ஒபாமா நிர்வாகம் முந்தைய நூற்றாண்டின் சமூகச் சீர்திருத்தங்களான சமூகப்பாதுகாப்பு, மருத்துவப் பாதுகாப்பு என்பவற்றின் மீது ஒரு வரலாற்றுரீதியான, முன்னோடியில்லாத தாக்குதலை நடத்திக் கொண்டிருக்கிறது. குடியரசுக் கட்சியுடன் இணைந்து செயல்படும் முறையில், இது ஏற்கனவே நாடு முழுவதும் சமூகநல சேவைகள் மற்றும் வரவு-செலவுத் திட்டத்தில் வெட்டு என்றழைப்பதனூடாக தொழிலாளர்கள் வருமானத்தில் மிருகத்தன வெட்டுக்களுக்கு வகை செய்துவிட்டது. இதற்கிடையில், பள்ளி மூடல்கள், ஆசிரியர் பணிநீக்கங்கள் மற்றும ஓய்வூதியங்கள், சுகாதாரப் பாதுகாப்பில் தாக்குதல்கள் ஆகியவை சற்றும் குறைவில்லாது மத்திய, மாநில மட்டத்தில் தொடர்கின்றன.
அமெரிக்காவில் இளைஞர்கள் முகங்கொடுக்கும் நிலைமை குறிப்பிடத்தக்க வகையில் மோசமாக உள்ளது. 25 வயதிற்கு குறைந்த தொழிலாளர் பிரிவினரிடையே தொழிலாளர்கள் பங்கு பெறும் சதவிகிதம் மார்ச் மாதம் 54.5 ஐ தொட்டது. இது நான்கு தசாப்தங்களில் மிகவும் குறைந்த அளவு ஆகும். கணக்கீட்டின்படி உண்மையான இளைஞர் வேலையின்மை, தொழிலாளர் பிரிவில் இருந்து நீங்கியவர்களைக் கணக்கில் எடுத்துக் கொண்டால், 22.9 சதவிகிதம் ஆகின்றது.
இதே வகையான கொள்கையை பிரித்தானியாவில் கடந்த மாதம் சமர்ப்பிக்கப்பட்ட வரவு செலவுத்திட்டமும் முன்வைத்துள்ளது. ஐரோப்பிய அமரிக்க மக்களின் வாழ்க்கைத் தரம் வறுமை என்பன மேலும் அதிகரிகும் என எதிர்வுகூறப்ப்படுகிறது.
அமரிக்காவிலும் ஐரோப்பாவிலும் அதிகரிக்கும் மக்கள் உரிமைகள் மீதான தாக்குதல்
