ஆயிரக்கணக்கான புலிப் போராளிகளும் மக்களும் சிறைகள் என்ற சித்திரவதைக் கூடங்களில் அடைத்து வைக்கப்பட்டிருக்கும் போது, எண்ணுக்கணக்கற்றோர் எங்கே என்று தெரியாத நிலையில் தமிழினி, தயா மாஸ்டர், கே.பி ஆகியோர் வடமாகாணத் தேர்தலில் போட்டியிடப்போவதாக இலங்கையிலிருந்து வெளியாகும் டெய்லி மிரர் என்ற ஆங்கிலப்பத்திரிகை செய்தி வெளியிட்டுள்ளது. சயனைட் தற்கொலைக் கலாச்சாரத்தில் வளர்ந்தாகக் கூறும் இந்தப் பிழைப்புவாதிகள் இன்று இலங்கை அரசின் இனச் சுத்திகரிப்பிற்குக் கருவிகளாகப் பயன்படுகின்றனர்.
புலிகள் இயக்கத்திற்கு பொதுமக்கள் வழங்கிய மில்லியன்களைப் பதுக்கி வைத்திருக்கும் புலம் பெயர்ந்தவர்கள் மற்றும் இலங்கையில் அரசோடு இணைந்து கொள்ளும் அதன் முக்கிய தலைவர்கள் போன்றோரோடு இன்னொரு பாசிச துணை அமைப்பு தோன்றியுள்ளது. நாளாந்தம் சிங்களக் குடியேற்றங்கள் பல்தேசிய நிறுவனங்களுக்கு அரணாகத் தமிழ்ப் பகுதிகளில் முளைக்கும் ஒரு இக்கட்டான காலத்தில் அரசியல் வியாபாரிகள் தமது விற்பனையை தங்குதடையின்றி நடத்துகின்றனர்.
