பொலிஸாரின் கையில் இருக்க வேண்டிய சட்டத்தை கையிலெடுத்து செயற்படும் பொதுமக்களுக்கு எதிராக சட்ட நடவடிக்கை எடுக்கப்படும் என பாதுகாப்பு செயலாளர் கோத்தபாய ராஜபக்ஷ தெரிவித்துள்ளார்.
சமீப காலமாக கிறீஸ் மனிதர்கள் விவகாரம் தொடர்பாக பொதுமக்களும் பொலிஸாரும் தாக்கப்பட்டு வருவதாக குறிப்பிட்டார். ஊறணிப் பகுதியில் யானைகள் கணக்கெடுப்பில் ஈடுபட்டிருந்த இராணுவத்தினர் மற்றும் அரசாங்க அதிகாரிகளை கிறிஸ் பூதங்கள் என்று தவறாக நினைத்துக் கொண்ட கிராமமக்கள் தாக்கியுள்ளமையும் குறிப்பிடத்தக்கது.
கிறீஸ் மனிதர்களுக்கு எதிரான மக்கள் போராட்டங்கள் குறித்தே கோதாபய இவ்வாறான எச்சரிக்கை ஒன்றை விடுத்துள்ளார். இலங்கை சர்வாதிகார அரசிற்கு எதிரான மக்கள் போராட்டங்களை நெறிப்படுத்தவும், அவற்றை அரசிற்கு எதிரான எழுச்சியாக மாற்றவும் சந்தர்ப்பவாத அரசியல் தலைமைகள் முன்வராத நிலையில் சர்வாதிகாரியும் போர்க்குற்றவாளியுமான கோதாபாயவின் இந்த எச்சரிக்கை இலங்கை அரசியலின் அவலநிலையைக் காட்டுகிறது.
தமிழ்ப் பேசும் மக்கள் வாழும் பிரதேசங்களில் நடைபெறும் இவ்வாறான தாக்குதல்களில் இலங்கை உளவுத்துறையின் பங்களிப்பு இருக்கலாம் என்ற கருத்து நிலவுகிறது.
1980 களின் கிறீஸ் பேய்கள் உடலோடு ஒட்டிய வழுக்கும் வழுக்கும் துணி(உடம்புக்கும் துணிக்கும் வித்தியாசம் தெரியாத சாக்கு கலர், நேரில்க் கண்ட சிலர் பார்க்க உடை போடாத மாதிரி இருந்ததாகவும் கூறினர். எமது விசாரணையில் நாம் உடலோடு இறுக ஒட்டிய உடையாய் இருக்கும் என ஊகித்தோம்.), யாரும் பிடித்தால்ச் சறுக்கும் அளவு கிறீஸ் பூசப்பட்டு, பெண்களின் மார்பைப் பிடித்து நசித்துப் பயப்படுத்தி விட்டு ஓடிவிடுவார்கள். கட்டிப்பிடித்தல்,முத்தம் கொடுத்தல், கற்பழித்தல் என்று எந்த முறைப்பாடும் எமக்குக் கிடைத்திருக்கவில்லை. இரவினில்க் கிணற்றடியில்க் குளிக்கும் பெண்களையும், இரவு எட்டு மணிக்குப் பிறகு வீட்டுப் படலை தாண்டும் பெண்களையும் மட்டுமே பயமுறுத்தியது ஆரம்பத்தில்.
பின்னர் பிடிக்க முனைந்த சில ஆண்களை மட்டும் தாக்கியது. மற்றும்படி எந்தத் தொல்லையும் கொடுத்ததாகத் தெரியவில்லை.
மரத்துக்கு மரம் குரங்கு போல் தாவும் திறமையும் அவர்களுக்கு இருந்தது.
அவர்களின் முக்கிய நோக்கம் மக்களை இரவினில் வெளியில் வராது வீடுகளுக்குள் முடக்கி வைப்பதே என்று நான் கணக்குப் போட்டிருந்தேன்.
புலிகள் நடவடிக்கை எடுக்காத நிலையில், மற்றைய குழுவினர் பிடிக்க முயற்சிகளை மேற்கொண்டனர். அப்பொழுது அவர்களின் உளவுப்பிரிவினரால் கூறப்பட்ட ஒரு இரகசியம் அது புலிகளின் ஒரு படைப்பிரிவு. அதைத் தலைமை தாங்குவது அங்கிளின் அண்ணன். எனவே அதன் பின்னர் யாரும் அவர்களப் பிடிக்க முயற்சிக்கவில்லை. அங்கிள் செத்த பிறகு அவைகளும் மாயமாய் மறைந்து போயின.
இப்போ அவை மீண்டும் வந்துள்ளன. அதே நேரம் பொட்டு அம்மானின் தொலைபேசி அழைப்புக் கிடைத்ததாக லணடன் தமிழர் மத்தியில் பரபரப்புக் கிளம்பியிருக்கிறது.
பொட்டன் என் கணக்குப்படி இராணுவத்தின் உளவுப்பிரிவில் இணைக்கப் பட்டுள்ளார். எனவே எல்லாவற்றையும் கூட்டிக் கழித்துப் பார்க்கையில், இது இராணுவ உளவுப் பிரிவால் பொட்டன், கருணா குழுவின் துணையுடன் நடாத்தப் படும் ஒரு நாடகம்.
ஏன் என்றுதான் தெரியவில்லை.மக்கள் அதிகம் இந்த விடயத்தில் ஈடுபாடு காட்ட வேண்டாம். அது சிரமங்களை உண்டாக்கலாம்.
புலிகள் மக்களின் எதிர்புகளைச் சந்திக்கும் ஒவ்வொரு தருணத்திலும் இப்படிப் புதிய ஆச்சரியங்கள் தோன்றி மக்களைத் திசை திருப்பிவிடும்.
இப்போ அரசின் அனைத்து நகர்வுகளும் புலிகளின் பாணியிலேயே நகர்வதை நாம் அவதாணித்த வண்ணம்தான் உள்ளோம். இது சர்வாதிகாரத்துக்கு வழிவகுக்கும் ஆபத்தான பாதையில் புலிகளை நகர்த்தியது. விசத்தையும் மருந்தாக்கும் வைத்தியமும் இருக்கின்றது.
இது எந்த வகை என இன்னமும் என்னால் அறிய முடியவில்லை. பார்ப்போம்……..