இந்திய மத்திய உள்துறை அமைச்சகத்தின் உள்நாட்டு பாதுகாப்பு இயக்குனர் ஆர்.கே.சுமன் என்பவர் எஞ்சியிருக்கும் புலிகளின் தலைவர்களும், உறுப்பினர்களும் மீண்டும் ஒருங்கிணைவதற்கு தமிழ் நாட்டிலும் இந்தியாவின் ஏனைய பகுதிகளிலும் முயற்சித்துவருவதாகத் தெரிவித்தார். மாவோயிஸ்ட் அமைப்புக்களின் உதவியுடன் இவர்கள் மீள் எழுச்சி பெறுவதற்கான வாய்ப்புக்கள் உள்ளதாக அவர் மேலும் தெரிவித்தார். புலிகள் அமைப்பை காரணம் காட்டி மாவோயிஸ்ட்கள் மீது குறிவைக்கும் சுமன் ஒடுக்கப்படும் தேசிய இனங்களின் நட்பு சக்தியாக மாவோயிஸ்டுகள் இருப்பதற்கான வாய்ப்புக்களைப் மக்களுக்குத் தெரியப்படுத்துகிறார். சுமனின் பொய் ஒரு தத்துவார்த் உண்மையை வெளிப்படுத்துகிறது.
இந்தியாவின் பாதுகாப்பிற்கும் இறையாண்மைக்கும் புலிகள் இன்னும் அச்சுறுத்தலாகவே இருந்து வருகின்றனர் எனத் தெரிவித்தார். இந்தியாவின் சில்லறை வணிகத்திலிருந்து எல்லா உற்பத்திகளையும் வழங்களையும் அன்னிய மூலதனத்திற்குத் தாரைவார்த்துக்கொடுக்கும் இந்திய அரசே நாட்டின் இறையாண்மைக்கும் பாதுகாப்பிற்கும் முதன்மையான அச்சுறுத்தல் என்பதை சுமன் அறிந்திருக்க வாய்ப்பில்லை.
இல்லாமல் போன புலிகள் இயக்கத்தை முன்வைத்து இந்திய உளவுத்துறையிலிருந்து இலங்கை அரச ஆதரவு லும்பன்கள் வரை நடத்தும் அரசியல் அருவருப்பானது.
