இன்டர்போல் தேடும் கே.பி இலங்கையில் சுதந்திர மனிதர் : இலங்கை அரசு

தமிழிழ விடுதலைப் புலிகளின் முன்னை நாள் சர்வதேசப் பொறுப்பாளரும், இலங்கை அரச உளவாளியும், ஆயுதக் கடத்தல்காரரும், சர்வதேச போலிஸ் எனத் தன்னை அழைத்துக்கொள்ளும் இன்ரர் போல் நிறுவனத்தால் தேடப்படுபவருமான கே.பி என்ற குமரன் பத்மனாதன் சுதந்திர மனிதர் என்று இலங்கை அரசு அறிவித்துள்ளது.குமரன் பத்மநாதன் அரசாங்க வீடொன்றில் தங்கவில்லை எனவும் அவர் கிளிநொச்சி, மதவாச்சி உள்ளிட்ட பல இடங்களுக்கு சுதந்திரமாக செல்வதாகவும் ஆளும் கட்சியின் பிரதம கொறடா தினேஷ் குணவர்தன தெரிவித்துள்ளார்.
ஆயிரக்கணக்கான போராளிகளை சிறைகளில் அடைத்துச் சித்திரவதை செய்யும் போது கே.பி சுதந்திரமாக உலாவருவதாக இலங்கை அரசு அறிவிக்க இன்டர்போல் நிறுவனம் அண்ணார்ந்து பார்த்துக்கொண்டிருக்கிறது.

கே.பி ஐ மலேசியாவில் கைதுசெய்து இலங்கைக்குக் கொண்டுசெல்லப்பட்டதாக நடத்தப்பட்ட நாடகத்தின் பின்னணியில் உலகப் போலிசுக்கும் தொடர்பிருந்ததா என்ற சந்தேகங்கள் வலுவடைகின்றன.

கே.பி ஐ துரோகி என என்றும் பிரித்தானியா போன்ற நாடுகளை தமது இரட்சகர்கள் என்றும் அன்னிய தேசியம் பேசும் புலிசார் புலம்பெயர் அமைப்புக்கள் கே..பி ஐ இன்டர்போல் கைதுசெய்யக் கோரி இதுவரை முறைப்பாடுகள் கூடச் செய்ததில்லை.