அவர்களிடம், சிறிலங்கா இராணுவத்திடம் இருந்தளவுக்கு சமமாக ஆட்டிலறிகளும், மோட்டார்களும் இருந்தன. சிறிலங்கா இராணுவத்தை விடவும் அதிகமாகவும் இருந்தன. அவர்களின் ஆட்டிலறிகள் எமக்கு பெரும் சேதங்களை ஏற்படுத்தின. அமெரிக்க செய்மதி தொழில்நுட்பம், புலிகளின் ஆயுதக்கப்பல்கள் இருக்கும் இடத்தை கண்டறிய, சிறிலங்கா கடற்படையால் அவற்றைத் தேடிச் சென்று தாக்க முடிந்தது. சிறிலங்கா பெரும்பாலான ஆயுதங்களை இஸ்ரேலில் இருந்தும், பாகிஸ்தானிடம் இருந்துமே கொள்வனவு செய்தது என அவர் குறிப்பிட்டுள்ளார்.
இனக்கொலையாளி கோத்தாபயவின் இந்தக் கூற்றிற்கு அமரிக்கத் தரப்பிலிருந்து எந்த மறுப்பும் வெளியிடப்படவில்லை. இதுவரைக்கும் தமிழ் இனவாதிகள் அமரிக்கா எங்களை இரட்சிக்கும் எனவும், அதன் அடியாள் படை போல தொழிற்படும் ஐ.நா ராஜபக்சவைத் தண்ட்டிக்கும் என்று மக்களை ஏமாற்றி வந்துள்ளனர். உலக மக்களிலிருந்து ஈழத் தமிழர்களை அன்னியப்படுத்தவும் அமரிக்க அரச பயங்கரவாதத்திற்கு போராட்டத்தைக் காட்டிக்கொடுக்கவும் ஈழ மக்களைப் போராடாமல் இந்திய மற்றும் புலம் பெயர் இனவாதிகள் இனவழிப்பிற்குத் துணை போன அமரிக்காவையே நம்பக் கோரினர்.
அதிகார வர்க்கத்தை காக்காய் பிடித்து குறுக்கு வழிகளில் விடுதலை பெற்றுத் தருவதாகக் கூறுவதை இவர்கள் நிறுத்திக்கொள்ள வேண்டும்.