வருடத்தின் புதுமை வாலிபத்தின் பழைமை : கோவை மு. சரளாதேவி

வருடம் புதிது
வசந்தம் புதிது
வரவேற்பும் புதிது – என்
வாலிபம் மட்டும் பழையது
 
வருடத்தை வரவேற்கவில்லை நான்
என் மரணத்தை வரவேற்கிறேன்
வற்றி போன சதைகளையும்
சுண்டிப்போன ரத்தத்தையும்
சுமந்துகொண்டிருக்கும்
 
வக்கிர மனங்களை கொண்ட
இந்த மலக்கூடை கழட்டி
காற்றில் கரைத்துவிடும்
காலத்தை எதிர்நோக்கி
காத்துகொண்டு இருக்கிறேன்
 
கருவறையும் கல்லறையகிவிட்டதால்
கல்லறையில் இளைப்பாற
இடம்தேடிகொண்டிருகிறேன்
இயல்பில் பிறழ்ந்து கொண்டிருக்கிறேன்