சட்டீஸ்கரில் மாவோயிஸ்டுகளுடன் பாதுகாப்பு படையினர் நடத்திய துப்பாக்கிச் சண்டையில் 9 மாவோயிஸ்டுகள் சுட்டுக்கொல்லப்பட்டனர்.
சட்டீஸ்கரின் தாண்டேவடா மாவட்டத்தில் உள்ள ஜாகர்குந்தா வனப்பகுதியில் மாவோயிஸ்டுகள் சிலர் பதுங்கி இருப்பதாக கிடைத்த ரகசிய தகவலையடுத்து, மத்திய ரிசர்வ் காவல் படையினர் மற்றும் மாநில காவல்துறையினர் ஆகியோர் இணைந்து காலை 9 மணியளவில் அப்பகுதியை முற்றுகையிட்டனர்.
இதைத்தொடர்ந்து அங்கு மறைந்திருந்த மாவோயிஸ்டுகளுடன் கடுமையான துப்பாக்கிச்சண்டை நடந்தது.
சண்டையில் உயிரிழந்த 9 மாவோயிஸ்டுகளின் உடல்கள் இதுவரை மீட்கப்பட்டுள்ளதாக தண்டேவடா காவல்துறை கண்காணிப்பாளர் தெரிவித்தார்.
தாக்குதல்களின் உண்மை நிலமை குறித்தோ, உயிரிழந்தோர் குறித்தோ நக்சல்பாரிகளிடமிருந்து இதுவரை எந்தத் தகவல்களும் வெளியாகவில்லை.