வன்னிப் படுகொலைகளின் பின்னதாக இந்திய அரசிற்கு எதிர்புணர்வு தமிழ் நாட்டில் அதிகரித்து வருகின்றது. தமிழ்க மீனவர்கள் மீதான இந்திய இலங்கை அரச படைகளின் தாக்குதல், ஈழப் படுகொலைகளுக்கு இந்திய அரச பின்புலம், ராஜபக்ச குடும்ப அரசிற்கு இந்திய அரசின் ஆதரவு என்பன தமிழ் நாட்டு மக்களை விழிப்படையச் செய்திருக்கிறது. கஷ்மீர் மக்களுக்கு ஆதரவாகவும், பழங்குடி மக்களின் போராட்டங்களுக்கு ஆதரவாகவும் தமிழ் நாட்டு மக்கள் பல் வேறு வடிவங்களில் எதிர்ப்பியங்களை முன்னெடுத்து வந்துள்ளனர். திராவிடக் கட்சிகளின் மாயைக்குள் உட்படுத்தப்பட்டிருந்த மக்கள் ஈழப் போராட்டத்தின் அனுபவங்களின் வழியாக எதிரிகளை அடையாளம் காண ஆரம்பித்துள்ளனர். இவ்வேளையில் இந்திய உளவுத்துறை மீண்டும் ஈழப் பிரச்சனையில் நேரடியான தலையீட்டை ஆரம்பித்திருக்கிறது.
80களின் ஆரம்பங்களில் வளர்ச்சி நிலையிலிருந்த ஈழப் போராட்டத்தை இந்திய உளவுத்துறை சிதைப்பதற்கான அனைத்து நடவடிக்கைகளையும் மேற்கொண்டு தேசிய விடுதலை இயக்கங்களை ஆயுதக் குழுக்களாக மாற்றியமைத்து அனைத்தையும் நிர்மூலமாக்கியது.
அவலங்கள் நிறைந்த இன்றைய இலங்கைச் சூழலில் இந்திய அரச உளவுத்துறையின் பின்ன்ணியில் இயங்கும் ஈ.என்.டி.எல்.எப் என்ற அமைப்பை தமிழ் நாட்டிலே இலங்கைத் தமிழ்ப் பேசும் மக்களின் தேசிய இனப் பிரச்சனையில் தலையிடுமாறு முடுக்கிவிட்டுள்ளது.
இதே வேளை புலிகள் ஆயுதப் பயிற்சி பெற்றுக்கொள்வதாகவும், தமிழ் நாட்டு அரசியல் வாதிகள் மீது தாக்குதல் நடத்தத் திட்டமிட்டிருப்பதாகவும் திட்டமிட்ட செய்திகளைக் கசியவிட்டுள்ளது.
இந்திய உளவுத்துறை இவ்வாறான தாக்குதல் முயற்சிகளைத் தாமே மேற்கொண்டு தமிழ் நாட்டு மக்கள் மற்றும் ஈழ மக்களிடையேயான பிளவையும் வெறுப்புணர்வையும் ஏற்படுத்த திட்டமிட்டுளதா என தமிழ் நாட்ட்டு ஆய்வாளர் ஒருவர் சந்தேகமெழுப்பியுள்ளார்.
எது எவ்வாறாயினும் தமிழ் நாட்டிலும் இந்தியா முழுவதும் உருவாகிவரும் முன்னேறிய பிரிவொன்று எதிர்காலத்தில் போராட்டத்தை வழி நடத்தும் தகமையும், விழிப்புணர்வும் கொண்டதாகவிருப்பதாக அவர் மேலும் தெரிவித்தார்.
தமிழ்கத்தில் தாக்குதல் நடத்த புலிகள் திட்டம் – இந்திய உளவுத்துறையின் புதிய சதி?
