மாவீரர் தினம் – அழிவின் வரம்பிற்குள்! : சபா நாவலன்

தேய்ந்த தமிழா இன்னமும் திருந்த மாட்டாயா???????
இதை எழுதிக் கொண்டிருக்கிற போது போட்டிபோட்டுக்கொண்டு வானொலிகளும் தொலைக்காட்சிகளும் மாவீரர்நாள் நடக்குமிடங்களை பலத்தகுரலில் ஒரு வெற்றிவிழாவிற்கு அழைப்பு விடுமாப்போல அறிவித்துக் கொண்டிருக்கின்றார்கள். அந்தக்குழுவின் மாவீரர் நாள், இந்தக்குழுவின் மாவீரர் நாள் என்று மூலைக்கு மூலை தெருவிற்குத் தெரு முழங்குகிற இவ் அழைப்பில் எதில் பங்குபற்றுவது என உண்மையாய் தேசத்திற்காய் உறவைப் பறிகொடுத்த தமிழுறவுகள் தலையை பிய்த்துக் கொண்டிருக்கின்றார்கள்.. புதிய உத்திகளில் பெரும்பணச்செலவில் இந்தியாவின் பிரபலங்களைவிட்டுப் பாடிய புதிய கீதங்கள் மாவீரர் நாளிற்காக இசைக்கப்படுகின்றன. ஒரு குழுவின் பாடலை நாம் பாட மாட்டோம் என ஆளுக்காள் வித்தியாசமான பாடல்களோடு பாடலிசைக்கின்றார்கள். பத்திரிகையடிக்கின்றார்கள் பல்லான பல நிகழ்வுகளிற்காக மேடை போடுகின்றார்கள். அடா இத்தனை இழப்புகளின் பின்னும், இத்தனை இழவுகளின் பின்னும் எரிகிற வீட்டில் பிடுங்கி எடுப்பது தான் நியாயம் என மாவீரர்களின் விபரங்களைத் திரட்டி அவர்களின் உறவுகளிடையே இறந்தவர்களின் அனுதாப அலைகளிலே பணத்தைத் திரட்டி சொகுசுவாழ்வில் திளைத்துப் பிழைக்கின்ற இந்த தேசாபிமானிகளை இன்னமும் எத்தனை காலத்திற்கு இவர்கள் நம்பிக் கொண்டிருப்பார்கள்.உண்மையில் நாட்டுக்கரிசனையில் இறந்து போன அந்த நல்ல உள்ளங்கள் போற்றப்பட வேண்டியன என்பதில் எனக்கு மாற்றுக் கருத்தில்லை. ஆனால் அவர்களின் மரண வீட்டை தங்களின் சுகபோக வாழ்வுச் சொர்க்கமாக மாற்றமுயல்கிற இந்த வியாபாரப்புல்லுருவிகளை இனங்காண இன்னமும் இவர்களால் முடியவில்லையா????????புலிகள் என்ற எல்லைகளைக் கடந்து மரணித்துப்போன அனைத்து மக்களதும் போராளிகளதும் எழுச்சி நாளாக ஒரு நாள் பிரகடனப் படுத்தப்பட வேண்டும். அந்த நாளில் உலகெங்கும் பரந்து வாழும் ஒடுக்கபடுவோரும்,மனிதாபிமானிகளும் கைகோர்த்துக் கொள்வர் என்கின்ற நாவலனின் கருத்து இங்கு கூர்ந்து நோக்கப்படவேண்டியதொன்றாகும்.

தங்கள் கருத்துடன் இணைவான சிந்தனை கொண்டோரே இன்று பரவலாகக் காணப்படுகின்றனர். தமிழுக்காக> தமிழர்களுக்கதகப் போராடி வீரகாவியமாகிய போராளிகள்> தமிழர்கள் என்பதற்காகப் பேரினவாத அடக்குமுறைகளுக்குப் பலியான தமிழர்கள் அனைவருக்குமாக ஒரேநாளில் வணக்கம் செலுத்தப்பட வேண்டும். அது மாவீரர் நாளிலோ அல்லது அனைத்துப் போராளிகளுக்கும் மூத்தவரான சிவகுமாரன் மறைந்த நாளிலோ அல்லது வேறொரு நாளிலோ அமையலாம். இரண்டு மாவீரர்நாள் கொண்டாடினால் கூட ஆச்சரியப்பட முடியாத இன்றைய சூழலில் இது சாத்தியமா? அறிவுபூர்வமாகச் சிந்திக்கப்பட வேண்டிய இன்றைய நாளில் உணர்வுபூர்வமாகவல்லவா சிலர் சிந்திக்கின்றனர்.

இன்னொரு நாள் தேர்வுக்கு போவதைவிட இந்த நாளையே பொதுவாக எல்லா போராளிகளுக்கும் சேர்த்து மரியாதை செலுத்தலாம். எண்ணிக்கை அடிப்படையில் புலிகள் இயக்க உறுப்பினர்கள் மிக அதிகம் அத்துடன் பலகாலம் பலரால் அனுஷ்டிக்கப்பட்ட ஒரு தினத்தை மாற்றுவது நடைமுறை சாத்தியமில்லை. அப்படி மாற்றினாலும் மற்றையதும் கொண்டாடப்படும். ஆனால் தலைவனுக்கே மரியாதை செலுத்தாத புலம்பெயர் அதிகார மஃபியாவை மீறி மற்றைய போராளிகளுக்கு மரியாதை செலுத்திட முடியுமா?

தர்மதாசா

விடுதலைப்போராட்டம் தோல்வியில் முடிந்தது என்று உரக்கக்கூறும் மன்னிக்கவும் எழுதும் உணர்வாளர்களே! இந்தத்தோல்வியில் நீங்களும் பங்கு தாரர் என்பதை மறந்து எழுதுகிறீர்களா? அல்லது மறைத்து எழுதுகிறீர்களா? முப்பது ஆண்டுகள் ….. ஒற்றுமைப்படுவோம் உரிமைகளை வென்றெடுப்போம் என்ற போதிலும் ஒன்று படவில்லை. துரையப்பாக்களும் அருளம்பலங்களும் தியாகராஜாக்களும் எனப் பலர் தோற்றம் பெற்றார்கள் என்பது தங்கள் எல்லோருக்கும் தெரிந்த செய்திதான். ஈழத்தமிழினத்துக்கு ஒரு விடியலைப் பெற்றுத்தரவல்லதாகவிருந்த உன்னதமான போராட்டம் தோற்கடிக்கப்பட்டதிலே பெருமிதமும் சந்தோசமும் அடைகின்ற பெருந்தகைகளே நீங்கள் உண்மையைப்பேசும் நாள் வெகு தொலைவில் இல்லை அதனையும் மகிந்த நிச்சயம் ஏற்படுத்தித்தருவார் அப்போதாவது நீங்கள் உணர்வு பெறுவீர்களா? பிரகடணப்படுத்தப்பட்டு நடைமுறையில் இருக்கும் நாளில் அனைத்து சாவடைந்த போராளிகளையும் நினைவுகூர்ந்து மதிப்பளிப்போம் என்று சிந்திக்க மனது இடம் கொடுக்கவில்லையே? ஏ தமிழ் இனமே! ஈழத்தமிழினமே! உன் விடியல் பற்றி நீ எப்போ சிந்திக்கப்போகிறாய்?