ஒரிசாவின் ஜஜ்பூர் மாவட்டத்தில் உள்ள காட்டுப்பகுதியில் பாதுகாப்பு படையினருக்கும், மாவோயிஸ்ட் நக்சலைட்டுகளுக்கும் இடையே நடந்த தீவிரமான துப்பாக்கிச் சண்டையில் 5 மாவோயிஸ்ட்கள் பலியானதாக காவல்துறை உயரதிகாரி டி.எஸ்.குட்டி தெரிவித்துள்ளார்.
ஜஜ்பூரிலிருந்து 95 கி.மீ. தூரத்தில் உள்ள வனப்பகுதியான ராய்கட்டியில் சிறப்பு அதிரடிப்படையினரும், மாநிலக் காவல்துறையினர் மீதும் மாவோயிஸ்ட்கள் துப்பாக்கிச் சூடு நடத்தினர்.
இந்தத் துப்பாகிச் சண்டை சுமார் 6 மணிநேரங்கள் நடைபெற்றதாகக் கூறிய குட்டி இதில் 5 மாவோயிஸ்ட்கள் சுட்டுக்கொல்லப்பட்டனர் என்று தெரிவித்தார்.