புலிகளின் ஆயுதக் கப்பல்களை அழிப்பதற்கு அமரிக்காவே ஒத்துழைத்தது:இனக்கொலையாளி ஒப்புதல்,அமரிக்கா மௌனம்

இது ஒரு முக்கியமான செய்தி  ஆனால்  ஒருவரும்  கருத்துகள்  எதையும்  தெரிவிக்கவில்லை  எனது  கருத்துப்  பலருக்குப்  பிடிக்காமல்  இருக்கலாம்  ஆனாலும் இதை வாசிக்கும்  1% வாசகர்கள் எனது நோக்கத்தைப்  புரிந்துகொண்டால்  நான்  மிகவும் மகிழ்ச்சியடைவேன்.
” நான் கொலை செய்யும்  கருவிகள்  எதையும்  கண்டுபிடிக்கவில்லை  என்பதை  எண்ணிப்  பெருமைப்படுகின்றேன்”  என்று  கூறியிருக்கின்றார்  மின்விளக்கையும் வேறு பல கண்டுபிடிப்புகளையும்  நிகழ்த்திய  தோமஸ் எடிசன் 
அவர்  தான் கண்டுபிடித்த  மின்  விளக்குக்காகப்  பெருமைப்பட வில்லை  தான் கண்டுபிடிக்க  முயற்ச்சிக்காத  கொலைக்  கருவிகளுக்காகப்  பெருமைப்  பட்டார் 
எமது  போராட்டத்திலும் நாம்   கொலைக்  கருவிகளுக்குக்  கொடுத்த  முக்கியத்துவத்தை   மனித  நேயத்திற்குக்  கொடுக்கவில்லை  எமது  இயக்கங்கள்  அனைத்தும்  மக்களை  வாட்டுவதில்  ஒருவருக்கொருவர்  சளைக்கவில்லை  என்பதை  தெளிவாகக் காட்டினார்கள் 
அவர்கள்  துப்பாக்கியை  நேசித்தார்கள் .. மண்ணையும் , மொழியையும் தமது   தலைவர்களையும்  ஏன் தமது   கொடியையும்  நேசித்திருக்கலாம்  ஆனால் மனித  உயிர்களையும்  (துப்பாக்கியின் ) ஆதரவற்ற மனிதர்களின் சின்னச்  சின்ன  தேவைகளையும்  மதித்தார்களா  என்பதை அறிய அவர்கள் முயலவில்லை  
ஆனால் ஒன்றுமட்டும் உண்மை 
புலிப்படையை  உலக  நாடுகள் — முக்கியமாக — கனவான்கள் என்று சொல்லிக்கொள்பவர்கள் International  Community  (I  C ) என்று அழைக்கப்படும் International  Criminals ( I C ) கூட்டுச் சேர்ந்து  அழித்ததற்கு முக்கிய காரணங்கள் இரண்டு உள்ளன 
1) சிங்கள அரசின் திறமையான வேசித்தனம்  
இதை ராஜதந்திரம்  என்று பலர் கூறிக் கொள்கிறார்கள் 
சீனா இந்தியா பாகிஸ்தான் ஈரான் அமெரிக்கா இங்கிலாந்து ஐரோப்பிய  நாடுகள் ருசியா  உள்பட 20 மேற்பட்ட (வலதுசாரி  இடதுசாரி அணிசேரா முஸ்லிம் கிறிஸ்தவ பௌத்த …..)  நாடுகளின் உதவிகளைப் பெற்றுக்கொண்டு புலிகளை அழித்த தற்கு  அவர்களின் பொய்களுக்கும் புரட்டுக்களுக்கும் நய வஞ்சக நரித்  தந்திரங்களுக்கும் கிடைத்த வெற்றி என்பதுதான் உண்மை 
( இப்பொழுது அந்த வேசி சீனாவுடன் சல்லாபம் செய்கின்றாள்  தங்களுடன் படுக்கையைப் பங்கிடுவதில் வஞ்சித்து விட்டாள் என்பதுதான் அமெரிக்க – இந்திய கூட்டாளிகளின் குற்றச் சாட்டு )
அவளைத் தமது படுக்கைக்கு இழுத்துவரத்தான் … மனித உரிமை .. விசாரணை … நல்லிணக்கம் … பொறுப்புக் கூறல் ….போன்ற குற்றச் சாட்டுகள் 
2) புலிகளின் தனித்துவம் 
சவால்களை எதிர்கொள்ளும் தனம்பிக்கை இருந்தது வேசித்தனம் இருக்கவில்லை 
ஆம் 
அவர்கள் எந்த நாட்டினதும்  காலடியில் விழ விரும்பவில்லை 
இவர்களுக்கு இணையான இயக்கம் உலக சரித்திரத்தில் இருக்கவில்லை
எதிரியைக் கொலை செய்வதற்கு பல ( விமர்சிக்ககூடிய ) அதிசயத் தக்க வழிகளைக் கண்டுபித்தார்கள்  
தமது பணத் தேவைகளைத் தமிழ் மக்களிடமிருந்து ( விமர்சிக்ககூடிய வழிகளில் )   பெற்றுக் கொண்டார்கள் 
அவர்களின் பணம் உலக நாடுகளில் வியாபாரங்களில் முதலீடு செய்யப்பட்டது (ஆனால்  இன்று அந்தச் சொத்துக்களை தேசிய வேடமிட் ட  விசுவாசிகள் சுருட்டிக் கொண்டார்கள் )
அவர்களின் ஆட்சியில் நாடு நிசியிலும்  நங்கைகள் நகைகளுடன் நடமாடக்கூடிய — உலகில் எங்கும் காணமுடியாத –  நிலை இருந்தது ( பாசிச  ஆட்சியில் இது நடக்கலாம் என்றும்  விமர்சிக்கலாம் )
தமது மண்ணில் வெளியாரின் முதலீடுகளை அவர்கள் ஊக்குவிக்க வில்லை ( சர்வதேச சுரண்டல் காரர்களுக்கு இது பிடிக்காது )
தமது மண்ணை அவர்கள் மற்றைய நாடுகளுக்கு விற்க முயலவில்லை ( இவர்களால் தமக்கு நன்மை கிடைக்காது என்பது உலக நாடுகளின் முடிவு )
“இவர்களைப் பார்த்து மற்றவர்கள் பின்பற்றுவார்கள் ” என்ற பயம் கனவான்களுக்கு 
“நாங்கள் இனி என்ன செய்யலாம் ?

நாங்கள் ஈழத் தமிழர்கள் . “எம்மைத்  தோற்றுப் போன இனம்” என்று மற்றவர்கள் ஏளனமாகக் கூறலாம். அதை நாம் எமக்குள் கூறிக் கொள்ளக் கூடாது.

உலகளாவிய  வியாபாரத்தில் எமது இனம் கவனம் செலுத்தவேண்டும் 
பண முதலைகள்தான் நாடுகளின் தலைவர்களை மேய்க்கின்றார்கள் என்பதை நாம் புரிந்துகொள்ள வேண்டும் 
தனிப்பட்ட தமிழனாக இல்லாமல் — தமிழ் இனமாக–  நாம் நமது இனமானம் காக்க உழைக்கவேண்டும் 
உலகம் முழுவதும் நாம் பரந்து இருக்கின்றோம் 
ஒட்டகம் வாழும் பாலைவன நாடுகளிலும் துருவக் கரடி வாழும் வட துருவ நாடுகளிலும் நமது மொழி பேசுபவர்கள் இருக்கின்றார்கள் 
கொலை ஆயுதங்களுக்கும்  வெடி மருந்தின் சக்திக்கும் தற்காலிக ஓய்வு கொடுத்துவிட்டு  அறிவாயுதத்தையும் ஆன்ம சக்தியையும் கையிலெடுத்து  மனித நேயத்துடன் இனமானம் காக்கப் போரிடுவோம் 
மற்றைய இனத்தவரை மானபங்கம் செய்யாமல் மற்றவர்களின் வயிற்றில் அடிக்காமல் எமது போராட் டத்தை நட த்துவோம் 

நாம் மீள் எழுந்துதான் ஆக வேண்டும்.

  உடல் முழுக்கக் காயங்களோடு..ரத்தம் வழிய வழிய… தீரா வன்மத்துடன் ..ஒரு மிருகம் போல நாம் நின்று கொண்டிருக்கிறோம். எதிரி எக்காளம் வழிய ஏளனம் பேசுகிறான். நாம் பொறுமையாக காத்திருப்போம்.
 
 காத்திருப்பு என்பது ஒய்வல்ல. மாறாக வலுவோடு மீள நமக்கு கிடைத்திருக்கும் இடைவேளை
 
 நாம் அடைந்த தோல்வி நம்மை வன்மம் கொள்ள வைத்திருக்கிறது.
 
  நமக்கான .. நம் இனத்திற்கான ..பொருளாதார முன்னேற்றத்தினை அடைய நாம் கடுமையாக உழைக்க வேண்டும். இரவு பகல் பாராது உழைக்க வேண்டும். மற்ற இனத்தவரைக் காட்டிலும் நம் திறமையை அதிகம் உபயோகித்து பொருள் சேர்க்க வேண்டும் .
நம் வருமானத்தில் நம் இனமானம் காக்க ஒரு குறிப்பிட்ட தொகையை மாதம் தோறும் ஒதுக்கி இன நலப் பணிகளுக்கு செலவிட வேண்டும்.
 
.தாக்குதல் என்பது இனி நேருக்குநேர் நின்று எதிரிகளை உடல்ரீதியாக விழ்துவது இல்லை.
 
 வாக்காய், வாழ்க்கையாய், பேச்சாய், செயலாய், முழக்கமாய், எண்ணமாய் , கனவாய், நினைவாய், ஆற்றலாய், அறிவாய்., தெளிவாய், கொள்கையாய், கோட்பாடாய், தத்துவமாய் நம் போர் விரியட்டும்
 
  எமக்கான வாழ்க்கை,எமக்கான உயர்வு நம் கையில்தான் உள்ளது என்பதனை நம் அறிவு தெளியட்டும்.

புலிகளின் 12 கப்பல்களை அழித்ததைப் பெருமையாகக் கோத்தபாய சொல்லிக் கொள்ளட்டும் 
நாம் இரண்டு கப்பல்களை வாங்கி அதற்க்கு தமிழர்களின் இயக்கங்களினால் கொல்லப்பட்ட ஒரு அப்பாவிச் சிங்களவனின் பெயரையும்  சிங்களப் படைகளால்  அநியாயமாகக் கொல்லப்பட்ட ஒரு அப்பாவித் தமிழனின் பெயரையும் இட்டு திரை கடலோடித் திரவியம் சேர்ப்போம் 
அதை எமது தனித்துவமாக காட்டிப் பெருமைப்படுவோம் 

 அடுத்தாண்டு நாம்  ஈழத்தில் சந்திப்போம்.

( இதில் எனது சொந்தக் கருத்துக்களுடன் மணி செந்திலின் கருத்துக்களும் உள்ளன )