இல்லை : நோர்வே நக்கீரா 

கந்தகக்காற்று கலையவில்லை

வைத்த குண்டுகள் வெடிக்கவில்லை

விழுந்த குண்டுகளும் சிதறவில்லை
காலனின் காத்திருப்பு தொடர்கிறது…!

ஒடிய உதிரங்கள் உலரவில்லை
செம்மண் கழிவோயிலால்
இன்னும் கறுக்கவில்லை
ஐ.நாவில்
உதிரத்தை மறைக்க
கழிவெண்ணையால் முடியவில்லை
உலகம் எம்நிலையையும் உணரவில்லை

கழிவெண்ணை நீரை
குடித்தும்….குளித்தும்
தமிழன் இன்னும் அழியவில்லை
வடக்குக்கிழக்கில் அரசமரங்களின் கீழ்
செத்துச்சமாதியான புத்தனைப் புதைக்க
அரசின் அரக்கபடையால் முடியவில்லை
அங்கே மனிதரில்லை…மனிதமில்லை!!

தம்பியின் கதைகேட்டு கிட்லர் எகிறுகிறான்
“யாரடா என்பெயரைக் கெடுத்தவன்”
சுனாமியுடன் புதிய கிட்லருக்காய்
காத்துக்கிடக்கிறது இலங்கை.