ஈழப் போராட்டம் – அழித்தவர்கள் யார் : அஜித்

ஏன் வரதன் இதை புலிகள் இருக்கும் போது ஒங்கிக் கேட்டு இருக்க வேண்டியதுதானே. வீதி வீதியாய் போய்நாடகமாவது போட்டு மக்களுக்குச் சொல்லி இருக்க வேண்டியதுதானே. இல்லை மேடை எல்லாம் போட்டு முழங்கி இருக்கலாம் தானே. ஏன் உயிர்ப் பயமோ. உயிர் பயம் உள்ளவர்களுக்கு எதுக்கு சமுதாயம் மேல் அக்கறை. புலிகள் இல்லாத காட்டில் மான் கள் துள்ளி விளையாடுதாம் என்ற கதை போல , புலிகள் இல்லை என்ற் உடனே, ஆள் ஆளுக்கு கொப்பி-பென்சிலோட வெளிக்கிட்டீர்கள். ஏன் பாலகுமாரர் புலிகளோடு ஒன்று சேர்ந்து போனது போல், மற்றவர்களும் பின்னாலே போய் இருக்க வேண்டியதுதானே. அல்லது தம்பாப்பிள்ளை அமைப்பைக் கலைத்து விட்டு சென்றது போல் , போய் இருக்க வேண்டியதுதானே. தடி எடுத்தவன் எல்லாம் தண்டல்காரன் என்பது போல, இளையர்களைச் சேர்த்து வைத்து இருந்தால் அவெர்கள் எல்லாம் என்ன போராட்டத்தலைவர்களோ ? பெரும்பான்மை மக்கள் ஆதரவு இல்லாமலா புலிகள் இத்தனை ஆண்டுகள் போராட்டம்நடத்தினார்கள்: மக்கள் ஆதரவு இல்லாமலா அவெர்கள் இத்துணை தூரம் வளர்ச்சி பெற்றார்கள்: தமிழ் மக்கள் விம்பமே புலிகள் . மக்கள் என்ன நினைத்தார்களோ, அதையே புலிகள் செயல் வடிவம் கொடுத்துநடத்திக் காட்டினார்கள்:புலிகளிடம் கேட் க நினைக்கும் இதே கேள்விகளை தமிழ்மக்களிடம் கேளுங்கள்:நீங்கள் ஒற்றுமையாய் இருந்து போராட்டத்தை வளர்த்து விடாமல்,நீங்களே போராட்டத்தைக் காட்டிக் கொடுத்தீர்கள்: குழி பறித்தீர்கள்: ஏன் என்றால் உங்களைப் போன்றோருக்கு ,தமிழருக்கு ஏன் பிரபாகரன் மட்டும் தலைவர் ஆக வேண்டும் ,நாங்களும் ஆனால் என்ன என்ற , அடையமுடியாத ஆசை. அதைதான் புலிகளிடமிருந்து பிரிந்த ராகவன், மாத்தையா, கருணா வரையிலிருந்து, மறு பக்கம் ஆனந்தசங்கரி, சிதார்த்தன், டக்கிள்ஸ் , இந்தியாவின் ஆதரவுடன் இயங்க்கும் இன்னும் சிறு சிறு குழுக்கள் எல்லாவற்றிற்கும். இப்படி நாங்களும் ஆயிரம் கேள்வி கேட் கலாம். சம்பவம் சொல்லலாம். சும்மா சும்மாநேரத்தை வீண்டிக்காமல் வேலையப்பாரும்.

கேள்வி – தமிழர்களின் போராட்டப் பலத்தை வலுவிழக்கச் செய்தது தங்களது சகோதரப் படுகொலைக் கொள்கைதானே? இது சரியா! தவறா?

பதில் – சகோதரப்படுகொலை செய்வது புலிகளின் கொள்கையல்ல, அதற்கு வித்திட்டவர்களும் புலிகள் அல்ல.

கேள்வி – இந்தக் கொள்கையினால் தமிழ் இனம் இப்போது துன்பப்படுகிறது என்பதை இப்போதாவது ஏற்றுக் கொள்கிறீhகளா? இல்லையா?

பதில் – தமிழினத்தின் துன்பம் தீரவில்லை. ஆனால், மனசாட்சியை அடைவு வைத்து விட்டு அல்லது போதிய அறிவு பற்றாக்குறையால் புலிகள் மேல் இந்த குற்றத்தை சாட்டுவது எப்போதும் உள்நோக்கம் கொண்டவை.

கேள்வி – தமிழ் மக்களின் தலைவர்களான திரு. அமிர்தலிங்கம், திரு. சிறிசபாரெத்தினம், திரு. பத்மநாபா போன்றோரைக் கொலை செய்தது தவறான செயல் என்று ஏற்றுக்கொள்கிறீர்களா? இல்லையா?

பதில் – கொலைகள் தவறு அல்லது தவறல்ல என்பதற்கு அப்பால், இன்று எந்த அடிப்படையில் இவர்கள் தமிழ்மக்களின் தலைவர்களாக கருதப்படுகின்றார்கள்? ஒரு கட்டத்துக்கு மேல் திரு. அமிர்தலிங்கம் அவர்களையும் தமிழ் மக்கள் தங்களின் தலைவர் என ஆத்மார்த்தமான எண்ணவில்லை.

கேள்வி – இந்திய அமைதிப்படையை வலுக்கட்டாயமாக சண்டைக்கு இழுத்து இந்தியாவை அவமானப்படுத்தியதை ஏற்றுக்கொள்கீறீர்களா? இல்லையா?

பதில் – இல்லை. புலிகள் மேல் திட்டமிடப்பட்டு வலுக்கட்டாயமான சண்டையே திணிக்கப்பட்டது, தமது தற்பாதுகாப்புக்காகவே அவர்கள் சண்டையை எதிர் கொண்டனர், அவர்களை (இந்தியா) அவமானப்படுத்தும் நோக்கம் அவர்களுக்கு(புலிகள்) எப்போதும் இருந்ததில்லை.

கேள்வி – தமிழர்களின் பொது எதிரியான பிரேமதாசாவுடன் இணைந்து தமிழ் இயக்கங்களையும், அமைதிப்படையையும் தாக்கியது தவறு என்று ஏற்றுக்கொள்கிறீர்களா? இல்லையா?

பதில் – இல்லை. தமிழ் இயக்கங்களும் (ஒட்டுப்படைகள்) அமைதிப்படையும் இணைந்தே தமிழ் மக்கள் மீதும் புலிகள் மீதும் கொடிய தாக்குதல்களை மேற்கொண்டார்கள். புலிகள் எவருடனும் இணைந்து தாக்குதல்களை மேற்கொள்வது கிடையாது.

கேள்வி – நாங்கள்தான் ஏகப்பிரதிநிதிகள் தமிழ் மக்கள் பற்றி யாரும் பேசக்கூடாது அப்படிப் பேசினால் அவர்கள் கொல்லப்படுவார்கள் என்ற கொள்கை தவறானது என்பதை ஏற்றுக்கொள்கிறீர்களா? இல்லையா?

பதில் – இல்லை. பேச்சுவார்த்தை மேசைகளில் தமிழ் மக்கள் சார்பில் ஏகபிரதிநிதியாக பேசுவதற்கான தகுதி புலிகளுக்கு இருப்பதாக பேச்சுவார்தையின் மறுபகுதியினர் ஏற்றதன் அடிப்படையிலேயே பேச்சுக்கள் நடந்தேறின, அதனை தமிழ் மக்களும் ஏற்றிருந்தனர். தமிழ் மக்கள் சார்பில் வேறு யாருக்காவது அந்த தகுதி இருந்திருப்பின் அவர்கள் பேச்சுவார்த்தை செய்யும் மறுபகுதியினரிடமும் அல்லது மக்களிடமும் அதை கேட்டுப்பெற்றிருக்க வேண்டும் அல்லது நிலைநாட்டியிருக்க வேண்டும். அப்படி கேட்டுப்பெற்றால் அல்லது நிலைநாட்டினால் எவரையும் கொலை செய்வோமென புலிகள் எவ்வகையிலும் எப்போதும் கொள்கை கொண்டிருந்ததுமில்லை வெளியிட்டிருந்ததுமில்லை.

கேள்வி – “இந்திய-இலங்கை” ஒப்பந்தத்தினை முதலில் ஏற்றுக்கொண்டு பின்னர் நிராகரித்து சிங்கள அரசுடன் சேர்ந்து குறைந்தபட்ச தீர்வான அந்த ஒப்பந்தத்தை செயலிழக்கச் செய்தது தவறு என்று இப்போதாவது ஏற்றுக்கொள்கிறீர்களா? இல்லையா?

பதில் – குறைந்தபட்ச தீர்வான இந்திய-இலங்கை” ஒப்பந்தத்தினை அதனை செய்த தரப்பினரும் கூட ஏற்றுக்கொள்ளவில்லை என்பதே உண்மை. அவ் ஒப்பந்தத்தின் அடிப்படை அம்சங்களை நிறைவேற்றுமாறு கோரியே தியாகி திலீபன் தன் உயிரை ஈகம் செய்திருந்தான்.

கேள்வி – ஈழத் தமிழருக்கு உதவுவதற்காக முன்வந்த மறைந்த பாரதப் பிரதமர் இராஜீவ்காந்தி அவர்களை தமிழகத்தில் வைத்துக் கொலை செய்தது நீங்கள் செய்த மாபெரும் தவறுகளில் ஒன்றா இல்லையா?

பதில் – தமிழகத்தில் வைத்து கொலை செய்ததுதான் தவறு அல்லது தவறல்ல என்பது போல் உள்ளது தங்கள் வினா.

பாரதப் பிரதமர் இராஜீவ்காந்தி அவர்களின் கொலை வழக்கு விசாரணை இன்னும் முறைப்படியாக முற்றுப்பெறவில்லை. அத்துடன் அதனுடைய உசாவல் முறையாக கொண்டு செல்லப்படவுமில்லை என்ற குற்றச்சாட்டுக்களும் வலுப்பெற்று வருகின்றன. எனவே, ஒரு வழக்கின் இறுதித்தீர்ப்பு வரும்வரை சந்தேக நபர்களை சுட்டிக்காட்டி குற்றம் சாட்டுவது தவறு.

கேள்வி – “இந்திய-இலங்கை” ஒப்பந்தத்தினை நிராகரித்து இப்போது 20 ஆண்டுகள் ஆகிவிட்டன. இன்றுவரை உங்களால் ஓர் உடன்படிக்கையினைக் கூட இலங்கை அரசுடன் ஏற்படுத்த முடியவில்லை என்பதை ஏற்றுக்கொள்கிறீர்களா? இல்லையா?

பதில் – தமிழர் பிரச்சனைக்கு இலங்கை அரசுடன் புலிகளால் மட்டுமல்ல எவராலும் எந்த உடன்படிக்கையையும் பேச்சுவார்த்தை மூலம் ஏற்படுத்த முடியாது. அதுவே வரலாறு. இது ஒரு கட்டத்துக்கு அப்பால் புலிகளுக்கு புரிந்திருந்தாலும் உள்ளூர்காரர்களுக்கும் வெளியூர்காரர்களுக்கும் இதனை வெளிச்சம் போட்டுக்காட்டுவதாகவே புலிகளின் ஈகங்கள் இருந்தன, இருக்கின்றன.

கேள்வி – இந்த 20 ஆண்டுகாலமும் தமிழர்கள் இழந்துவிட்ட உயிருக்கும் உடமைகளுக்கும் நீங்கள் பொறுப்பு ஏற்றுக்கொள்கிறீர்களா? இல்லையா?

பதில் – இது புலிகளிடம் மட்டும் கேட்கின்ற கேள்வி அல்ல.

கேள்வி – தமிழர்களுக்கு உதவிக்கு வந்த இந்தியாவை, அன்று தமிழர்களின் பொது எதிரியான சிங்களவர்களுடன் சேர்ந்து விரட்டி அடித்தீர்களே இன்று அதே இந்தியா உதவ வேண்டும் என்று தங்களின் விசுவாசிகள் மூலம் கோருவது வெட்கப்பட வேண்டிய விடயமா? இல்லையா?

பதில் – வெட்கப்படுவதற்கு இது மணமேடையல்ல. தமிழர்களுக்கு உதவிக்கு வந்த இந்தியா ஏன் அப்பாவித்தமிழர்களைக் கொன்றது என்பதற்கு உங்களைப்போன்றோரின் பதில் என்ன? எனினும், இந்தியாவிற்கு தமிழீழ மக்களின் சார்பில் நியாயமாக நடந்து கொள்ளவேண்டிய தார்மீகக் கடமையும் உரிமையும் எப்போதும் உண்டு என்பதை புலிகள் நன்குணர்வர். அதனால், புலிகள் தமிழ் மக்களின் சார்பில் அவர்களின் (மக்களின்) உணர்வை அவர்களிடம் (இந்தியா) வெளிப்படுத்த வேண்டிய தார்மீகக்கடமையை எப்போதும் கொண்டுள்ளார்கள்.

கேள்வி – இந்த நிலைக்கு வந்த பின்னரும் சகபோராளி இயக்கங்களையும் அழைத்து நாம் ஒன்று சேர்ந்து போராடுவோம் என்று பகிங்கரமாக் கோராதது தவறு என்பதனை ஏற்றுக் கொள்கிறீர்களா? இல்லையா?

பதில் – அவர்கள் (இயக்கங்கள் என்று சொல்லப்பட்டவை) மக்களின் நலனுக்காகவே உளப்பூர்வமாக இறுதிவரை போராடினார்கள் என்பதை மக்கள் பரிபூரணமாக ஏற்கின்ற பட்சத்தில் அவ்வாறான கோரிக்கையை இத்தருணத்தில் நிராகரிப்பது தவறாகலாம்.

கேள்வி – சிங்கள அரசுக்கு எதிரிகளாக இருந்த கருணா, பிள்ளையான் போன்றோரை தனக்குச் சாதகமாகவும் தமிழினத்துக்கு எதிராகவும் பயன்படுத்துகிறது இலங்கை அரசு. ஆனால் நீங்கள் எந்தத் தமிழர்களையும் அழைத்துக் கதைப்பது கிடையாது. உங்களை ஏற்றுக்கொண்டு சரணாகதி அடைந்தால் மட்டுமே (திரு. பாலகுமாரன், ரி.என்.ஏ போன்று) அவர்களைப் பயன்படுத்துவீர்கள். மோட்டுச் சிங்களவருக்கு இருக்கிற அறிவு கூட உங்களுக்கு இல்லை என்பதை ஏற்றுக்கொள்கிறீர்களா? இல்லையா?

பதில் – கருணா பிள்ளையான் மட்டுமல்ல பல சுயநலமிக்க நபர்களை சிங்கள அரசு ஆண்டாண்டு காலமாக பயன்படுத்தியே வருகின்றது. புலிகள் அமைப்பு தோன்றுவதற்கு முன்பிருந்தே இது நடந்தேறி வருவது கண்கூடு.
சிங்களவர்களை தங்களைப்போன்றவர்களே மோட்டுச் சிங்களவர் என அழைக்கின்றனர். அதே போன்றே தங்களைப்போன்றவர்கள் புலிகளையும் அறிவில்லாதவர்கள் என அழைக்கின்றனர். திரு. பாலகுமாரன் அவர்கள் போன்றோரும், த.தே.கூட்டணி அமைத்தோரும் புலிகளிடம் சராணாகதி அடையவேண்டிய தேவை அவர்களுக்கில்லை. அவர்கள் வெவ்வேறு தளங்களில் நின்றாலும் அவர்களின் ஆழ் மனதில் தமிழ் மக்களின் நலன் குடிகொண்டிருந்ததால் ஒரு புள்ளியில் அனைவரும் சந்திக்கவேண்டியிருந்தது என்பதே உண்மை.

கேள்வி – தமிழினத்தின் ஏகப்பிரதிநிதி என்று கூறிக் கொலை செய்ததன் விளைவாக பெரும்பான்மையான தமிழருக்கு இன்று சிங்களவரே பிரதிநிதியாகி விட்டனர் என்பதனை ஏற்றுக்கொள்கிறீர்களா? இல்லையா?

பதில் – முதுகெலும்பு இல்லாத தமிழர்கள் சிலருக்கு சிங்களவர்கள பிரதிநிதியாகி விட்டனர் என்பதை ஏற்றுக்கொண்டேயாக வேண்டும்.

கேள்வி – உங்களது பயங்கரவாதக் கொள்கையால் உங்களுக்கு நீங்களே தடையை ஏற்படுத்திக் கொண்டுள்ளீர்கள் உலக நாடுகளில் இன்று தமிழினத்தின் உரிமைகளுக்காகக் குரல் கொடுப்பது போராடுவது அனைத்தும் தமிழக சினிமாக்காரர்களின் கைகளுக்கும், சந்தர்ப்பவாத தமிழக அரசியல்வாதிகளின் கைகளுக்கும் காணிக்கையாக்கி மகிழ்கிறீர்கள். இந்தச் செயல் சரியானதாகப் படுகிறதா உங்களுக்கு?

பதில் – புலிகளுக்கு பயங்கரவாத கொள்கை கிடையாது. புலிகள் பயங்கரவாத கொள்கையுள்ள அமைப்பினராயின் வெளிநாட்டு உயரதிகாரிகள் அவர்களுடன் கைலாகு கொடுத்து பேச்சுவார்த்தைகளில் ஈடுபட்டிருக்க மாட்டார்கள். தடைசெய்தல், கடன் கொடுத்தல், நன்கொடையளித்தல் போன்றவை உலகநாடுகள் தங்களின் தேவையை அடைந்து கொள்வதற்காக வகுத்திருக்கும் பொறிமுறைகள்.
தமிழினத்தின் உரிமைகளை எந்த சந்தர்ப்பவாதிகளிடமும் புலிகள் எப்போதும் கையளித்ததில்லை. அவர்கள் உள்ளூர் சந்தர்ப்பவாதிகளாயினும் சரி வெளியூர் சந்தர்ப்பவாதிகளாயினும் சரி.

கேள்வி – சினிமாவுக்கு கதைவசனம் எழுதி இயக்குவிப்பவர்களை தமிழினத்தின் உரிமைகளுக்காக குரல் எழுப்பி நடித்துக் காட்டும்படி தூண்டுகிறீர்கள். இதுவா ஓர் விடுதலை இயக்கத்துக்கும் உரிமைக்கும், சுதந்திரத்துக்கும் அத்திவாரமாக அமைவது?

பதில் – மனப்பூர்வமாகவும் உணர்வுபூராகவும் உண்மையாகவும் தமிழ்மக்களின் விடுதலையில் பங்களிப்பு செய்வதற்கும் பாடுபடுவதற்கும் எவருக்கும் உரிமையுண்டு. சாதியோ தொழிலோ பிரதேசமோ இவை போன்ற எவையும் அதற்கு தடைகள் அல்ல.

கேள்வி – இலங்கைத் தமிழர்கள் ஒன்றிணைய மாட்டார்கள், ஆனால் சினிமாக்காரர்களும், தமிழக அரசியல் வாதிகளும் ஒன்றணைய வேண்டும், மத்திய அரசைப் பணிய வைக்க வேண்டும், உங்களுக்கு உதவ வேண்டும் இதுதான் சரியான போராட்டம் என்று உங்களுக்குப் படுகிறதா?

பதில் – தமிழீழத்தமிழர்கள் சில புறநடைகளைத்தவிர ஒன்றிணைந்தே போராடினார்கள். இனியும் ஒன்றிணைந்தே போராடுவார்கள்.

இப்படிப் பல ஆயிரக்கணக்கான கேள்விகளை காலமெல்லாம் தங்களைப்போன்றோரால் கேட்டுக்கொண்டு இருக்க மட்டுமே முடியும். எனவே, இதற்கெல்லாம் அவர்களால் (புலிகள்) பதில் சொல்லிக்கொண்டிருக்க முடியாது என்று நான் நம்புவதால் அவர்கள் சார்பாக மேற்படி வினாக்களுக்கான பதில்களை நானே தந்துள்ளேன், நன்றி வணக்கம்.