மாகாணசபையே தேவையற்றது : மகிந்தவின் கைப்பொம்மை முதல்வர்

மாகாணங்களுக்கு காவற்துறை அதிகாரங்கள் அவசியமில்லை எனவும் இலங்கை சிறிய நாடு என்பதால், மாகாண சபை ஆட்சி முறையை தாம் விரும்பவில்லை எனவும் கிழக்கு மாகாண முதலமைச்சர் அப்துல் மஜீட் தெரிவித்துள்ளார்.

வாராந்த பத்திரிகை ஒன்று வழங்கிய செவ்வியில் அவர் இதனை தெரிவித்துள்ளார். மாகாணங்களுக்கு காவற்துறை அதிகாரங்கள் வழங்கப்படக் கூடாது என்றே நான் கூறுகிறேன். கடந்த காலம் முதல் வடக்கு, கிழக்கு மாகாணங்கள் ஆளுநரின் ஆட்சியிலேயே இருந்து வந்தன. நாட்டின் ஏனைய பகுதிகளில் மாகாண சபைகள் இயங்கின.

இலங்கை என்பது சிறிய நாடு, இந்தியாவை போன்று பெரிய நாடு அல்ல. இதனால் இங்கு மாகாண சபைகள் அவசியமில்லை என்பதே எனது நிலைப்பாடு. காரணம் மாகாண சபைகள் கோராத பிரதேசங்களுக்கே அது கிடைத்தது. கொழும்பில் இருக்கும் எமக்கு எதற்கு மாகாண சபை. மாகாண சபை என்பது வெள்ளை யானை இருக்கின்றது என்று கூறும் கதை போன்றது எனவும் முதலமைச்சர் கூறியுள்ளார்.