‘முத்துக்குமார் தீக்குளித்த ஐந்தாவது நினைவு நாளான ஜனவரி 29ல் நெதர்லாந்து நாட்டிலிருந்து புறப்பட்டு ஈழ தமிழர்கள் ஜெனீவா நோக்கி செல்கின்றனர். முருகதாசன் தீக்குளித்து இறந்த மார்ச் 10ம் தேதி ஜெனீவாவின் மனித உரிமைகள் ஆணைய கட்டிடத்துக்கு எதிரே திரளும் லட்சக்கணக்கான ஈழத் தமிழர்களோடு அவர்கள் சங்கமித்து நீதி கேட்டு எழுப்பும் முழக்கம் விண்முட்ட எழும்.
அதற்குக் கட்டியம் கூறும் வகையில் பிப்ரவரி 26ல் தாய்த் தமிழகத்திலும், உலகெங்கிலும் நீதிக்கான போர் முழக்கத்தை எழுப்புவோம்.’ .இவ்வாறு வை.கோபாலசாமி தனது அறிக்கை ஒன்றை வெளியிட்டு போராட்டத்திற்கு அழைப்பு விடுத்துள்ளார். முத்துக்குமார் மரணித்த போது தனது இறப்பைப் பயன்படுத்தி தமிழகத்தில் பெரும் எழுச்சியை ஏற்படுத்தி இனப்படுகொலையை நிறுத்துமாறு கடிதம் எழுதி வைத்துவிட்டு இறந்துபோனார். முத்துக்குமாரின் கனவைச் சிதைத்து அவரைச் சுடுக்காட்டுக்கு அனுப்பிவைத்தவர்களின் முக்கியமானவர்களுள் வை.கோ உம் ஒருவர். ஜெயலலிதாவும், பாரதீய ஜனதாவும் வெற்றிபெற்று புலிகளைக் காப்பாற்றும் என நம்பிக்கைகொடுத்து மக்களையும் புலிகளையும் வன்னிக்குள் முடக்கி அழிக்கத் துணைபோனவர் வை.கோ. அழிப்பு நடந்த பின்னரும் பிரபாகரன் மரணிக்கவில்லை என பொய்யை அவிழ்த்துவிட்டு எழுச்சிகள் ஏற்படாமல் பார்த்துக்கொண்டவர்களுள் முக்கியமானவர் வை.கோ ஒருவர்.
இன்றுவரைக்கும் ஈழத்தில் மக்கள் மத்தியிலிருந்து போராட்டங்கள் எழாமல் பிரபாகரன் வந்துவிடுவார் என தடுத்து அதிகாரவர்க்கத்தின் அழிப்பிற்குத் துணைசெல்பவரும் வை.கோபாலசாமியே.இறுதியில் இந்தியாவின் ராஜபக்சவான நரேந்திர மோடியிடம் சரணடைந்த வை.கோ இப்போது போராட்டத்திற்கு அழைப்புவிடுக்கிறார்.
அவர் தனது அறிக்கையில் சென்னையிலும், மாவட்ட தலைநகரங்களிலும், பிற இடங்களிலும் பிப்ரவரி 26 புதன்கிழமை காலை 11 மணிக்கு சாதி, மதம், கட்சி எல்லைகள் கடந்து நீதி கேட்கும் பட்டயங்கள் ஏந்தி ஆர்ப்பரித்து முழக்கமிட அழைக்கிறேன் என்கிறார்.
போராட்டங்களை அழித்த வை.கோ தமிழகம் முழுவதும் போராட அழைக்கும் அறிக்கை
உங்களை போன்ற ஒரு சில குள்ளனரிகளால்தான் இன்னும் மக்கள் ஒன்று சேர முடியாமல் தடுக்கபடுகிறார்கள். இதைபோன்ற பதியுகளை பணத்திற்காக இடும் பணியை செய்யாதே. திரு. வை.கோ போல் தமிழ்நாட்டில் ஈழ விடுதலைக்காக குரல் கொடுக்க வேறு எந்த நாயும் இல்லை.
இவர்களுக்கு அதுதான் வேண்டும். ஈழத்தமிழர்களுக்காக ஆதரவாக இருக்கும் சில தலைவர்கள் , இப்போதாவது ஈழத்தமிழர்களுக்கு ஆதராவாக பேசத்தலைப்படும் நாடுகளை ( அதில் அவர்களது சொந்த நலன் இருந்தாலும் கூட ) திட்டி வசை பாடுவதன் மூலம் தமிழர்களுக்கு இருக்கும் கொஞஞ நஞஞ ஆதரவையும் இழக்க வைத்து அவர்களை நடுத்தெருவில்நிறுத்தி வைப்பதற்கே இத்தகைய சூழ்ச்சி பிரச்சாரங்களில் ஈடுபட்டு வருகிறார்கள் .
எனக்கு ஒன்று புரியவில்லை ?
அதேன்ன , இவர்கள் திட்டி தீர்க்கும் அதே ஈழ ஆதரவு தலைவர்களையும் ,நாடுகளையும் இன வெறி ராஜபக்ஷ அரசும் அதன் அடிவருடிகளும் வசை பாடி வருகிறார்கள் .
இதிலிருந்தே இவர்கள் இனவெறி ராஜபக்ஷ அரசுடன் வைத்துள்ள கள்ள நட்பு அம்பலத்திற்கு வந்துள்ளது