ராஜபக்ச பாசிசம் : முஸ்லீம்கள் மீதான கலாச்சார ஒடுக்குமுறை

இலங்கை அரசு பாதுகாப்பு என்ற தலையங்கத்தில் இலங்கை முழுவதும் சிங்கள பௌத்த மேலதிக்கத்தை நிறுவி வருகிறது. சிறுபான்மைத் தேசிய இனங்கள் மீதான கல்காச்சார ஒடுக்கு முறையின் ஒரு பகுதியாக முஸ்லீம்களின் தொப்பியணிந்த படத்தை கடவுச்சீட்டு மற்றும் தேசிய அடையாள அட்டைக்குப் பயன்படுத்த பாதுகாப்பு அமைச்ச மறுத்துள்ளது.
தொப்பி அணிந்தவாறான புகைப்படம் கொண்ட தேசிய அடையாள அட்டைக்கான விண்ணப்பங்களை இத்திணைக்களம் அண்மைக்காலம் வரை ஏற்றிருந்தது. எனினும் பாதுகாப்பு காரணங்களுக்காக தொப்பியுடனான விண்ணப்பங்களை ஏற்க வேண்டாம் என பாதுகாப்பு அமைச்சினால் வழங்கப்பட்ட சுற்றுநிரூபத்தை அடுத்தே தொப்பியுடனான விண்ணப்பங்கள் நிராகரிக்கப்படுவதாக ஆட்பதிவு திணைக்கள ஆணையாளர் நாயகம் ஜகத் பி. விஜயவீர இன்று புதன்கிழமை தெரிவித்தார்.
இது தொடர்பில் நீதி அமைச்சர் ரவூப் ஹக்கீம் தனக்கு அனுப்பிய கடிதத்தை பாதுகாப்பு அமைச்சுக்கு அனுப்பி, பதிலுக்காக காத்திருப்பதாக விஜயவீர குறிப்பிட்டார்.