இலங்கையில் மீண்டும் தமது நடவடிக்கைகளை ஆரம்பிக்க விடுதலைப்புலிகள் அமைப்பு செயற்பாடுகளை முன்னெடுத்து வருவதாக யூரோபோல் என்ற ஐரோப்பிய காவற்துறையின் தலைவரான ரொட் வென்ரயிட் இலங்கை அரசாங்கத்திற்கு தெரியப்படுத்தியுள்ளதாக திவயின தெரிவித்துள்ளது. நிதி சேகரித்தல், கப்பம் பெறுதல், போதைப் பொருள் கடத்தல், சட்டவிரோத பணபறிமாற்றங்கள் இடம்பெற்று வருவதாகவும் அவர் கூறியுள்ளார். விடுதலைப்புலிகளின் 5 செயற்பாட்;டாளர்கள் கைதுசெய்யப்பட்டு, அவர்களிடம் மேற்கொள்ளப்பட்ட ரகசிய விசாரணைகளின் பின்னரே, யூரோபோல் தலைவர் இந்த தகவல்களை வெளியிட்டுள்ளதாகவும் திவயின கூறியுள்ளது.
தமிழீழ விடுதலைப் புலிகளின் ஒரு பகுதி இலங்கை அரசோடும் பெரும்பாலான போரளிகள் இலங்கை அரசின் வதை முகாம்களிலும், கண்காணிப்புக்குள்ளும் வதைக்கப்படும் நிலையில் இவ்வாறான செய்திகளை பேரினவாத ஊடகங்கள் திட்டிமிட்டு வெளியிடுகின்றன. இலங்கையைச் சுற்றிக் கழுகள் போன்று சுற்றும் இந்திய சீன அமரிக்க ஐரோப்பிய அரசுகள் இவ்வாறான பரப்புரைகளை ஊக்கப்படுத்துகின்றன.