இறுகும் அணைப்பு

Tamils for Obama போன்ற அமைப்புக்கள் திசைவழியின்றி தம்மை மக்களின் எதிரிகளிடம் அடையாளபடுத்திக்கொண்டன. ஒபாமாவும், மெலிபாண்டும், இன்னோரன்ன உலகில் அதிகார பலம்மிக்க பலரும் ஏன் இந்திய அரசும் கூட தமிழ் மக்களைக் காப்பாற்றும் என்று உலகம் முழுவதும் பரந்திருக்கும் தமிழர்களை போராட்ட சக்திகளுடன் இணைவதைத் தடுத்துவந்தனர். நியாயமான, அடக்குமுறைக்கு எதிரான தமிழ்ப் பேசும் மக்களின் போராட்டம் சிதைத்துச் சீரழிக்கப்பட்டது. பேரினவாத ராஜபக்ச குடும்பத்திடம் தமிழ்ப் பேசும் சிறுபான்மையினரின் தலைவிதி கையளிக்கப்பட்டது.
இவர்கள் நம்பியிருந்த ஒபாமாவும், திருமாவளவனும், மன்மோகன் சிங்கும் தமது அரசியல் பொருளாதார நலன்களுக்காக இலங்கை அரசுடன் கைகோர்த்துக் கொள்கிறார்கள்.

மக்கள் பணத்தில் தமது குடும்பத்தினரையும், ஆதரவாளர்களையும், நண்பர்க்களையும் அமரிக்கா அழைத்துச் சென்றுள்ள ராஜபக்ச குடும்பம், அங்கு வசிக்கும் தமது குடும்பத்தினருடன் ஒன்று கூடல் ஒன்றை நடத்தியது.
அந்த ஒன்றுகூடல் நிகழ்வில் கலந்துகொண்டவர்களுள் முக்கியமானவர் அமரிக்க அதிபர் ஒபாமாவின் மனைவியான மிஷேல் ஒபாமாவாகும் என்பது குறிப்பிடத்தக்கது.
போராட்ட சக்திகளும், மனிதாபிமானிகளும் இன்றும் எங்காவது ஒரு மூலையில் கொல்லப்பட்ட ஈழத் தமிழர்களுக்காகக் குரல் கொடுத்துக்கொண்டு தான் இருக்கிறார்கள்.
இவ்வேளையில் மிஷேல் ஒபாமாவும் ஷிராந்தி ராஜபக்சவும் இறுகத் தழுவிக்கொண்டனர்.