற்பனைக் கதை என்று குறிப்பிடுகிறார்கள். இருட்டடிப்பு மட்டுமா, அந்தத் தியாகிகளை துரோகிகள் என்றும் தூற்றுகிறார்கள்.
அவர்களுடைய வாரிசுகளும் இந்த மண்ணின் மைந்தர்களுமான முஸ்லீம் மக்களை அன்னிய கைக்கூலிகள் என்று அவதூறு செய்கிறார்கள். எத்தனை பெரிய துரோகம், உங்கள் இதயம் வலிக்கவில்லையா, கண்கள் பனிக்கவில்லையா இந்த அநீதியைக் கண்டு?
சொல்லாத சோகம் – யாரும் வெல்லாத வீரம்
நெஞ்சோடு மோதும் – இது கண்ணீரின் கீதம்…
கோரஸ் : சொல்லாத சோகம் – வெல்லாத வீரம்
நெஞ்சோடு மோதும் – கண்ணீரின் கீதம்…
என்றும்…உன்னோடும் என்னோடும் மண்ணோடும் வாழும் வாழும்
கோரஸ் : சொல்லாத சோகம் – வெல்லாத வீரம்
நெஞ்சோடு மோதும் – கண்ணீரின் கீதம்…
அயோத்தி என்பது தியாகம் – அதன் சின்னம் அசரத் பேகம்
கோரஸ் : அதன் சின்னம் அசரத் பேகம்
அசரத் மஹல் அயோத்தியின் ராணி. முதல் சுதந்திரப் போரில் ஆங்கிலேயரை எதிர்த்து வீரப் போர் நடத்தி தோல்வியுற்றாள் ஹசரத் மஹல். அவளுக்கு அடைக்கலம் அளிக்கக் கூட எந்த இந்து மன்னனும் முன்வரவில்லை. தன் 10 வயது மகனோடு இமயத்தின் அடிவாரக் காடுகளில் அநாதையாக திரிந்து இறந்தாள் அந்தத் தாய்.
அயோத்தி என்பது தியாகம் – அதன் சின்னம் அசரத் பேகம்
கோரஸ் : அதன் சின்னம் அசரத் பேகம்
ஆளரவம் இல்லா காட்டில்…அநா..தையாக மரணம்
கோரஸ் : அநா..தையாக மரணம்
அந்தப் பெண் ஈன்ற மண்ணே… இன்று அய்யோ அவமானம்…
கோரஸ் : அந்தப் பெண் ஈன்ற மண்ணே… இன்று அய்யோ அவமானம்…
என்றும்…உன்னோடும் என்னோடும் மண்ணோடும் வாழும்…வாழும்…
கோரஸ் : சொல்லாத சோகம் – வெல்லாத வீரம்
நெஞ்சோடு மோதும் – கண்ணீரின் கீதம்…
திப்பு சுல்தானின் வீரம் – கட்டபொம்மனையும் மீறும்
கோரஸ் : கட்டபொம்மனையும் மீறும்
திப்பு சுல்தான், இந்திய மன்னர்கள் அனைவரையும் ஒன்று சேர்த்து வெள்ளையனை விரட்ட வேண்டும் என்பது அவன் கனவு. ஆனால், திப்பு தோற்கடிக்கப்பட்டான். அவனை முதுகில் குத்தியவர்களில் முதன்மையானவர்கள் மராத்திய பேஷ்வா மன்னர்கள். வேறு யாருமல்ல, அவர்கள்தான் ஆர்எஸ்எஸ்சின் மூதாதையர்களான சித்பவன பார்ப்பனர்கள்.
திப்பு சுல்தானின் வீரம் – கட்டபொம்மனையும் மீறும்
கோரஸ் : கட்டபொம்மனையும் மீறும்
இந்து மன்னர்களின் துரோகம் – எட்டப்பன் வகையில் சேரும்…
கோரஸ் : எட்டப்பன் வகையில் சேரும்…
தன் படையோடு தானும் சாவை எதிர்கொண்ட தீரம்…
கோரஸ் : தன் படையோடு தானும் சாவை எதிர்கொண்ட தீரம்..
என்றும்…உன்னோடும் என்னோடும் மண்ணோடும் வாழும்…வாழும்..
கோரஸ் : சொல்லாத சோகம் – வெல்லாத வீரம்
நெஞ்சோடு மோதும் – கண்ணீரின் கீதம்…
மாப்பிளா போராட்டம் – மண்ணை உழவன் கையில் சேர்க்கும்
கோரஸ் : மண்ணை உழவன் கையில் சேர்க்கும்
உழுபவனுக்கு நிலம். மாப்பிளா முஸ்லீம் விவசாயிகளின் முழக்கம். அது தாழ்த்தப்பட்ட மக்களும் முஸ்லீம் விவசாயிகளும் இணைந்து நடத்திய போராட்டம். சொந்த மண்ணின் மக்களை ஒடுக்க வெள்ளையனின் காலை நக்கினார்கள் நம்பூதிரிகள். கிராமம் கிராமமாக கொலை செய்யப்பட்ட போதும் 50 ஆண்டு காலம் அந்த போராட்டம் ஓயவில்லை.
மாப்பிளா போராட்டம் – மண்ணை உழவன் கையில் சேர்க்கும்
கோரஸ் : மண்ணை உழவன் கையில் சேர்க்கும்
நம்பூதிரி வெள்ளையர் ஆட்டம் – அவன் சாதித் திமிரை ஓட்டும்
கோரஸ்: அவன் சாதித்திமிரை ஓட்டும்
அரை நூற்றாண்டு காலம் அடி பணியாத கோபம்
கோரஸ் : அரை நூற்றாண்டு காலம் அடி பணியாத கோபம்
என்றும் உன்னோடும் என்னோடும் மண்ணோடும் வாழும் வாழும்
கோரஸ் : சொல்லாத சோகம் – வெல்லாத வீரம்
நெஞ்சோடு மோதும் – கண்ணீரின் கீதம்…
முதல் சுதந்திரப் போராட்டம் – தமிழ்மண்ணில்தான் வெள்ளோட்டம்
கோரஸ் : தமிழ்மண்ணில்தான் வெள்ளோட்டம்
வேலூர் கோட்டை. அங்கே சிறை வைக்கப்பட்டிருந்த திப்புவின் முஸ்லீம் தளபதிகளும் ஆங்கிலப் படையின் தமிழ் சிப்பாய்களும் கோட்டையைக் கைப்பற்றினார்கள். கிளர்ச்சியை நசுக்கினான் வெள்ளையன். பீரங்கி வாயில் வைத்து அவர்களை பிளந்து அகழியில் வீசினான். விடுதலைப் போரின் உறவாய் அந்த மண்ணில் உறைந்து விட்ட இரத்தத்தில் மதம் எங்கே?
முதல் சுதந்திரப் போராட்டம் – தமிழ்மண்ணில்தான் வெள்ளோட்டம்
கோரஸ் : தமிழ்மண்ணில்தான் வெள்ளோட்டம்
வெள்ளை கசையால் சிதைந்த தேகம் – வேலூர் கோட்டை அகழியை மூடும்
கோரஸ் : வேலூர் கோட்டை அகழியை மூடும்
அந்த முஸ்லீம் மக்கள் தியாகம்…விடுதலைப் புயலின் கருவாய் மாறும்…
கோரஸ் : அந்த முஸ்லீம் மக்கள் தியாகம்…விடுதலைப் புயலின் கருவாய் மாறும்…
என்றும்… உன்னோடும் என்னோடும் மண்ணோடும் வாழும்…வாழும்
கோரஸ் : சொல்லாத சோகம் – வெல்லாத வீரம்
நெஞ்சோடு மோதும் – கண்ணீரின் கீதம்…
எட்டப்பன்மாரின் துரோகம் – இந்து என்பதனாலா மாறும்
கோரஸ் : இந்து என்பதனாலா மாறும்
பேஷ்வா அரச பரம்பரையும் இன்னும் பல எட்டப்பன்களும் நினைத்திருப்பார்களா, இந்து என்ற ஒரே காரணத்தால் நாம் போற்றப்படுவோம் என்று. அல்லது களத்தில் உயிர்நீத்தானே திப்பு சுல்தான், அவன் நினைத்திருப்பானா, முஸ்லீம் என்ற ஒரே காரணத்தால் நாம் தூற்றப்படுவோம் என்று. இசைப்பார் இல்லை என்பதால் அந்த ராகம் இல்லாமலா போய் விடும்.
எட்டப்பன்மாரின் துரோகம் – இந்து என்பதனாலா மாறும்
கோரஸ் : இந்து என்பதனாலா மாறும்
திப்பு சுல்தானின் தியாகம்… – ஏன் முஸ்லீம் என்ற பேதம்
கோரஸ் : ஏன் முஸ்லீம் என்ற பேதம்
இது பாடாத வீரம் யாரும் தேடாத ராகம் –
கோரஸ் : இது பாடாத வீரம் யாரும் தேடாத ராகம்
என்றும் உன்னோடும் என்னோடும் மண்ணோடும் வாழும்… வாழும்…
கோரஸ் : சொல்லாத சோகம் – வெல்லாத வீரம்
நெஞ்சோடு மோதும் – கண்ணீரின் கீதம்…
கோரஸ் : சொல்லாத சோகம் – வெல்லாத வீரம்
நெஞ்சோடு மோதும் – கண்ணீரின் கீதம்…
என்றும் உன்னோடும் என்னோடும் மண்ணோடும் வாழும்… வாழும்…
கோரஸ் : சொல்லாத சோகம் – வெல்லாத வீரம்
நெஞ்சோடு மோதும் – கண்ணீரின் கீதம்…
__________________________________________
மக்கள் கலை இலக்கிய கழகத்தின் காவி இருள் ஒலிக்குறுந்தகடில் இந்தப் பாடல் இடம்பெற்றிருக்கிறது. ஒலிக்குறுந்தகடு தேவைப்படுவோர் தொடர்பு கொள்ள வேண்டிய முகவரி:
புதிய கலாச்சாரம்,
16, முல்லை நகர் வணிக வளாகம்,
2வது நிழற்சாலை, அசோக் நகர்,
சென்னை – 600 083.
தொலைபேசி: 044-23718706
செல்பேசி: அலுவலக நிர்வாகி தோழர் பாண்டியன் – 99411 75876
___________
கீழைக்காற்று வெளியீட்டகம்,
10, அவுலியா தெரு, எல்லீசு சாலை, சென்னை – 600 002.
தொலைபேசி: 044-2841 2367
_____________________________________
-நன்றி: வினவு
“”உன்னோடும் என்னோடும் மண்ணோடும் வாழும்…வாழும்”” வரலாறுகள் பல மதங்களாகவும் அரசியலாகவும் இருக்கலாம் ஆனால் சத்தியமும் தர்மமும் என்றும் மறையாது அதுவே தமிழர்களின் போராட்டமாக தொடர்ந்துள்ள வரலாறு . அந்த வகையில் முதல் சுதந்திரப் போராட்டம் – தமிழ்மண்ணில்தான் வெள்ளோட்டம் என்பது வீர வசனங்களுக்காக மட்டும் பாவிக்கப்படும் சொல்லல்ல .
முஸ்லீம்கள் ஏன் சவுதி நாட்டிற்கு தரிசனத்திற்காக செல்கின்றார்கள் அங்கே மற்றைய மதத்தவர்களை ஏற்க்காமல் தமது மதக் கட்டுப்பாடுகளை வளர்கின்றார்கள் என்றால் அது அந்த மண்ணின் மகிமை அதனைப் போல் பாரத நாட்டில் தமிழர்களை மேலோங்க விடாமல் சைவ மதத்திற்கு எதிராக வளர்கப்படும் பலதரப்பட்ட செயல்பாடுகள் தமிழர்களை சைவமதத்தில் இருந்து விலக்கி மற்றைய மதங்களில் அக்களை படுவதால் மக்களை மாற்றுவது போல் மண்ணை மாற்ற முடியாது என்பதே இழத்தில் ஈழத்தமிழினம் ஒரு போராட்ட வரலாற்றை சிங்கள தேச இனவாத்திற்கு எதிராக போராடி உலகத்தில் தமிழர்கள் என்படுபவர்கள் யார் சைவத்தை முதன்மையாக கொண்டு எமது மண்ணின் தர்மத்தையும் சத்தியத் தோடும் வாழ்ந்த தமிழர்களை உலகத்தில் யாரும் அவமதித்திருக்கலாம் தமிழ் பேசும் மக்களே எமது வரலாறுகளை பின்பற்றாதமை பலருக்கு தெரியாத விளக்கமாக உள்ளது.
ஈழப் போராடத்தில் முள்ளிவாய்கால் அவலம் என்பது உலகத்தில் ஊழல்களுக்காக கொடுகப்பட்ட விலை என்பதனை இந்த உலகம் ஏற்காது விட்டாலும் உண்மை அதுவே.
உயிர் தியாகங்களை சுயநலத்திற்காக பயன்படுத்தி எதிரியை வளர்த்து எம்மினத்தை கொன்ற போதும் உலகமே எமது விடுதலை சார்ந்து அழிகப்பட்டது என்றால் அதற்கான ஆரம்பம் சுனாமி தொட்டு முள்ளிவாய்கால் வரை அதிலிருந்து ஓய்ந்து விட்டாதாக நாம் இன்று கூற முடியாது விட்டாலும் உலக மாற்றங்கள் பலதரப்பட்ட வரலாற்றின் வெற்றியை தீர்மானித்திருக்கும் போது மதங்கள் எனப்படும் இறை அருளுக்கான விளக்கத்தை நாம் வாழும் மண்ணின் புனிதத்தை கொண்டுள்ளன. என்பதே ஆகும்.
அதாவது நாம் எம்மை அடையாளம் காணத்தவறினால் எதிரியை நாமே வளர்த்துக் கொள்வதற்கு சந்தற்பமாக அமைகின்றது. . அதனைப் போல்தான் விடுதலைபஇபுலகள் அமைப்பும் பல ஊழல்கள் வளர்வதற்கு காரணமாக இருந்தமை அவர்களது புனிதத்தன்மைக்கு ஆபத்தாக அமைந்தது . அதனால் ஊழல்களில் இருந்து எம்மை பாதுகாக்கத்தவறினால் அதனை அழிப்பதற்கு நாம் என்றோ சந்தற்பம் வழங்கியே ஆக வேண்டும். .
காலத்தை வென்று சாதனை படைக்க வேண்டிய தமிழினம் பாரதத்தின் பண் போடு வாழும் நிலையை வளர்த்துக்கொள்ள வேண்டும். அடுத்தவர்கள் வருவதும் போவதும் புண்ணியத்தின் பக்கம் தர்மமும் கொடையும் சந்ததியை வாழ வைக்கும் என்பது நம்பிக்கை. . அதனால் பிறமதங்களையும் யார் புனிதமாக மதிக்கப்பழகிக் கொள்கின்றானோ அவர்களால் மட்டும் தான் அழியாவரம் பெற்ற இனத்தின் பாதுகாப்பை தேட முடியும். சிங்கள தேசம் சீனாவில் காலுன்றி தமிழர்களை அழிப்பதற்கு புத்தமதத்தை மகாவம்சத்திற்கு ஆதரவாக வளர்கப்பட்ட போதே பாரதத்தோடு பகமையை வளர்த்துக்கொண்டது . ஆனால் முள்ளிவாய்கால் வரை பாரதத்தின் பாதுகாப்போடு சிங்கள தேசம் தமிழர்களை அழிப்பதற்கு சர்வதேசத்தின் அழுதங்களில் இருந்து மீட்கப்படுவதற்கு பாரத ;தின் பாது காப்பு அவசியம் என்பதில் இருந்து சிங்கள தேசம் மாறவில்லை. . அதனால் மண்ணின் மகிமை மட்டும்தான் தமிழர்களின் சொத்தாக கொண்ட எமது இனத்தையும் வரலாறுகளையும் அழிப்பதற்கு யார் போராடுகின்றார்கள் என்பது சத்தியத்தை மதிக்கும் தமிழர்களுக்கு அவசியம் அற்றவை. ஆகும்.
வரலாறு தந்த விதியில் இருந்து மீண்டு வாழட்டும் ஈழம் பூமி உள்ளவரை புகழோடு !