மகிந்த குடும்ப இராணுவ சர்வாதிகாரத்திற்கு எதிராகத் தெருக்களில் போராடும் மக்கள் – இப்போது வடபகுதியில்.

நாவாந்துறையில் அரச படைகளால் கட்டவிழ்த்து விடப்பட்டுள்ள மர்ம மனிதர்கள் வீடு ஒன்றினுள் நுளைய முற்பட்ட வேளையில் மக்கள் அவரை பிடிக்க முற்பட்டனர். அவர் இராணுவ முகாமிற்குள் சென்று மறைந்துவிட்டார். பொதுமக்கள் ஒன்று திரண்டு முகாமைச் சுற்றிவளைத்துப் போராட ஆரம்பித்துள்ளனர். இராணுவம் துப்பாக்கி வேட்டுக்களைத் தீர்த்து பயமுறுத்தியுள்ளது.
வடமராட்சியின் வதிரி ஆலங்கட்டை மயானத்தையண்டிய பகுதியில் நபரொருவர் இரவு வேளை வீடொன்றினுள் உள் நுழைந்துள்ளார். பொதுமக்களிடம் அகப்பட்டுக்கொண்ட அவரை வெள்ளை வானில சென்ற படையினர் மீட்டெடுத்துள்ளனர்.
மக்கள் அவரைத் தம்மிடம் கையளிக்கக் கோரி முகாம்களுக்கு அருகில் போராட்டம் நடத்துகின்றனர். படையினரின் துப்பாக்கிச் சூட்டிற்கு பொதுமக்களில் சிலர் காயமடைந்தாகக் கூறப்படுகிறது.
அரச படைகளின் அடாவடித்தனங்களுக்கு எதிராக மக்கள் போராட்டங்கள் தொடர்கின்றன. இலங்கை அரச சமூக விரோதிகளுக்கு எதிரான மக்கள் போராட்டம் தொடர்கிறது. இலங்கைக்கு வெளியில் புலம் பெயர்ந்து வாழ்கின்ற தமிழர்களும், ஜனநாயக முற்போகு சக்திகளும் இப் போராட்டங்களுக்கு ஆதரவு வாழங்க வேண்டிய பொருத்தமான சந்தர்ப்பமாக இது கருதப்படுகிறது.