2009 ஆம் ஆண்டு வெளியான விக்கிலீக்ஸ் கேபிள் ஒன்றில் அமெரிக்கத் தூதரகம் தமிழ்த் தேசியக் கூட்டமைப்பின் தலைவர் சம்பந்தன் குறித்து வாசிங்கடனுக்கு அனுப்பிய மின்னஞ்சலில் குறிப்பிட்ட செய்தி நினைவுகூரத் தக்கது. சம்பந்தன், பணத்தைப் பெற்றுக்கொள்வதிலேயே எப்போதும் குறியாக இருப்பார் எனக் குறிப்பிடும் மின்னஞ்சலின் தலையங்கம் Show my money என்று குறிப்பிடப்பட்டிருந்து. கொழும்பு ரெலிகிராப் இத்தகவலை விக்கிலீக்ஸ் இலிருந்து பெற்று வெளியிட்டிருந்தது. பண பேரத்திற்காகவே ஜனாதிபதித் தேர்தலில் எந்த முடிவும் எடுக்காமல் காலம் தாழ்த்திக்கொண்டிருப்பதாக அத் தகவல் மேலும் தெரிவித்தது.
இதுவரை முடிவெடுக்காத ஒரே கட்சி தமிழ்த் தேசியக் கூட்டமைப்பு என்ற வகையில் பண பேரம் திரை மறைவில் இடம்பெறுகிறதா என்ற கேள்விகள் எழுகின்றன. இறுதிக்கட்டத்தில் பாராளுமன்ற உறுப்பினர்களி விற்பனைப் பெறுமானம் அதிகரிக்கும் என்பதை ‘சாணக்கியன் சம்பந்தன்’ உறுதியாக அறிந்து வைத்திருப்பார்.