டெல்லி மாணவி மரணத்துக்கு பான்கீ மூன் அஞ்சலி

டெல்லியில் ஓடும் பேருந்தில் பாலியல் பலாத்காரம் செய்யப்பட்ட மருத்துவ மாணவி குறித்து ஐக்கிய நாடுகள் சபையின் பொதுச்செயலாளர் பான்கீமூன் வெளியிட்டுள்ள அறிக்கையில், மாணவி மரணத்திற்கு ஆழ்ந்த இரங்கலைத் தெரிவித்துக் கொள்கிறேன். இந்த மிருகத்தனமான செயலை வன்மையாக கண்டிக்கத்தக்கது. இந்த சம்பவத்தில் உடனடியாக நடவடிக்கை எடுத்து குற்றவாளிகளை நீதிமன்றத்தின் முன்பு நிறுத்த வேண்டும். பெண்களுக்கு எதிரான குற்றங்களை எப்போதும் ஏற்றுகொள்வதோ அல்லது மன்னிப்பதோ கூடாது என்று கூறியுள்ளார்.
போலிசாராலும், ஆதிக்க சாதியினராலும் அதிகாரத்திற்காகப் பயன்படுத்தப்படும் வழமையான நிகழ்வாகியுள்ள பாலியல் வன்முறை சாதாரண நிகழ்வாக ஒவ்வொரு நாளும் நடைபெறும் போது ஏன் இந்த சம்பவத்திற்கு மட்டும் இவ்வளவு முக்கியத்துவம் வழங்கப்பட வேண்டும் என அருந்ததி ராய் நேர்காணல் ஒன்றில் கேள்வியெழுப்பினார். பன் கீ மூன் இன் புதிய தலையீடு இந்த சம்பவத்தின் பின்னணியில் ஏகாதிபத்திய அரசியல் நோக்கங்கள் உள்ளனவா என்ற சந்தேகங்களை உருவாக்கியுள்ளது.