யூத வம்சத்தில், இய்ரேலில் பிறந்த ஏசு நாதரை இறைவனின் குமாரனாக ஏற்றுக்கொண்ட யூதர்களே கிறித்துவத்தை ஐரோப்பாவிற்கு கொண்டு வந்தார்கள். இதன் காரணமாகவே யேர்மனியர்கள் கிறித்துவத்தைத் தழுவ வேண்டிய நிலை ஏற்பட்டது. மற்றைய யூதர்கள் ரோமானிய பேரரசின் படைகளால் சிதறடிக்கப்பட்டதன் விளைவாக உலகெங்கும் சிந்தப்பட்டு, வாழ்ந்து வருகிறார்கள். இப்படியாக யேர்மனியில் வாழ்ந்த அப்பாவிகளே கொல்லப்பட்டார்கள்.
இப்படியான கற்கையுடனும் துணை ஆவணங்களுடனும் மீண்டும் இலங்கையில் அநகாரிக தர்மபால வந்திறங்குகின்றார். வந்திறங்கிய அவர் துரித கதியில் சிங்கள தேசியவாதத்தை தமிழ் இனத்தை அழிக்கும் சிங்கள பௌத்த பயங்கரவாதமாக தொடர்ந்து இயங்கும் சக்தியாக மாற்றுகின்றார். அதாவது இன்றும் என்றும் தழிழர்களை இலங்கையில் இருந்து அழித்தல் மற்றும் வெளியேற்றல் என்பதாகும்.
யூதர்கள் ரோமானிய பேரரசின் படைகளால் சிதறடிக்கப்பட்டதன் விளைவாக ஐரோப்பாவில் குடியேறினார்கள். இந்தியாவில் ஏற்பட்ட இந்து ஆதிக்கம் காரணமாக காரணமாக பல பாகங்களில் இருந்து பௌத்தர்கள் இலங்கையில் வந்து குடியேறி மதத்தால் ஒருங்கிணைந்து சிங்களவர்களானார்கள் யூதக் கிறித்தவர்களே யேர்மனியர்களுக்கு கிறித்தவம் கிடைக்கும் படியாகச் செய்தார்கள். இந்திய தழிழ் பௌத்த துறவிகள் இலங்கையில் பௌத்தம் அழியாது பாதுகாத்து வந்தார்கள். யாருடைய நூல் யேர்மனிய நாசிப்படையை உருவாக்கி இனவழிப்பைச் செய்ததோ, அவரின் பாசறையிலிருந்து நேரடியாக கிளம்பிய சிங்கள பௌத்த இனவாத பூதம் தழிழ் மக்கள் மீதான இனவழிப்பை இன்று வரை மிக நிதானமாகவும், நேர்த்தியாகவும் செய்து வருகிறது.
இதிலிருந்து தமிழர்களாகிய நாம் யூதர்கள் இனவழிப்புக்குள்ளான தினத்தை நினைவு கூருவது மட்டுமல்லாது, அவர்களையும் எமது துயரில் பங்கு கொள்ள வைக்க வேண்டும். யூதர்கள் மத்தியிலுள்ள முற்போக்கு ஜனநாயக சக்திகளுக்குப் புதிய இனப்படுகொலைகளின் கோரம் குறித்து புரியவைக்க வேண்டும். மற்றும் இனவழிப்புக்குள்ளான அனைத்து இனங்களின் துயரில் பங்கு கொண்டு மனித நேயத்துடன் வாழ வேண்டும்.