மகிந்தவின் வரவுசெலவுத்திட்டம் நிறைவேறியது, மைத்திரிபால வாக்களிக்கவில்லை!

தனதும் ஓரளவில் மகிந்தவினதும் நண்பன் லசந்த விக்கிரமசிங்கவை பட்டப்பகலில் ரத்மலானையில் பலரும் பார்த்துக் கொண்டிருக்க குரூரமான முறையில் சாகடித்த குழு இராணுவத் தளபதி பொன்சேகா-இனால் இயக்கப்பட்டது எனவும்- மேலும் அக்குழு பாதுகாப்புச் செயலாளன் கோத்தபாயா-வின் உத்தரவினடிப்படையிலேயே செயற்பட்டது எனவும் ரணில் விக்கிரமசிங்க 2009 ஜனவரி 13 ஆம் திகதி பாராளுமன்றத்தில் பிசுபிசுத்தான். அது தான் கடைசித் தடவை. அன்றிலிருந்து (பொய்த்) தேசிய அரசியல்வாதிகளும் ஊடகவியலாளன்களும் மகிந்த ராஜபக்சவை நேரே எதிர் கொள்வதில்லை. அதுவும் முகங்கொடுத்து குற்றச்சாட்டுக்களை வைப்பது என்பது நினைத்துக்கூட பார்க்கமுடியாததொன்றாகி விட்டது.
போர்க்கோலத்தையே வைத்து பயப்படுத்தப்பட்ட பல அமைச்சன்களும் ஊடகவியலாளன்களும் கைப்பொம்மைகள் போல் வாராவாரம் அருகே அழைக்கப்பட்டு ராஜபக்சவினால் மறைமுகமாக கண்கட்டு வித்தை போல ஒரு யுக்தியினாலும் அடக்கப்படுவது தான் நிலைமை. குழப்பம் விளைவிக்க முயன்ற சிலர் பக்கத்திலுள்ள அறைக்கு அழைக்கப்பட்டு மகிந்த ராஜபக்சவினால் அடி வாங்கப்படுவதும் பலர் தெரிந்த உண்மை. ராஜபக்ச-உடனான கடைசி அமைச்சரவை கூட்டத்தில் சந்திரிகா எசமாட்டியை தன் மனக்கண் முன்னிறுத்தி மைத்திரிபால ஒருவாறு தப்பித்து ஓடியது பெருங் காரியம். பின்னர் வெளிப்படையாகவே கண்ணீர் வடித்து அழுது கொண்டிருக்கும் மைத்திரிபால சிரிசேன ஒரு மண்ணாங்கட்டியையும் தானாக செய்யப்போவதில்லை. சந்திரிகா, மங்கள சமரவீர மற்றும் ஒருவிதத்தில் ரணில் என்பவர்கள் ஊடாக அவர்கள் அனைவரையும் இயக்கும் சக்தி தரும் அறிவுரைகளையே மைத்திரிபால-இனால் செய்யமுடியும்.
அதெ டிரைமறைவில் இயங்கும் சக்தியின் ஒரு கூறு சர்வதேச நாணய நிதியம். இந்த வரவுசெலவு திட்டதிற்கு மகிந்தா உரிமை கொண்டாடுவதும் ஒரு ஏமாற்று வித்தையே.
மைத்திரிபால தவிர்க்க நேரிட்டடது முன்னெப்பொழுதுமில்லாத வகையில் சர்வதேச நாணய நிதியத்தின் வரவுசெலவு திட்டத்தையே.
கொழும்பு பங்குசந்தை கடந்த சில நாட்களாக படும் அந்திரம் தற்போதைய திட்டமிடப்பட்ட அரசியல் ஆட்டத்தைப் பாவித்து முதலீடுகளை ஆரம்பிக்கும் தந்திரம். கொழும்பு பங்குசந்தை வரலாறு காணாத வீழ்ச்சியில் என்ற கண்கட்டு வித்தையும் உலகம் பூராக உண்மையான முதலாலித்துவ மையப்புள்ளிகளுக்கு ஒரு ரகசிய சமிக்ஞையாக ரொய்டர் அமைப்பினூடு நேற்று அனுப்பப்பட்டுள்ளது.