ராமேஸ்வரம்: தமிழக மீனவர்கள் 8 பேரை நடுக்கடலில் இலங்கை கடற்படை நேற்று கைது செய்திருக்கிறது.
ராமநாதபுரம் மாவட்டம் ராமேஸ்வரத்தைச் சேர்ந்த மீனவர்கள் நடுக்கடலில் மீன்பிடித்துக் கொண்டிருந்தனர். நேற்று நள்ளிரவு இந்த மீனவர்களை சுற்றி வளைத்த இலங்கைக் கடற்படையினர் விரட்டியடித்திருக்கின்றனர். தமிழக மீனவர்களின் படகுகளில் ஏறி மீன்களைக் கடலில் கொட்டி, மீன் வலைகளை அறித்து எறிந்திருக்கின்றனர். 8 பேரை கைது செய்து இலங்கைக்குக் கொண்டு சென்றிருப்பதாக இன்று காலை கரை திரும்பிய ராமேஸ்வரம் மீனவர்கள் தெரிவித்திருக்கின்றனர்.