வடக்கில் ஈ.பி.டி.பி இன் மண் வியாபாரம் : அழியும் நிலம்

காங்கேசந்துறை மற்றும்  காரைநகர் கடற்பரப்பிலிரிந்து மண் அகழும் குழுவினர் இதனை வடக்கில் கட்டுமானப்பணிகளுக்கு விற்பனை செய்து பெரும் இலாபம் ஈட்டிவருவதாக அங்கிருந்து கிடைக்கும் தகவல் ஒன்று தெரிவிக்கின்றது. இன்று மில்லியன்கள் புரளும் இந்த வியாபாரத்தால் கடலரிப்புக்கள் ஏற்படவும் கடல்நீர் உட்செலுத்தப்படவும் வழிசெய்யும் என்ற அச்சம் சமூக உணர்வுள்ளோர் மத்தியில் பலமாக ஏற்பட்டுள்ளது. மகேஸ்வரி நிதியம் என்ற பெயரில் ஈ.பி.டி.பி குழுவினரால் ஆரம்பிக்கப்பட்ட இந்த அகழ்வு வியாபாரம் இன்று அவர்களின் தனி ஆதிக்கத்தின் கீழ் காணப்படுகின்றது.
வடக்கின் அதிகாரம் இந்தக் குழுவினர் கைவசம் இருப்பதால் மண் அகழ்வு வியாபாரம் ஏற்படுத்தும் பாதிப்புக்கள் குறித்து மக்கள் சார்ந்த இயக்கங்கள் பேசமுடியாத நிலையே காணப்படுவதாக அங்கிருந்து கிடைக்கும் தகவல் கூறிகின்றது.