Tag Archives: nature

காற்று விற்பனைக்கு – இழி நிலையை பாரீர்

விவசாயத்தை கைவிட்டுவிட்டு, எமக்கு தேவையான பொருட்களினை, முதலாளித்து நிறுவனங்களிடம் இருந்து வாங்குகிறோம். எமது கிணறுகளை இழந்துவிட்டு, நீருக்காக போத்தலில் அடைக்கப்பட்ட நீரினையும் அவர்களிடமே இருந்து வாங்குகிறோம். தற்போது, உங்களுக்காக முதலாளித்துவம், தமது இலாப வெறிகொண்ட தீவிரவாத செயற்பாடுகளால், காற்றினை மாசுபடுத்தியதன் பின்னர், காற்றினையும் விற்க தொடங்கியிருக்கும், இழி நிலைக்கு தள்ளப்பட்டிருக்கிறோம். இன்னமும், வளர்ச்சியும், பணமும் சம்பாதித்து என்னத்தை காணப்போகிறோம்? யோசிக்கவைக்கும் ஆளமான செயற்பாடான, இயற்கையின் இலவசம் அனைத்தும், தற்போது முதலாளிகள் ஆக்கிரமிப்பு. நிமிர்ந்து, நாம் எம்மை அவ்வாறு, மயக்க நிலையில் வைத்து, எம்மையும், இயற்கை அன்னையினையும், எதிர்காலத்தையும் அழிக்கும் இவைகளை பற்றி, அறிந்து, உணர்ந்து, எதிராக, போராட‌,  எமது உரிமைகளுக்காக‌ போராட எப்போது வெளியே வரப்போகிறோம்?

Water rights

மக்களின் பகுத்தறியும் திறன், இப்படி இழி நிலையில் இருக்கும் எனில் இயற்கை அன்னையின் சீற்றத்திற்கு ஆளாகியாக‌வே வேண்டும்.

நிறுவனங்கள், சீனாவில் இயற்கை வாயுவினை, காற்றினை மாசுபடுத்தியதனால், தற்போது அம்மாசில் இருந்து தம்மை காக்க மக்கள், காற்றினை பணம் கொடுத்து வாங்குகிறார்களாம். தமிழ்நாடு மற்றும் இலங்கையிலும் இதே போன்ற நிலை, நிறுவனங்களால் ஏற்படுத்தப்படும் அளவிற்கு, அவற்றின் செயற்பாடுகள் சூழலுக்கு அழிவினை ஏற்படுத்துகின்றன. இருந்த போதும், மக்களோ, அவை பற்றி எள்ளளவும் அக்கறையின்றி நடந்துகொள்வது கவலைக்குரியது என்பதுடன், அவ்வாறான நிறுவனங்களை வீழ்ச்சி அடைய செய்யும் செயற்பாட்டாளர்களுடன் இணைந்து கொள்ளாமல் இருப்பது மிகவும் வருத்தத்தினை தருகின்றது. சுன்னாகத்தில், வெலிவேரியாவில் மற்றும் உலக நாடுகள் எங்கும் நீரினை மாசுபடுத்தி, தற்போது நீர் மேலாண்மையினை மக்களிடம் இருந்து நிறுவனங்களிற்கு கைமாற்றியதை போன்று, தற்போது இலவசமாக கிடைக்கும் காற்றினை கூட அடைத்து விற்கும் அளவிற்கு நிறுவனங்களின் கொடிய தீவிரவாதம் எல்லை மீறி செல்கிறது. அதனை, ஊடகங்களின் உதவியுடன், வாழைப்பழத்தில் ஊசியேற்றுவதை போன்று மெதுவாக மக்களிடம் சேர்த்து, அதன் பாரதூர தன்மையை, மற்றும் சூழல் அழிக்கப்பட்டதை, அழிக்கப்படுவதை, மக்கள் ஏற்றும் கொள்ளும் அளவிற்கு இழிவான நிலைக்கு, மக்கள் விழிப்புணர்வு இல்லாமல் ஆக்கப்பட்டுள்ளனர் என்பது அப்பட்டமான உண்மை. நிறுவனங்களும், அவற்றினால் இயக்கப்படும் அரசுகளும், தாம் செய்யும் தீவிரவாதம் மிக்க, வெறுமனே இலாபத்தினை மட்டும் தரக்கூடிய செயற்பாடுகளை, ஏதேச்சகாரமாக, தம்மால் இயக்கப்படும் ஊடகங்கள், தொண்டு நிறுவனங்கள் துணை கொண்டு, நிறுவன செயற்பாடுகள், மக்களிற்கும், நாட்டிற்கும், எதிர்காலத்திற்கும், நன்மையையும் இலாபத்தையும் தருவன என்று போலி வார்த்தை கூறி, அழிவினையே நியாயப்படுத்தி, மாபெரும் அழிவினை நடத்துவதை மக்களாகிய நாம் வெறும் பார்வையாளர்களாக, வாக்காளர்களாக ஏற்றுகொள்கிறோமா? ஆனால், அப்படி நாம் ஏற்றுகொள்கிறோம் எனும் போது அவற்றால் இயற்கை
அன்னை சீற்றம் அடைந்து, நம்மை அழிப்பதனையும் ஏற்றுகொள்ளத்தான் வேண்டும்.

அத்துடன் விவசாயம், உணவு உற்பத்தியும் நிறுவனமயப்படுத்தப்பட்டு, உடன் உணவு எனும் போர்வையில், உணவும் நச்சூட்டப்பட்டு, உணவு மேலாண்மையும் மக்களிடம் இருந்து பறிக்கப்பட்டுள்ளது. ஆனால் கொதித்து எழுந்து போராடி, தமது உரிமையை வெல்லவேண்டிய மக்களோ, ஊடகங்கள், தொண்டு நிறுவனங்கள், நிறுவனங்களால் இயக்கப்படும் அரசுகள் மற்றும் அரசசார் நிறுவனங்களின் ஏமாற்று செய்திகள் மற்றும் தகவல்களை நம்பி, மயக்க நிலையில் தாம் ஏதோ சாதிப்பதாக நினைத்து, தாம் அழிக்கப்படுகின்றோம் என்பதனை கூட பகுத்து அறியாது, ஏமாளிகளாக இருப்பது கண்டு வருந்த மட்டுமே எங்களால் முடிகிறது.

we cant eat money

ஏனெனில் போராட அழைத்தால், மக்கள் தமக்கு தமக்கு, பல வேலைகள் இருக்கிறது என்கின்றனர். வாழ்கின்ற சூழல் அழிக்கப்பட்ட பின்னர், நாம் பணத்தையோ, பண்டத்தையோ சப்பிடமுடியாது. மக்களே உணர்துகொள்ளுங்கள். நாம் தற்போது, நவீன உலகம் எனும் போலி மாயாக்குள் தள்ளப்பட்டு, உண்மையில், அழிவின் விளிம்பு நிலைக்கு தள்ளப்பட்டிருக்கிறோம். உணருங்கள். போராட வெளியே வாருங்கள்.

இது பற்றிய செய்தி குறிப்பு

  1. http://usuncut.com/climate/chinas-smog-is-so-bad-its-started-buying-bottled-air-from-canada/
  2. http://www.telegraph.co.uk/news/worldnews/asia/china/12051354/Chinese-buy-up-bottles-of-fresh-air-from-Canada.html?utm_campaign=Echobox&utm_medium=Social&utm_source=Facebook

பல் தேசிய நிறுவனங்களின் பகிரங்கமான‌ அடாவடித்தனங்களும், கொள்ளைகளும்…

விழித்தெழுவார்களா மக்கள்?

விளம்பரமொன்றினால் தமக்கெதிராக போராடும் போராளிகளை கேவலப்படுத்தும் “பெப்சி” எனும் பல்தேசிய நிறுவனம் – இணைப்பு

இந்திய நாட்டில் வெளியான பெப்சி நிறுவனத்தின் விளம்பரத்தில், அந்நிறுவனத்தினை எதிர்த்து போராடுபவர்களை கேலி செய்யும் வகையில், அந்நிறுவனத்தினை எதிர்த்து நடத்தப்படும் ஒரு போராட்டத்தில் பங்கு பற்றும் இளைஞர் ஒருவர், தாகத்தின் போது, “பெப்சி” ( Pepsi ) பானத்தினை அருந்துவது போன்ற காட்சி உள்ளடக்கப்பட்டுள்ளது. இவ்விளம்பரம், இந்நிறுவனங்களின் ஏதேச்சையான மேலாதிக்க போக்கினை எடுத்து காட்டுவதுடன், உலகெங்கும், இந்நிறுவனங்கள், மக்களின் எதிர்ப்பை பொருட்படுத்தாது, அரசுகளின் உதவியுடன் சர்வாதிகாரமாக செயற்படுவதையும் எடுத்துக்காட்டுகின்றது.

அத்துடன் தமிழ்நாடு மற்றும் இந்திய நாட்டில் உள்ள பெரும் பகுதியான நில, நீர்ப்பரப்புகள், எண்ணெய் மற்றும் கனிம வள அகழ்வு நடவடிக்கைகளால் மாசடைய செய்யப்படுவதுடன், விவசாயிகள் மற்றும் மக்களிற்கு அத்தியாவசியமான, நீர், நில வளங்கள், அரசுகளினால் முறைகேடான முறையில், பல்தேசிய நிறுவனங்களிற்கு விற்பனை செய்யப்பட்டு வருவதும் குறிப்பிடத்தக்கது.

Water loot by Pepsi

Water loot

அது மட்டும் அல்லாமல், கனிம வளங்கள், இந்திய தரகு முதலாளிகளான, மிட்டல் சகோதரர்கள், அம்பானி சகோதரர்கள், அதானி, மற்றும் குறுந்தரகு முதலாளிகளுக்கும், முறை கேடான வகையில் விற்பனை செய்யப்படுவதுடன், வெளி நாட்டில் இருந்து போலி பெயர்களில் இயங்கும் பல்தேசிய நிறுவங்களுக்கும் விற்பனை செய்யப்பட்டு, மக்களுக்கு சேர வேண்டிய வளங்கள் சூறையாடப்படுவதுடன், வளங்கள் முறையான அளவுகளில் அகழப்படாது, ஆய்வாளர்களால், முறையாக குறிப்பிடப்பட்ட அளவுக்கும் அதிகமா,க அகழப்பட்டு சூழல் மாசுபடுத்தப்பட்டும் வருகின்றமை குறிப்பிடத்தக்கது. ( இந்தியாவின் இராஜஸ்தான் மாநிலத்தில், மக்களின் எதிர்ப்பையும் பொருட்படுத்தாது, போலி பல் தேசிய நிறுவனத்தின் வளக்கொள்ளைக்கு அனுமதி அளித்த இராஜஸ்தான் மாநில அரசு தொடர்பான செய்திக்குறிப்புக்கு இங்கே சொடுக்கவும். ) அது மட்டும் அல்லாமல் “Nestle” எனும் நிறுவனத்தால், அமெரிக்காவில் கலிபோர்னியா மாநிலத்தின் நீர்வளம், அந்நிறுவனத்தின் தேவைக்காக, வழங்கப்பட்ட அனுமதிக்கும் மாறாக, முற்றாக உறிஞ்சப்பட்டு, அம்மாநிலத்தில் வறட்சி நிலை ஏற்படுத்தப்பட்டதும் குறிப்பிடத்தக்கது. ( இது தொடர்பான கட்டுரையினை வாசிக்க இங்கே சொடுக்கவும். ) இதே போன்று, இலங்கையின் வெரிவேலியா எனும் இடத்தில், தம்மிக பெரேரா எனும் வியாபர முதலைக்கு சொந்தமான, பல்தேசிய நிறுவனம் ஒன்றினால், நீர் வளம் மாசடைய செய்யப்பட்டது என்பதுடன், அதனை எதிர்த்து போராடிய மக்களை, அரச படைகள் சுட்டு கொன்றதும் ( இது தொடர்பான கட்டுரையினை வாசிக்க இங்கே சொடுக்கவும். ), அண்மையில் அம்பாந்தோட்டை பகுதியில், நீர் வசதி கேட்டு போராடிய மக்கள் மீது, தடியடி நடத்தப்பட்டமையும் குறிப்பிடத்தக்கது. அதுமட்டும் அல்லாது ( இது தொடர்பான கட்டுரையினை வாசிக்க இங்கே சொடுக்கவும். ), அண்மையில் இலங்கையின் நீர்த்தேவைக்கு பயன்படும் களனி கங்கை, இன்னுமொரு பல்தேசிய நிறுவனமான கோக்கா கோலா நிறுவனத்திலிருந்து வெளியேற்றப்பட்ட கழிவுகளால் மாசடைய செய்யப்பட்டது என்பதுடன்( இது தொடர்பான கட்டுரையினை வாசிக்க இங்கே சொடுக்கவும். ), இலங்கையின் வட பகுதியின் நிலத்தடி நீர் வளம், நிராஜ் தேவாவின் நிறுவனமான எம்.ரி.டி வோக்கர்ஸ் நிறுவனத்தில் இருந்து வெளியேற்றப்பட்ட எண்ணெய் கழிவினால் மாசடைய செய்யப்பட்டதும் குறிப்பிடத்தக்கது( இது தொடர்பான கட்டுரையினை வாசிக்க இங்கே சொடுக்கவும். ). அத்துடன் இந்நிறுவனங்கள் மீதான வழக்குகளை அரசுகள் நிறுவனங்களிற்கு சார்பாக கிடப்பில் போடுவதுடன், குற்றவாளிகளான இந்நிறுவனத்தின் உரிமையாளர்களை, ஒரு போதும் தண்டித்ததும் இல்லை, என்பதும் குறிப்பிடத்தக்கது. அத்துடன், அரசுகள், இந்நிறுவனங்களின் பணம் சம்பாதிக்கும் பேராசைக்கு அமைய, நீரை முற்றிலும் உறிஞ்சுவதற்கு அனுமதி வழங்குவதுடன், மக்களின் அத்தியாவசிய தேவையான நீர்வளத்தினை, மக்களின் தேவையினை பொருட்படுத்தாது, விற்பனை செய்யும் ஒப்பந்தங்களை கைச்சாத்திட்டு, விற்பனை செய்து வருவதும் குறிப்பிடத்தக்கது. இவ்வாறான சம்பவங்கள், தற்போது உலகெங்கும் பல்தேசிய நிறுவனங்களின் துணை கொண்டே, ஆட்சிகள் நடைபெறுகின்றன என்பதினை எடுத்துக்காட்டுகின்றன

பல் தேசிய நிறுவன‌ங்களின் வள கொள்ளைகள், உழைப்பு சுரண்டல்கள், அவற்றினால் ஏற்படுத்தப்படும் சூழலியல் அழிவுகளுக்கு எதிராக போராடுவதுடன், அவற்றிற்கு பின்னால் இயங்கும் சதிகாரார்கள், அவற்றிற்கு சார்பாக இயங்கும் தன்னார்வ நிறுவன‌ங்கள் மற்றும், அவற்றிற்கு சார்பாக இயங்கும் அரச அதிகாரிகளை, அம்பலப்படுத்துவதன் ஊடாக, அனைவரும் ஒன்றிணைந்து போராட முன் வரவேண்டும். தொடர்ந்தும் பல்தேசிய நிறுவனங்களினால், மக்கள் பாதிப்படைந்து கொண்டிருக்கையில், உலக நாடுகள் எங்கும் உள்ள ஆர்வலர்கள், அமைதியுடன் வேடிக்கை பார்ப்பது, கவலைக்குரியது என்பதுடன், வழமையான துறை சார் பணிகளுடன் கூடிய அமைப்புக்கள், உலக நாடுகள் எங்கும், மீண்டும் கட்டியெழுப்பப்படவேண்டும் என்பதுடன், தம்மை தாமே ஆளும் வகையில், அரசினை கட்டியெழுப்ப, அனைத்து மக்களும் முன்னின்று உழைக்க முன்வரவேண்டும், என்றும் கோரி நிற்கிறோம். இன்னமும் தாமதிக்க, உலகில் உள்ள‌ அனைத்து பிரதேசங்களும், வாழ்வதற்கு ஒவ்வாத பிரதேசங்களாக, மாற்றப்பட்டு விடும் என்பதில், சற்றும் ஐயம் இல்லை என்பதுடன், இக்கட்டுரையின் உண்மை நோக்கம் அறிந்து, மக்கள் அனைவரும் சாதி, மத, நிற, இன, மொழி, தேச வேறுபாடுகளை களைந்து, இணைந்து செயற்பட்டு, இவ்வாறான‌ பல் தேசிய நிறுவனங்களினை முற்றிலுமாக‌ கருவறுக்க போராடுவதுடன், உங்கள் உரிமைகளை வென்றெடுக்க போராட முன்வரவேண்டும்.

-தெனீசன்

முதலாளித்துவமும் மாக்களும்…: தமிழாக்கம் – செங்கோடன்

இன்றைய சமுதாயத்தின் இழி நிலமையினை, முதலாளித்துவ நிறுவனங்களில் வேலை செய்து, பின்னர் முதலாளித்துவ நிறுவனங்களினால், தனது மற்றும் மக்களின் இரத்தம் உறிஞ்சப்ப‌டுகின்றது என்கிற அப்பட்டமான உண்மை நிலை கண்டு வருந்தி, அந்நிறுவனங்களுக்காக வேலை செய்வதை நிறுத்தி, சுய தொழில் செய்து பிழைத்து வரும் ஓவியரான ஸ்டீவ் கட்ஸ், தனது கைவண்ணத்தில் ஒளிப்படமாக வரைந்து வெளியிட்டு வருகின்றார். அவர் வரைந்த ஓவியங்களில் சில……..

recycling

the-trap

rat-race

monday

santa

fatcat

shutupnbuy

circleoflife

dinnerisserved

evolution

jessandroger

theking

dailybullshit

அவர் வரைந்த ஒளிப்படங்கள், “முதலாளித்துவ நிறுவனங்களின் பேராசை, அந்நிறுவன முதலாளிகளின் பேராசை காரணமாக அழிக்கப்படும்,அசுத்தப்படுத்தப்படும் பூமி, உலர் உணவு என்கிற பெயரில் மனிதர்கள் உட்கொள்ளும் நச்சு மிக்க, போசாக்கற்ற, வீண் உணவு பண்டங்கள், மிருகங்களை வதைத்து கொன்று தயாரிக்கப்படும் புலால் உணவுப்பொருட்கள், முதலாளித்துவ ( ஆயுத வியாபாரிகளால் ) நிறுவனங்களால் பக்கச்சார்பாக இயக்கப்படும் வானொலிகள், தொலைக்காட்சிகள், அவை தரும் போலி செய்திகள், அவர்களால் இயக்கப்படும் போலி அரசியல்வாதிகள், அவர்கள் கூறும் போலி வார்த்தைகளை மற்றும் அவ்வகையான போலி ஊடகங்கள் ஒலி, ஒளிபரப்புவனவற்றை பகுத்து ஆராயாமல் சக மனிதர்களை வெறுத்து ஒதுக்கும் சுய சிந்தனையற்ற மனிதர்கள், சமுதாயத்தை சீரழிக்கும் நிகழ்ச்சிகள், அவற்றிற்கு அடிமையான இன்றைய இளைய சமுதாயம், முதலாளித்துவத்தால் இயக்கப்படும் சூதட்டங்களுக்கு அடிமையான மக்கள், முதலாளித்துவ நிறுவனங்களுக்காகவும் அவை உற்பத்தி செய்யும் போகப்பொருட்களை வாங்குவதற்காகவும், அடிமைகள் போன்று வேலை வேலை என்று வேலைப்பழு காரணமாக‌ தமது பெறுமதி மிக்க வாழ் நாட்களை வீணடிக்கும் மனிதர்கள், ” போன்ற கருத்துக்களை விளக்கும் வகையில் கட்டியம் கூறி நிற்கின்றன. அவருடைய இணையதளத்திற்கு செல்ல இந்த இணைப்பை அழுத்துங்கள்… http://www.stevecutts.com/

மனிதர்களாகிய நாம், இக்கேடு கெட்ட முதலாளித்துவம் கொண்டு இயக்கும் போலி இயந்திரமயமான உலகில் இருந்தும், அவர்கள் தரும் போலி இன்பங்களை தரும் போக பொருட்களில் மேல் உள்ள இச்சைகளில் இருந்தும் எம்மை விடுவித்து, இயற்கை அன்னையுடன் ஒன்றிய வாழ்வை வாழ்ந்து, நாம் பிறந்த இவ் வாழ்வின் உன்னத பயனை அடைவோம். இயற்கையுடன் ஒன்றிய வாழ்வை நாம் வாழும் போது, நாமே எமக்கு தேவையான மிகவும் சத்துள்ள இயற்கை உணவுப் பொருட்களையும், இயற்கை குடிபானங்களையும், விவசாயம் ( இயந்திர வாழ்வுடன் ஒப்பிடும் போது விவசாயிகளுக்கு போதிய அளவு ஓய்வு நேரம் கிடக்கிறது. ) செய்து உற்பத்தி செய்யக்கூடியதாக இருப்பது மட்டும் அன்றி, எஞ்சி இருக்கும் மீதி நேரங்களில், சமுதாயத்துடன் இணைந்து செயற்படவும், சமூக சேவைகள் செய்ய முடியுமாக இருப்பது மட்டும் அன்றி, இயற்கை வாழ்வியலை பற்றி ஆராய்ந்து அறியக்கூடியதாகவும் இருக்கிறது. முதலாளித்துவ நிறுவனங்களால் விற்கப்படும் நச்சு மிக்க உலர் உணவுப்பொருட்களையும், குளிர் பானங்களையும் வாங்கி எமது உடல் நலத்தை கெடுத்து முதலாளித்துவத்தை ஊக்குவிக்காது, நாம் எமக்கு தேவையான உணவுப்பொருட்களையும், இயற்கை குடிபானங்களையும், விவசாயிகள் கூடி விற்கும் சந்தைகளிற்கு சென்று நியாயமான விலை கொடுத்து வாங்கி, விவசாயத்தையும், விவசாயிகளையும் மேலும் ஊக்குவிப்பதோடு, எம்மை வேரோடு அழிக்கும் முதலாளித்துவத்தை வேரோடு சாய்ப்போம். விவசாயத்தை அழிக்கும் முதலாளித்துவ விவசாயமான GMOஇனை அழிக்க, விவசாயிகளுக்கு தோள் கொடுப்பது மட்டும் அன்றி, இயற்கை கிருமி நாசினிகளையும், இயற்கை பசளைகளையும் விவசாயிகள் பயன்படுத்துவதை ஊக்குவிப்போம்.

vivasaayam

“உயிர்களிடத்திலும், இயற்கை அன்னையிடத்திலும் அன்பு செலுத்துவோம்.”

தமிழாக்கம் – செங்கோடன்