உலகின் மிகப்பெரும் அணு உலை எதிர்ப்புப் போராட்டம் : உலக மக்கள் ஆதரவு

உலகின் மிகப்பெரும் அணு உலை எதிர்ப்புப் போராட்டம் கூடங்குளத்தில் ஜெயலலிதா அரச போலிஸ் படைகளால் தாக்குதலுக்கு உள்ளாகின்றது. மக்கள் பாதிக்கப்படுவதை சகிக்கமுடியாமல் உதயகுமார் சரணடையத் தயார் என அறிவித்தார். இடிந்தகரை வந்த உதயகுமாரை கூடியிருந்த மக்கள் கைதாகக் கூடாது என மறுத்துள்ளனர். இந்திய, தமிழக அரசுகள் மக்களின் உணர்வுகளை மதிக்காமல் அணு உலையைத் திறக்க, ஆயுதப்படையை இறக்கி கொடுமைபடுத்துகின்றனர்.
அணு உலைக்கு எதிராக உலகம் முழுவதும் இதுவரை நடைபெற்ற எழுச்சிகளில் கூடங்குளம் மக்கள் போராட்டம் மிகப் பெரியது. இது இப்போது கூடங்குளம் மக்களின் பிரச்சனை மட்டுமல்ல. இந்திய மக்களின் பிரச்சனை. இலங்கை மக்களின் பிரச்சனை. தெற்காசிய மக்களின் உரிமைப்போராட்டம். ஆக, மக்கள் இப்போது உதயகுமார் சரணடைவதற்கு அனுமதிக்கவில்லை. தவிர, தமிழகம் முழுவதும் மக்கள் கலை இலக்கியக் கழகம் உட்பட பல்வேறு கட்சிகள் இடிந்தகரை மக்களின் போராட்டத்திற்கு ஆதரவாக ஆர்ப்பாட்டங்களை நடத்தியுள்ளன.