ஐங்கரநேசனின் மற்றுமொரு ‘தேசிய’ ஊழல்!

தமிழ்த் தேசியத்தின் பெயரால் யாழ்பாணத்தில் நடக்கும் வியாபாரத்தில் முன்னணி வகிப்பவர்கள் முதலமைச்சர் விக்னேஸ்வரனும் அவரது குழாமும் என்பது பலரதும் கணிப்பு. இரணைமடு நீரை யாழ்ப்பாணத்திற்குக் கொண்டு செல்லும் திட்டத்தை தமிழ்த் தேசியத்தின் பெயரால் எதிர்த்துவந்த வடமாகாண விவசாய அமைச்சர் ஐங்கரனேசன் (அய்யா) கடல் நீரை நன்னீராக்கும் திட்டத்தை அறிமுகப்படுத்த முற்பட்டார்.

இத்திட்டத்தால் மீன் வளம் பாதிக்கப்படும் என வடக்கு மீனவர் சங்கங்கள் சில எதிர்ப்புத் தெரிவித்துவந்தன.

இதனை எதிர்கொள்ளும் வகையில் மீனவர்களே இல்லாத மீனவர் சங்கம் ஒன்றை வட மாகாணசபை விவசாய அமைச்சர் தோற்றுவித்துள்ளார்.

அந்த மீனவர் சங்கம் கடல் நீரை நன்னீராக்கும் திட்டத்திற்கு ஆதரவளித்துள்ளது.

இதற்கு முன்னர் சுன்னாகம் அனல் மின்னிலயைத்த நடத்தி யாழ்ப்பாணத்தின் ஒரு பகுதிய நஞ்சாக்கிய நிறுவனத்தைப் பாதுகாக்கும் நோக்குடன் போலி நிபுணர் குழு ஒன்றை வட மாகாண சபை உருவாக்கியது. அந்த நிபுணர் குழு இன்று காணாமல் போய்விட்டது.

ஊழல்கள் வாக்குப் பொறுக்கும் அரசியல் வழமையானதே. ஆனால் தேசியத்தின் பெயரால் புலம்பெயர் பிழைப்புவாதிகளுடன் அழிவுகளை நிகழ்த்துவது வடம்காண சபைக்குக் கைவந்த கலை!