இனவாதத்தையும் மதவாதத்தையும் தண்டிக்கும் சட்டம் பயனுள்ளதா?

இனவாதம், மதவாதம் பேசினாலோ, எழுதினாலோ இரண்டு வருடம் சிறைதண்டனை என்று குற்றவியல் சட்டக்கோவையில் திருத்தம் கொண்டு வர இலங்கை அமைச்சரவை முடிவு செய்துள்ளது. பெருந்தேசிய ஒடுக்குமுறை லட்சம் லட்சமாய் உயிர்களைக் கொன்றுபோடும் ஒரு நாட்டில் இனவாதம் அரசியல் யாப்பின் ஒடு பகுதியாக உள்ளது. தேசிய இன ஒடுக்குமுறை இலங்கை அரசியலின் பிரிக்க முடியாத பகுதியாகியுள்ளது. ஆக, இனவாத்மும் மதவாதமும் நிறுவனமயப்படுத்தப்பட்டுள்ளது அரச தரப்பிலேயே.

இலங்கையில் ஆறாம் திருத்தச்சட்டத்தின் அடிப்படையில் பிரிவினை கோருவது தடைசெய்யப்பட்டுள்ளது. அதனைப் பயன்படுத்தி பிரிந்து செல்லும் உரிமையைத் தடை செய்ய அரசு முயல்கிறது. அதே போன்று இனவாதம், மத வாதத்திற்கு எதிரான சட்டங்களைப் பயன்படுத்தி சிறுபான்மைத் தேசிய இனங்களின் அடைப்படைக் கோரிகைகளை இலங்கை அரச பேரினவாதிகள் இனவாதமாகவும் மதவாதமாகவும் உரு மாற்ற முனையலாம். இனவாத்ததை அழிக்க விரும்பினால் சிறுபான்மைத் தேசிய இனங்களில் சுய நிர்ணைய உரிமையை அங்கீகரிப்பதிலிருந்தே ஆரம்பிக்கலாம்.