முஸ்லீம்கள் மீது சிங்கள பெளத்த மேலாதிக்க அரசின் தாக்குதல்

இலங்கையின் மத்திய மாகாணத்தில் தம்புள்ளை நகரில் பௌத்த பிக்குகள் தலைமையிலான குழுவினர் இடிக்க வேண்டும் என்று கோரி போராட்டம் நடத்திய முஸ்லிம் பள்ளிவாசலை அங்கிருந்து அகற்ற நடவடிக்கை எடுப்பதாக இலங்கையின் பிரதமர் டிஎம் ஜயரத்ன உத்த்ரவிட்டுள்ளார்.
உடனடியாக அமுலுக்கு வரும் விதத்தில், குறித்த பகுதியிலிருந்து பள்ளிவாசலை அப்புறப்படுத்தி, அதனை வேறொரு பொருத்தமான இடத்தில் அமைப்பதற்கு நடவடிக்கை எடுக்குமாறு பிரதமர் ஜயரத்ன அதிகாரிகளுக்கு உத்தரவிட்டுள்ளதாக பிரதமர் அலுவலக முத்திரையுடன் வெளியாகியுள்ள ஊடக அறிக்கையில் சுட்டிக்காட்டபட்டுள்ளது.
இலங்கையில் சிறுபான்மை தேசிய இனங்கள் மீதான ஆக்கிரமிப்புநடவடிக்கை ஊடாகவே அரசு உயிர்வாழ்கிறது. இலங்கை அரசு முஸ்லீம் தமிழ்த் தேசிய இனத்தின் மீது தனது பாசிச ஒடுக்குமுறையைக் கட்டவிழ்த்து விட்டுள்ளைமைக்கு எதிராக அனைவரும் குரல்கொடுக்க வேண்டும்.