புலிகள் கொலைசெய்த 80 பேரும் புலி எதிர்ப்பாளர்களின் பிரச்சாரமும் புலி ஆதரவாளர்களும்

உங்களின் அப்பட்டமான சமூகவிரோத முகம் இங்குதான் முகத்திரை கிழிக்கப்பட்டுக் காண்பிக்கப்படுகின்றது. முள்ளிவாய்காலில் புலிகள் அழிக்கப்பட்டதால் தான் நாங்கள் சுதந்திரமாக அரசியல் பேசக்கூடியதாக இருக்கிறது என்று இனப்படுகொலையை நியாயப்படுத்தும் தமிழ்த் தேசியக் கூட்டமைப்பையும் அதன் வேட்பாளர் விக்னேஎஸ்வரனையும் கடவுள் என்கிறீர்கள். போராட்டத்தில் தவறுகளை மக்கள் முன்வைத்து அவற்றிலிருந்து கற்றுக்கொண்டு புதிய வழிமுறைகளில் போராட்டம் முன்னெடுக்கப்படவேண்டும் என்று கூறுகிறவர்களை அரசுக்குத் துணை போவதாகக் கூறுகிறீர்கள். உங்களது நோக்கம் என்ன? நீங்கள் போராட்டத்திற்கும் மக்களுக்கும் எதிரானவர்களா இல்லையா?
கேட்டால் சர்வதேசம் அழித்துவிட்டது அதுதான் பிரச்சனை என்கிறீர்கள். வியட்னாமில் பல நாடுகள் இணைந்து சிறிய போராட்டக்குழுவை அழிப்பதற்காக மக்கள் மீது அணுகுண்டுகளைக் கூட வீசிய போது போராட்ட முறைகளை சுய விமர்சனம் செய்துகொண்டு அவற்றைப் புதிய வழிகளில் முன்னெடுத்து வெற்றிகொண்ட வரலாறெல்லாம் நம்முன் உள்ளது. இறுதியில் காட்டுமிராண்டிகளோடு நாம் யுத்தம் செய்யமுடியாது என்று அமரிக்க இராணுவம் புறமுதுகுகாட்டி ஓடியதே! அதுதான் ஆயுதம் தாங்கிய மக்கள் யுத்தம்.உங்களைப் போல சர்வதேசத்தைக் காட்டி மக்களை ஏமாற்றிவிட்டு விக்கி போன்ற ஒருவரின் வேட்டித்தலைப்பில் தொங்கவில்லை.
நீங்கள் காலத்திற்குக் காலம் ஒருவரைக் கடவுளாக்குவது அனாவசியமான நம்பிக்கைகளை மக்களுக்கு வழங்குவது பின்னர் அந்த நம்பிக்கைகளை வைத்து வாழ்க்கை நடத்துவது ….. எத்தனை காலத்திற்கு மக்களை ஏமாற்றப் போகிறீர்கள்:.? இப்போது இன்னொரு பக்கத்தில் இலங்கை அரசுக்கும் அழிப்பவர்களுக்கும் எதிரான போராட்டத்தை காட்டிக்கொடுப்பவர்களுக்கு எதிராக குறைந்தபட்சம் கருத்தியல் யுத்தத்தை நடத்த நாங்கள் உறுதியக இருக்கிறோம்.. கடந்த காலத்தில் இது நாங்கள்விட்ட தவறு.. இதை உணர்ந்துகொண்டுள்ளோம்….

மேலெ உள்ள ///சிங்கள அரசு தமிழர்களை அழிக்க வேண்டும் என்பதற்காக கொலை செய்தார்கள்./// என்பதைத் தயவு செய்து பின்வருமாறு திருத்தி வாசிக்கவும் .

சிங்கள அரசு தமிழர்களை அழித்து விடக் கூடாது என்பதற்காக , அதைத் தடுத்துவிடவேண்டும் என மனதார நம்பி சில கொலைகளைச் செய்தார்கள். அங்கே கபடம் இருக்கவில்லை . முடிவுகள் தவறாக இருந்திருக்கலாம் . சிங்களத்த்தின் கொலைகள் இன ழிப்பு என்ற கபட நோக்கம் கொண்டது .

//தேசிய விடுதலைப் போருக்கும் வர்க்க விடுதலைப் போருக்கும் இடையே உள்ள அடிப்படை வேறு பாட்டை மறந்து நீங்கள் வர்க்க விடுதலைப் போராட்டம் தான் தேசிய விடுதலைப் போராட்டம் எனக் குழம்பிப் போயுள்ளீர்கள் என்பதே மேலே உள்ள பதிவிலும் , முன்னைய பதிவுகளிலும் காண முடிகின்றது .//
நான் தேசிய விடுதலை என்றோ வர்க்க விடுதலை என்றோ வார்த்தை ஜாலங்களுக்குள் விழவில்லை. சாதாரண மனித நியாயத்தைப் பேசுகிறேன். எங்காவது ஒரு இடத்தில் வர்க்க விடுதலை, லெனின் சொன்னார், மாவோ சொன்னார் என்று பேசியிருந்தால் காட்டுங்கள் பார்க்கலாம். நீங்கள் தான் அவற்றை மூட்டைகட்டி லேபல் பண்ணுகிறீர்கள்.
நாங்கள் சாதாரண மனிதர்களாக நியாயங்களைப் பேசுவோம்.
//வர்க்க விடுதலை ஊடாகத் தான் ஒரு தேசிய இனம் வளம் பெறமுடியும் என்பது உண்மை. அதற்கு முன்னர் அந்த தேசிய இனம் இனழிப்பில் இருந்து பாதுகாக்கப்பட வேண்டும் . தேசிய வாதிகள் இடசாரிகளாக இருக்க வேண்டும் என நீங்கள் எதிர்பார்ப்பதில் தான் சிக்கலே!!!//
இதைப்பற்றியெல்லாம் நான் இதுவரை பேசியதே கிடையாது, நீங்கள் கேட்கிறீர்கள் என்பதற்காகச் சொல்லுகிறேன். தேசிய விடுதலை என்பதே வர்க்கங்களிடையேயான ஐக்கிய முன்னணி சார்ந்த போராட்டம். அதாவது ஒடுக்கப்படும் தொழிலாளர்கள் விவசாயிலளிலிருந்து தேசிய முதலாளிகள் வரைக்கும் ஓரணியில் திரண்டும் தேசிய இன ஒடுக்கு முறைக்கு எதிராகவும் அன்னிய ஆதிக்கத்திற்கு எதிராகவும் முன்னெடுக்கப்படும் போராட்டமே தேசிய விடுதலைப் போராட்டம். இதில் நாங்கள் தெளிவாக இருக்கிறோம். உங்களிடம் தான் சிக்கலே இருக்கிறது. நீங்கள் அன்னிய ஆதிக்கத்திற்கு எதிராகப் போராடும் தேசியவதிகள் அல்ல, அன்னியர்களை ஆக்கிரமிக்குமாறு கூப்பாடுபோடும் விதேசிகள். நாங்களோ உங்களது தவறுகளை விமர்சித்து ஐக்கிய முன்னணி வட்டத்துக்குள் தேசிய நோக்கங்களுக்காக கொண்டுவர முனைகிறோம்.
//ஒரு தேசத்தை இடதுசாரிகள் தான் அழிவில் இருந்து காப்ப்பாற்ற வேண்டும் என்று பெரும்பாலான நாடுகலில் அந்த நாட்டு மக்கள் நினைத்ததாக நான் கருத வில்லை . மாறாக பெரும்பாலான தேசிய இனங்களை அழிவில் இருந்து காப்பாற்றிய தேசிய வாதிகள் முதலில் தேசிய வாதிகளாகவும் அதன் பின்புதான் இடது சாரிகளாகவும் இருந்திருக்கின்றார்கள் . ஆதாரத்துடன் மறுக்க முடியுமா ? அப்படி ஒரு 10 நாடுகள் சொல்லுங்கள் பார்க்கலாம் .//
இன்றுவரை அன்னிய ஆதிக்கத்திற்காகவும் தேசிய விடுதலைக்ககவும் போராடிய வெற்றிபெற்ற நாடுகளைப் பட்டியலிட்டால் அங்கு இடதுசாரிகளே போராட்டத்திற்குத் தலைமை வகித்திருக்கிறார்கள். ஆனால் அவர்கள் அனைத்து வர்க்கப்பிரிவுகளையும் இணைந்த ஐக்கிய முன்னணி ஊடாகவே போராட்டத்தை முன்னெடுத்திருக்கிறார்கள். அப்படியில்லாத நாடு ஒன்றும் எனக்கு ‘கடவுள் சத்தியமாக’ தெரியாது!