பயங்கரவாதப்பணமுதலீட்டு வேட்டையில் நெடியவன் கைது : நோர்வே நக்கீரா

புலிகளின் முக்கிய புள்ளி ஒருவரின் சாட்சியம் (பகுதி 5)

பிரபாகரனுடன் இறுதி வரை இருந்து முள்ளிவாய்கால் இறுதி சங்காரத் தில் தப்பியவரின் வாக்குமூலம்

ஆம் நாம் மரணத்தின் வாசலில் நின்று எம்மை காக்க கரம் நீட்டும்படி தமிழ் நாட்டு அரசை வேண்டிய பொழுது நாம் என்றும் நம்பிய தொப்பிள்கொடி உறவு செய்த வேலை இப்படி இருந்தது. ஆம் எமது பொறுப்பாளர்களான நடேசன், பாலகுமார்,யோகி, இழந்திரையன் என பலர் தொடர்புகொண்டு முடியாமல் போக கடைசியில் சூசையும் தொடர்புகொண்டு பார்த்தார். தொடர்பை கடைசிவரை ஏற்கவில்லை கருணாநிதி. காரணம் அவர் அந்த நேரத்தில் புலிகளுக்கு ஆதரவு செய்தால் மத்திய அரசிலிருந்து வெளியேற்றப்படும் என சோனியா அம்மையார் கூறியிருந்தாராம். இதை அவரது கூட இதுக்கும் ‘தீனா மானா’ என எமது தலைமையால் அழைக்கப்படும் நபர் எமது தொடர்பகத்துக்கு அப்போது சொல்லியிருந்தார். என்ன செய்ய மக்களை விட கருணாநிதிக்கு சோனியாவின் உதவி தேவைப்பட்டது தனது குடும்ப பதவிகளையும் தக்க வைத்துக்கொள்ள.

இந்த நிலைமை தொடர்ந்ததால் எமது தலைமைப்பிடம் புலம்பெயர் நாடுகளின் தலைவர்களுடன் பேசிப்பார்க்கும்படி எமது வெளிநாட்டு தொடர்பாடல்களுக்கு பொறுப்பாக இருந்த கே.பி, நெடியவன், காஸ்ரோ, உருத்திரகுமார் போன்றவர்களுக்கு எம் தலைவர் உத்தரவு செய்தார்.

ஆம் இங்குதான் நம் கூட இருந்து குழிபறிக்கும் கூட்டமும் எப்ப குழிபறிககலாம் சொத்துக்களை சுருட்டலாம் எனவும் காலம் காத்திருந்த அந்த கூட்டம் தம் கைவரிசையை காட்டியது. இதில் கே.பி பொறிக்குள் விழுந்து செய்வதறியாது தடுமாரியதுதான் மிச்சம்.
எமக்குள் இருந்துகொண்டே முள்ளிவாய்க்கால் முடிவுகளுக்கு காரணமானவர்கள் யார் என்று பார்த்தால்.
என்னை பொறுத்தளவில் நான் நெடியவனையும் காஸ்ரோவையும்தான் சொல்லுவேன் கேபியும் ஒரு காரணம் தான்.கேபி துரோகம் செய்ய தான் முன்னர் செய்த ஆயுத விநியோகத்தைச் செய்ய முடியாமல் 2002க்குப் பின் முடக்கப்பட்டிருந்தமை அவருக்கு எம் தலைமைப்பீடத்துடன் இருந்து வந்த கசப்பு காரணமாக இருக்க முடியும்.
கேபி வழமைபோல் ஆயுத வழங்கலை, விநியோகத்தை செய்யக் கூடியதாக அப்போது இருந்திருக்குமானால் எமது படையணிகள் இவ்வளது தூரம் பின்வாங்க வேண்டியோ அல்லது தோல்வி கண்டிருக்க வேண்டிய நிலைமையோ ஏற்பட்டடிருக்காது என்பது ஒருபுறம் உண்மைதான்.
இவ் விடயத்தில் கேபி ஆற்றலும் அனுபவமும் எம்மை அந்த நேரத்தில் வந்து அடைய இவருடன் கூட இருந்த நெடியவனும் காஸ்ரோவும் இடம் கொடுக்கவில்லை தங்கள் சுய நலங்களுக்காக.

கேபியை முடக்குவதற்குக் காரணமாக இருந்தது இந்த இருவரும் எம் தலைமை பீடத்துக்கு பொய்கள் பலவற்றை கூறி அந்த இடத்தை தங்கள் வசப்படுத்திக்கொண்டன அந்த இடத்தை அவர்களுக்கு கொடுத்ததும் எங்கள் தலைமை விட்ட தவறு என்றுதான் சொல்லமுடியும்.
பல தசாப்தங்களாக கேபி செய்த ஆயுத விநியோகத்தையும் வெளிநாட்டு தொடர்புகளையும் தாமும் செய்வோம் எனப் புறப்பட்டு, எந்தவிதமான அனுபவமும் அற்ற இவர்கள் முயற்சியில் தோல்வியும் கண்டு கோடிக்கணக்கான பணத்தையும் அநியாயமாய் பறிகொடுத்து கடைசியில் ஒட்டு மொத்த இனமும் நம் நிறைமாத கர்ப்பிணியாக இருந்த அந்த போராட்டமும் அழிந்ததும் தான் மிச்சம்.
……………….

உண்மையில் அப்போது எம்மிடம் போதிய எறிகணைப்பலம் இல்லை. இத்தகைய ஒரு சூழலில் தலைவரையும், இயக்கத்தையும் மக்களையும் பாதுகாப்பதற்கு ஒரு யுத்த நிறுத்தம் அவசியம் எனவும் அதற்கு வரும்படியும் எமது தலைமை பிடத்தை வலியுறுத்தினார்.
ஆனால் நமது தலைமை ஒரு நிபந்தனையற்ற யுத்தநிறுத்தத்துக்குத் தயாராக நாம் இருப்பதாக அறிவுறித்தியது. ஆனால் நிபந்தனை அற்ற யுத்தநிறுத்தத்தை எமது தலைமை தெரிவி செய்ததற்கும் இந்த நெடியவனும் காஸ்ரோவும் தான் காரணம்.

அவர்கள் இருவரும் எமது தலைமை பீடத்துக்கு சொன்ன அந்த நம்பிக்கைதரும் செய்தியான ஐரோப்பிய நாடுகள் காப்பாற்ற ஒத்துவருவதாக கூறியுள்ளார்கள் என்ற செய்தியை நம் தலைமை நம்பியது. இதை நம் தலைமை நம்முவதற்கு காரணம் இவர்கள் இருவர் மீதும் இருந்த நம்பிக்கையும் புலம்பெயர் தேசத்தில் நடந்ததாக எமக்கு அனுப்பப்பட்ட ஆதாரங்களும் தான் காரணம்.

நிபந்தனையற்ற யுத்த நிறுத்தத்தை அனைத்துலக சமூகம் ஏற்றுக்கொள்ளவில்லை. அப்படி இருந்தும் எவ்வாறு யுத்த நிறுத்தத்தைக் கொண்டு வருவது என்பதுபற்றி பேச்சுக்கள் நடந்துகொண்டுதான் இருந்தது. நிபந்தனையற்ற யுத்தநிறுத்தத்ததைக் கொண்டுவருதற்கான சாத்தியங்கள் இல்லாத பொழுது யுத்த நிறுத்தத்தைக் கொண்டு வருவதற்கு தந்திரோபாய விட்டுப்கொடுப்புக்களைச் செய்வதில் தவறில்லை என மறுபடியும் கே.பி ஊடாக பாதிரியாரும் இந்திய தலைவர்களும் நோர்வேயும் தெரிவித்தார்கள். இதற்கான திட்டம் ஒன்றையும் தலைவரிடம் முன்வைத்தனர் கே.பி ஊடாக இந்தியவின் நிகழ்ச்சி திட்டத்தின்படி.
இத் திட்டத்தின்படி எமது ஒரு பகுதி ஆயுதங்களை இயக்கக் கட்டுப்பாட்டுப் பகுதியில் ஐ.நா.சபையின் மேற்பார்வையில் ஒப்படைப்பது எனவும் அதன் தொடர்ச்சியாக யுத்த நிறுத்தம் சமாதானப் பேச்சுவார்த்தைகளையும் நடைமுறைக்குக் கொண்டு வருவதற்கு முயற்சிப்பது.
இதுவே கேபி ஊடாக இந்திய பாதிரியாரும் கனிமொழியும் மத்திய அமைச்சரான சிதம்பரத்துடன் கதைத்து எடுத்ததாக சொல்லப்பட்ட கருத்து.

நயவஞ்சகர் கூட்டம் தொடங்கிய திட்டம்.

அழிந்து போகக்கூடிய ஆபத்து இருக்கும் ஒரு சூழலில், அழிவில் இருந்து பாதுகாத்துக் கொண்டு அடுத்து கட்டம் பற்றிச் சிந்திக்கலாம் எனவும் அவர்கள் சொன்னதாகவும் கூறினார்.

இந்த செய்தியை வேறு நடைமுறைப்பிரச்சினைகளைக் கொண்டுவரும் என்ற காரணத்தைக்கூறித் தலைவர் அதற்குச் சம்மதிக்கவில்லை.
தாம் புலத்தில் ஒழுங்கு செய்து கொண்டிருக்கும் போராட்டங்கள் நிபந்தனையில்லாமலே யுத்தநிறுத்தத்தைக் கொண்டுவருவோம் என இந்த நெடியவனும் காஸ்ரோவும் வன்னிக்கு அனுப்பிக் கொண்டிருந்த தகவல்களும் எமது தலைமையின் முடிவில் செல்வாக்குச் செலுத்தின உண்மையே .
இவர்களது இந்த பொய்யான தகவல்களால் பல முயற்சி செய்து பார்த்து இருக்கக்கூடிய வெவ்வேறு வாய்ப்புக்களும் இல்லாது போனது.

[தொடரும்….]