சிலியில் நிலநடுகம் : பேரழிவாகப் பிரகடனம்

சிலியில் சனிக்கிழமை அதிகாலை ஏற்பட்ட கடுமையான நிலநடுக்கத்தில் இற்றவரை 300 பேர் உயிரிழந்தனர். ஏராளமான கட்டடங்கள் இடிந்து தரைமட்டமாயின:

கடலுக்கடியில் நில நடுக்கம் ஏற்பட்டதால் உடனடியாக சுனாமி அபாய எச்சரிக்கை விடுக்கப்பட்டது. கடலோரத்தில் வசிக்கும் மக்கள் பாதுகாப்பான இடங்களுக்கு செல்லுமாறு அறிவுறுத்தப்பட்டனர். நில நடுக்கம் காரணமாக மின் இணைப்புகள் துண்டிக்கப்பட்டன. இதனால் சான்டியாகோ நகரத்தின் பல பகுதிகள் இருளில் மூழ்கின. தொலைத்தொடர்பு வசதிகள் கடுமையாக பாதிக்கப்பட்டன.
சான்டியாகோவில் சமீபகாலமாக நில நடுக்கத்தை தாங்கும் வகையிலான கட்டடங்களே கட்டப்பட்டு வருகின்றன. இருப்பினும் பழைய கட்டடங்கள் மற்றும் பாலங்கள் போன்றவை இந்நில நடுக்கத்தால் முற்றிலுமாக இடிந்து தரைமட்டமாயின.

தெருக்களில் இடிந்து விழுந்த கட்டடங்கள், சேதமடைந்த கார்கள் ஆகியவற்றுக்கிடையே மக்கள் கூட்டம், கூட்டமாக பாதுகாப்பான இடம் தேடி அலைந்தனர். மின் இணைப்புகள் அறுந்து விழுந்ததில் பல்வேறு இடங்களில் தீப்பற்றியது. நிலநடுக்கத்துக்கு இதுவரை 300 பேர் பலியாகியுள்ளதாக தெரியவந்துள்ளது. உயிரிழந்தவர்களின் எண்ணிக்கை மேலும் உயரும் என அஞ்சப்படுகிறது.

கடலுக்கடியில் அடுத்தடுத்து 11 முறை தொடர்ச்சியாக நில நடுக்கம் ஏற்பட்டது. இவற்றில் பல தடவை 6 அலகுக்கும் மேலான வீச்சு கொண்ட நில நடுக்கங்கள் ஏற்பட்டன என அமெரிக்க புவியியல் ஆய்வு மையம் தெரிவித்தது. இதன் காரணமாக உருவான உயரமான கடல் அலைகள், அருகிலுள்ள மக்கள் வசிக்கும் தீவுப் பகுதிக்குள் நுழைந்தது.
இதற்கிடையே பாதிக்கப்பட்ட பகுதிகளில் மீட்பு பணிகள் முழு வீச்சில் தொடங்கப்பட்டுள்ளன. பாதிக்கப்பட்ட மக்களுக்கு உதவுவதற்கான அனைத்து ஏற்பாடுகளும் செய்யப்பட்டுள்ளன. உண்மை நிலவரம் குறித்து மக்களுக்கு தொடர்ந்து தகவல்கள் அளிக்கப்பட்டு வருகின்றது. அரசு பிரதிநிதிகள் மற்றும் தன்னார்வ அமைப்பினர் மீட்புப் பணிகளில் தீவிரமாக ஈடுபட்டுள்ளனர். எனவே மக்கள் எவ்வித அச்சமும் கொள்ளத் தேவையில்லை என சிலி நாட்டின் அதிபர் மிஷேல் பேச்லட் கேட்டுக் கொண்டார்.

இந்த கடுமையான நில நடுக்கத்தினை அடுத்து தென் அமெரிக்க நாடுகள், ஹவாய் தீவு, ஆஸ்திரேலியா, நியூஸிலாந்து, ஜப்பான், பிலிப்பின்ஸ், ரஷியா உள்ளிட்ட நாடுகளும் சுனாமி அபாயம் குறித்து எச்சரிக்கையாக இருக்குமாறு அறிவுறுத்தப்பட்டுள்ளன.

ராபின்சன் குரூசோ தீவில் சுனாமி
சான்டியாகோவில் ஏற்பட்ட நிலநடுக்கம் காரணமாக ராபின்சன் குரூசோ தீவில் சுனாமி பேரலைகள் தாக்கின. சிலியிலிருந்து 700 கிலோமீட்டர் தூரத்தில் இந்த தீவு உள்ளது. சுனாமி பேரலைகள் தாக்கியதில் எந்த அளவுக்கு தீவில் சேதம் ஏற்பட்டது என்பது தெரியவில்லை. இதைத் தொடர்ந்து அப்பகுதியில் மீட்புப் பணிகள் மேற்கொள்ள கப்பல்கள் அனுப்பப்பட்டுள்ளன.

தென் அமெரிக்காவிலே அர்ஜென்ட்டீனா நாட்டுக்கு மேற்காக உள்ள ஒரு நாடு சிலி. இந்நாடு தெற்கு-வடக்காக 4,630 கி.மீ மிக நீண்டும், கிழக்கு-மேற்காக மிகக்குறுகலாக, 430 கி.மீ மட்டுமே கொண்ட ஒரு நாடு. வடக்கே அட்டகாமா பாலைநிலமும், தென் கோடியிலே நிலவுலகின் தென்முனைப் பனிக்கண்டமாகிய அண்டார்டிகாவைத் தொட்டுக்கொண்டும் உள்ள நாடு.

பசிபிக் எரிமலை வளையத்தில் உள்ள சிலி பல நிலநடுக்கங்களை சந்தித்துள்ளது. இங்கு கடந்த காலங்களில் ஏற்ப்பட்ட நிலநடுக்கங்களை எடுத்துப்பார்த்தால் ஒவ்வொருமுறையும் உயிர்ப்பலியை எடுத்துள்ளது.

இதில் 1868 ஏற்ப்பட்ட 9.0 ரிக்டர் அளவிலான நிலநடுக்கத்தில், அரிகா (then Peru)வில் 25,000 மக்கள் பலியானார்கள்.
பின் 1906 ஏற்ப்பட்ட 8.2 ரிக்டர் அளவிலான நிலநடுக்கத்தில், நடு வால்பரெய்சோவில் 3,882 மக்கள் பலியானார்கள்.
அதன்பின் 1939 ஏற்ப்பட்ட 7.8 ரிக்டர் அளவிலான நிலநடுக்கத்தில், சில்லனில் 28,000 மக்கள் பலியானார்கள்.

தற்போது 8.8 ரிக்டர் அளவு பதிவாகியுள்ளது.

கடந்த காலங்களில் பசிபிக் எரிமலை வளையத்தில் ஏற்ப்பட்ட நிலநடுக்கங்களின் தரவுகள் கிழே தரப்பட்டுள்ளன, அவை:

1730 – 8.7 ரிக்டர் அளவு – நடு வால்பரெய்சோ
1835 – 8.2 ரிக்டர் அளவு – தென் நடு கான்செப்சியான், 500 மக்கள் பலி
1868 – 9.0 ரிக்டர் அளவு – அரிகா (then Peru), 25,000 மக்கள் பலி
1877 – 8.3 ரிக்டர் அளவு – வட டாரபக கடற்பகுதி, 34 மக்கள் பலி
1906 – 8.2 ரிக்டர் அளவு – நடு வால்பரெய்சோ, 3,882 மக்கள் பலி
1922 – 8.5 ரிக்டர் அளவு – சிலி அர்ஜெண்டினா எல்லை
1928 – 7.6 ரிக்டர் அளவு – டல்கா, 225 மக்கள் பலி
1939 – 7.8 ரிக்டர் அளவு – சில்லன், 28,000 மக்கள் பலி
1943 – 8.2 ரிக்டர் அளவு – near Illapel-Salamanca, 25 மக்கள் பலி
1960 – 7.9 ரிக்டர் அளவு – Arauco Peninsula
1960 – 9.5 ரிக்டர் அளவு – Valdivia, 1,655 மக்கள் பலி
1965 – 7.0 ரிக்டர் அளவு – Taltal, 1 மக்கள் பலி
1965 – 7.4 ரிக்டர் அளவு – La Ligua, 400 மக்கள் பலி
1971 – 7.5 ரிக்டர் அளவு – வால்பரெய்சோ பகுதி, 90 மக்கள் பலி
1985 – 7.8 ரிக்டர் அளவு – வால்பரெய்சோ கடற்பகுதி, 177 மக்கள் பலி
1998 – 7.1 ரிக்டர் அளவு – வடக்கு சிலியை ஒட்டிய கடற்பகுதி
2002 – 6.6 ரிக்டர் அளவு – சிலி அர்ஜெண்டினா எல்லை
2003 – 6.8 ரிக்டர் அளவு – நடு சிலியின் கடற்பகுதி
2004 – 6.6 ரிக்டர் அளவு – பயோ பயோக்கு அருகில், நடு சிலி
2005 – 7.8 ரிக்டர் அளவு – டாரபக, வடக்கு சிலி, 11 மக்கள் பலி
2007 – 7.7 ரிக்டர் அளவு – at Antofagasta, வடக்கு சிலி, 2 மக்கள் பலி
2007 – 6.7 ரிக்டர் அளவு – at Antofagasta
2008 – 6.3 ரிக்டர் அளவு – டாரபக
2009 – 6.5 ரிக்டர் அளவு – டாரபக கடற்பகுதி
தற்போது – 8.8 ரிக்டர் அளவு

மேலும் அறிய:

http://news.bbc.co.uk/2/hi/americas/8541347.stm

http://en.wikipedia.org/wiki/Chile

https://www.cia.gov/library/publications/the-world-factbook/geos/ci.html