ஜனாதிபதி வேட்பாளர்களான சரத் பொன்சேகாவும் மஹிந்த ராஜபக்சவும், போர் குற்றங்களில் ஈடுபட்டவர்கள் என இடதுசாரி முன்னணியின் ஜனாதிபதி வேட்பாளர் விக்கிரமபாகு கருணாரட்ன குற்றம் சுமத்தியுள்ளார்.
காணாமல் போனோரின் உறவினர்கள், நேற்று வவுனியாவில் நடத்திய பேரணியின் போதே அவர் இந்தக் குற்றச்சாட்டை சுமத்தினார்.
இந்த இருவருமே, தமிழர்கள் பலரின் கொலைகளுக்கு காரணமானவர்கள் என அவர் குறிப்பிட்டுள்ளார்.
காணாமல் போனோர் எங்கே உள்ளார்கள்? அவர்கள் எவ்வாறு காணாமல் போனார்கள்? அவர்கள் கொல்லப்பட்டிருந்தால் அவர்களின் சடலங்கள் எங்கே என கருணாரட்ன கேள்வி எழுப்பினார்.
அகில உலகமே மஹிந்தவும் சரத்தும் கொலைக்காரர்கள் என்பதை உறுதிப்படுத்தும் என அவர் குறிப்பிட்டார்.
இதேவேளை நிகழ்வில் உரையாற்றிய சுயேட்சை ஜனாதிபதி வேட்பாளர் சிவாஜிலிங்கம், ஜனாதிபதி தேர்தலில் போட்டியிடும் இரண்டு தலைவர்களும் தமிழர்களின் கொலைகளுக்கும் அவர்களின் உடமைகளை சேதப்படுத்தியமைக்கும் காரணமானவர்களாவர்.
இந்த நிலையில் சில தமிழ் தலைவர்கள் அவர்களை பலப்படுத்தும் நடவடிக்கைகளில் ஈடுபட்டுள்ளார்கள் என அவர் குற்றம் சுமத்தினார்.
