கர்நாடகமாநிலத் தலைநகரம் பெங்களூரூவில் இன்று சூன் 2 ஆம் நாள் அனைத்து இந்திய அளவில் போர்க்குற்றம்மற்றும் இனப்படுகொலைக்கு எதிரான மன்றம் ஒன்று தொடங்கப்பட்டுள்ளது. தமிழகத்தில் உள்ளSave Tamils இயக்கம், பேராசிரியர் மணிவண்ணன், PUCL மனித உரிமை செயற்பாட்டாளர் திரு.கண குறிஞ்சி மற்றும் திருமதி. அமரந்தா இலத்தீன் அமெரிக்க நாடுகளுக்கான நட்புறவுக் கழகம்ஆகியோரின் முயற்சியால் தொடங்கப்பட்டுள்ள இந்த மன்றத்தில் கர்நாடகா, ஆந்திரா மற்றும்கேரளாவைச் சேர்ந்த முன்னனி மனித உரிமை அமைப்புகள், பேராசிரியர்கள், ஊடகவியலாளர்கள்மற்றும் பல துறையைச் சார்ந்தவர்கள் அங்கம் வகிக்கின்றனர்.
இன்றுகாலை நடைபெற்ற இந்த மன்றத்தின் உருவாக்க கூட்டத்தில் பேராசிரியர் அரகோபால் APCLC ஆந்திரா,திரு. தீபூ Pedestraian Pcitures கர்நாடகா, எழுத்தாளர் சிவசுந்தர், பேராசிரியர் திரு.பால் நியூமன் கர்நாடகம், திரு சிவலிங்கம், தலித் மக்கள் சுயமரியாதை இயக்கம், கர்நாடகா,திரு சுரேஷ் PDF கர்நாடகா, திரு. கார்த்திக் தில்லி தமிழ் மாணவர் சங்கம், திரு. பெளரன்PUCL கேரளா, திரு. பொன் சந்திரன் PUCL தமிழ்நாடு, திரு. ஜெகதீசன், New SocialistAlternative/Tamil Solidarity, கர்நாடக தமிழ் மக்கள் இயக்கம், த.பெ.தி.க கர்நாடாகா,சிக்ரம் அமைப்பு கர்நாடகம் மற்றும் மேற்க்குறிப்பிட்ட தமிழக குழுவினரும் கலந்து கொண்டனர்.
SaveTamils இயக்கம் இந்த கூட்டத்திற்கு வந்திருந்தவர்களை வரவேற்று இக்கூட்டத்தின் நோக்கம்குறித்து விளக்கிய பின், சேனல் 4 செய்தி தொலைக்காட்சியில் ஒளிபரப்பப்பட்ட போர்க்குற்றகாணொளிகள் திரையிடப்பட்டன. இதை தொடர்ந்து ஐ.நா நிபுணர் குழுவின் போர்க்குற்ற அறிக்கைகுறித்து பேராசிரியர் திரு. மணிவண்ணன் அவர்களும் , இலங்கையில் தமிழர்களின் இன்றையநிலை குறித்து திரு. கண குறிஞ்சி அவர்களும் டப்ளின் தீர்ப்பாயம் குறித்து பேராசிரியர்பால் நீயூமன் அவர்களும் விளக்கிப் பேசினார்கள்.
பின்னர்கர்நாடகா, ஆந்திரா, கேரளாவைச் சேர்ந்த மனித உரிமை செயற்பாட்டாளர்கள் ஈழத் தமிழர்களுக்குஇழைக்கப்பட்ட அநீதி குறித்தும் இம்மன்றத்தின் தேவை குறித்தும் பின் வரும் கருத்துகளைப்பதிவு செய்தார்கள். இலங்கையில் போர் என்ற பெயரில் தமிழினப் படுகொலைதான் நடந்துள்ளது.கடந்த நூற்றாண்டு மனித நாகரிகத்திற்கு ஏராளமானப் பங்களிப்பைச் செய்துள்ளது. ஆனால்,இந்த இருபத்தியோராம் நூற்றாண்டு மனித நாகரிகத்தைப் பின்நோக்கி இழுத்துச் செல்கின்றது.விடுதலைப் புலிகளுக்கு எதிரான நடவடிக்கை என்று சொல்லிக் கொண்டு தமிழ் மக்களுக்கு எதிரானநடவடிக்கையையே இலங்கை அரசு மேற்கொண்டுள்ளது. பள்ளிக்கூடங்கள், மருத்துவமனைகள் என பொதுமக்கள்வாழும் பகுதிகளில் குண்டு வீசி கொன்றதன் மூலம் இலங்கை அரசின் நோக்கமானது இலங்கையில்தமிழர்களை இல்லாது ஒழிப்பதே என்று தெள்ளத் தெளிவாகின்றது.
அண்மைக்காலங்களில் மனிதகுலத்திற்கு எதிரான பல நிகழ்வுகள் தொடர்ச்சியாக நடந்து வருகின்றன,’தட்டிக் கேட்பாரின்றி தாங்கள் நினைத்த எந்த நாட்டுக்குள்ளும் நுழையலாம், நினைத்ததைஎல்லாம் செய்யலாம்’ என்ற நிலை உருவாகியுள்ளது. இதை மக்கள் வேடிக்கை பார்த்த வண்ணம்இருக்கின்றார்கள். இலங்கையில் ஒரு இனப்படுகொலையை நிகழ்த்தியதன் மூலம் இதை ஒரு முன்மாதிரியாகஉருவாக்கியுள்ளன ஒடுக்குமுறை அரசுகள். இது தமிழர் பிரச்சனை அல்ல. இது ஒரு ஜனநாயகம்மற்றும் மனித குலத்திற்கானப் பிரச்சனை. இந்த ’இலங்கை முன்மாதிரியை’ இந்தியாவிலும் மேற்கொள்ளும்அபாயம் உள்ளது. இக்காலகட்டத்தில் மக்களின் மனித நேய உணர்வையே அழித்து வருகின்றன அரசுகள்.இந்த மன்றத்தின் வாயிலாக இலங்கையில் நடந்த தமிழினப் படுகொலையைப் பரவலாக இந்திய மக்களிடம்கொண்டு செல்வதன் மூலம் இந்த சமூகத்தின் மனிதத் தன்மையை வளர்த்து எடுக்க வேண்டும். மேற்கத்தியநாடுகளில் தான் இது போன்ற குற்றங்களுக்கு தண்டனை உறுதி செய்யப்பட்டுள்ளது. ஆனால் தெற்காசியப்பிராந்தியத்தில் நடந்த அநீதிகளுக்கான நீதி விசாரணைகள் நடந்ததில்லை. எனவே, இலங்கை அரசைக்குற்றவாளிக் கூண்டில் நிறுத்துவதன் மூலம் இனி இத்தகைய அநீதிகள் நிகழாதவண்னம் தடுக்கவேண்டும். இந்த ஐ.நா அறிக்கை இந்தியாவில் உள்ள முன்னணி மனித உரிமையாளர்களுக்கே தெரியவில்லை.இதை மிகவும் பரவலாக்க வேண்டிய பொறுப்பு நம் எல்லோருக்கும் இருக்கின்றது. இலங்கை முன்மாதிரியைமீண்டும் மீண்டும் பல்வேறு மக்களினங்கள் மீது நடைமுறைப்படுத்தும் அபாயமிருக்கும் இன்றையசூழலில், போர்க்குற்றங்களுக்கும் இனப்படுகொலைக்கும் எதிரான மன்றம் இன்றியமையாதது என்றகருத்து எல்லோராலும் முழு மனதாக ஏற்றுக்கொள்ளப்பட்டது.
இம்மன்றத்தின்உடனடி வேலையாக கர்நாடகா, ஆந்திரா, கேரளாவில் ஐ.நா நிபுணர் குழு அறிக்கையை அறிமுகப்படுத்திகூட்டங்களை நடத்துவது, வாய்ப்பு இருக்கும் இடங்களில் போராட்டங்களை முன்னெடுப்பது. இம்மன்றத்தைமேற்கு வங்கம், பாண்டிச்சேரி உள்ளிட்ட பிற மாநிலங்களில் பரவலாக்குவது உள்ளிட்டவை முடிவுசெய்யப்பட்டுள்ளது.
பின்வரும்கோரிக்கைகள் இந்த மன்றத்தின் முதன்மையான கோரிக்கைகளாக முடிவுசெய்யப்பட்டுள்ளன.
ஐ.நாமற்றும் சர்வதேச சமூகம் நோக்கி:
போர்க்குற்றம்மற்றும் இனப்படுகொலை புரிந்துள்ள இலங்கை அரசு மீது சார்பற்ற பன்னாட்டு விசாரணை மேற்கொள்ளஐ.நா மற்றும் சர்வதேச சமூகம் உறுதியான நடவடிக்கைகளை முன்னெடுக்க வேண்டும்.
இந்தியஅரசு மற்றும் இந்தியாவில் உள்ள சனநாயக ஆற்றல்களை நோக்கி:
போர்க்குற்றம்மற்றும் மனித குலத்திற்கு எதிரான குற்றங்கள் செய்ததற்காக இலங்கை அரசின் மீது சர்வதேசவிசாரணையை ஆதரித்து அதனை தொடர்ந்து நடத்தக் கோரியும் இந்தியா முழுவதும் உள்ள சனநாயகஆற்றல்கள் இந்திய அரசை வலியுறுத்த வேண்டும். மேலும் ஐக்கிய முற்போக்கு கூட்டணி2004 ஆம் ஆண்டு பதவியேற்றது முதல் இலங்கை அரசுடனான வெளியுறவுக் கொள்கை மற்றும் இராணுவஉதவிகள் குறித்து வெள்ளை அறிக்கை ஒன்றை வெளியிட வேண்டும்.
தமிழகஅரசை நோக்கி:
இலங்கையில்ஈழத்தமிழர்களுக்கு எதிராக நடைபெற்றது ஒரு இனப்படுகொலை என்று அங்கிகரித்தும், போர்க்குற்றம்மற்றும் மனித குலத்திற்கு எதிரான குற்றங்கள் செய்ததற்காக இலங்கை அரசின் மீது பொருளாதாரத்தடை விதிக்கப்பட வேண்டும் என்பதை வலியுறுத்தியும் தமிழக சட்டசபையில் புதிதாக தேர்ந்தேடுக்கப்பட்டுள்ளஅரசு தீர்மானம் நிறைவேற்ற வேண்டும்.
போர்க்குற்றம் மற்றும் இனப்படுகொலைக்குஎதிரான மன்றம். போர்க்குற்றம் மற்றும் இனப்படுகொலைக்கு ஊக்கமளித்துவரும் ஒரு நாட்டில் உருவாக முயற்சிப்பது வரவேற்கப்பட வேண்டியதே. இம் முயற்சி வெற்றிபெற வேண்டுமானால் இன, சாதி, பரம்பரை பாகுபாடுகளை இன்றும் பாலர்பாடங்களில் நிறைத்து பள்ளிகளில் பாலர்களுக்கு ஓதிவரும் முறைமைகள் மாற்றப்பட வேண்டும். இதன்வழியே வளர்ந்து வந்தவர்கள்தான் இன்றுள்ள இந்திய அரசியல்வாதிகள். இராமாயணமும், பாரதமும் இல்லையென்றால் இந்தியா இல்லை. இன, சாதி, பரம்பரை பாகுபாடுகள் இல்லையென்றால் இராமாயணமும், பாரதமும் இல்லை. தொடர்ந்து வர்ணாச்சிரம முறையும் இதற்கு வலுவூட்டி வருகின்றது. இம் மாற்றம் மிகப்பெரும் சவாலாகும். ஆனாலும் மனிதரால் நிறைவேற்றக்கூடியதே.