மோடியால் வசிகரிக்கப்பட்ட வை.கோ உம் வளர்த்துவிட்ட புலம்பெயர் தமிழ் அமைப்புக்களும்

மத்திய நிதியமைச்சர் சிதம்பரம் குறித்து பா.ஜ., பிரதமர் வேட்பாளர் நரேந்திர மோடி பேசியதற்க ம.தி.மு.க., பொதுச்செயலாளர் வைகோ பாராட்டு தெரிவித்துள்ளார்.சென்னையில் நேற்று இரவு மோடியை வைகோ சந்தித்து பேசினார். இது குறித்து ம.தி.மு.க., வெளியிட்டுள்ள செய்திக்குறிப்பில், உங்கள் குரல், அதன் தொனி, உங்களுடைய கரங்களும், முகமும் வெளிப்படுத்தும் பாவனை மக்களை வசீகரித்து விட்டது. உங்களது உரை உன்னதமானது என வைகோ கூறியதற்கு, மோடி நன்றி தெரிவித்தார். கூட்டாட்சி குறித்த உங்களது கருத்து நாட்டுக்கு மிகவும் அவசியம் என வைகோ கூறியதற்கு, தமிழகத்துக்கு இதுமுக்கியம் என மோடி பதிலளித்தார். சிதம்பரத்தை மறு வாக்கு எண்ணிக்கை மந்திரி என விமர்சனம் செய்தது ஸ்பெஷல் என வைகோ கூறினார். தமிழகத்தில் தி.மு.க., அ.தி.மு.க., என்ற பரிமாணம் என்ற மாயை உடையும் என வைகோ கூறியதற்கு, அதனை நான் எதிர்பார்ப்பதாக மோடி கூறினார் என ம.தி.மு.க., வெளியிட்டுள்ள அறிக்கையில் கூறப்பட்டுள்ளது.
நரேந்திர மோடி என்பவர் மனிதகுலத்தின் அவமானம். இந்தியர்களுக்கு மட்டுமல்ல, தமிழர்களுக்கு மட்டுமல்ல மொத்த மனிதகுலத்தினதும் அவமானச் சின்னம் நரேந்திர மோடி. ஆயிரக்கணாக இஸ்லாமியர்களை தனது தலைமையில் கொன்று குவித்து ஒரு லட்சம் முஸ்லீம்களை அகதிகளாக விரட்டியடித்த இனக்கொலையாளி மோடி. ஆ.எஸ்.எஸ் என்ற பாசிச அமைப்பின் நீண்டகால தலைமை உறுப்பினர். இந்தியாவைப் புற்றுநோய் போல அரித்துவரும் அந்த அமைப்பு 1927 ஆம் ஆண்டு ஆரம்பிக்கப்பட்டது. இத்தாலிய பாசிஸ்ட் முசலினியின் தத்துவங்களால் ஆட்கொள்ளப்பட்டு இந்த அமைப்பு தோற்றுவிக்கப்பட்டது.
வெளிப்படையாகவே ஹிட்லரை ஆதரிப்பவர்கள். ஜேர்மனியில் தனது இனத்தைத் தூய்மைப்படுத்தி உலகத்தை ஹிட்லர் அதிர்ச்சிக்கு உள்ளாக்கியது போன்று நாமும் நடந்துகொள்ளவேண்டும் என்று அவர்களின் நூலில் கூறப்பட்டுள்ளது. அந்த இந்துவ அமைப்பின் முக்கிய உறுப்ப்னரான பாசிஸ்ட் நரேந்திர மோடி குஜராத்தைத் தூய்மைபடுத்திய போதே பெண்களைப் பாலியல் வல்லுறவிற்கு உட்படுத்தி எரித்துவிடுமாறு தனது படைகளுக்கு உத்தரவிட்டார். இந்தியாவின் ராஜபக்சவான இவரின் தமிழ் நாட்டு அடியாள் வை.கோபாலசாமி. அதுவும் ஈழத் தமிழர்களின் பேரால். அவர்களது அவலங்களின் பேரால் மோடியின் அடியாளாக வேலைசெய்வதை நியாயப்படுத்துகிறார் வை.கோ.
தமிழ்ப் பேசும் மக்களின் சுய நிர்ணைய உரிமைக்கான போராட்டம் அடிப்படை ஜனநாயகத்திற்கான நியாயமான போராட்டம். இன்று வரை ஏகாதிபத்தியங்களின் அடிவருடிகளகவும், பிற்போக்காளர்களின் கைப்பிள்ளை போன்றும் ஈழப் போராட்டம் குறித்த விம்பத்தை உலக மக்களுக்கு வழங்கியவர்கள் இலங்கையில் ஒடுக்கபடும் தமிழ்ப் பேசும் மக்கள் அல்ல. வை.கோ போன்ற கேவலமான பிழைப்பு வாதிகளும் புலம் பெயர் அமைப்புக்களும் மட்டுமே. இன்றோ வை.கோ ஈழப் போராட்டத்தையும் இந்து பாசிசத்தையும் இணைத்து ஈழம் பிடிக்கப்போவதாக நாடகமாடுகிறார்.
இந்தப் பேர்வளியின் இழி செயலால் நியாயமான மக்களின் போராட்டத்திற்குக் மேலும் கறைபடிகிறது.
வை.கோ வை வளர்த்துவிட்டதில் புலம் பெயர் அமைப்புகளுக்கே பிரதான பங்குண்டு. புலம்பெயர் நாடுகளில் நடைபெறும் நிகழ்வுகளுக்கு வை.கோ சமூகமளிப்பது வழமை. வை.கோ வராவிட்டாலும் அவரது ஒலி நாடா ஒலிபபரப்படும்.
இனக்கொலையாளியின் அடியாள் வை.கோ என்ற அவமானச் சின்னத்தை நிராகரிக்கவும் தம்மை சுய விசாரணைக்கு உட்படுத்தவும் புதிய அரசியலை முன்வைக்கவும் புலம்பெயர் பிழைப்புவாத அமைப்புக்கள் தயாரில்லை.
தமிழ்ப் பேசும் மக்கள் பிழைப்புவாதிகளின் முன்னால் அரசியல் அனாதைகள் ஆக்கப்பட்டுள்ளனர் என்பதற்கு இதைவிடச் சான்றாதாரம் தேவையில்லை.
மோடியின் கரங்களில் கருகிப்போன மனிதப் பிணங்களைக் கண்டுகொள்ளாத வை.கோ, அவரின் கரங்களின் பாவனையால் வசீகரிக்கப்பட்டுள்ளாராம்.