இதன் பின்னதாக அவரின் வீடு பெற்றோல் குண்டுகளால் தாக்கப்பட்டுள்ளது. ராஜபக்ச குடும்ப சர்வாதிகாரத்தின் இராணுவ ஆட்சியின் கீழும் துணை இராணுவக் குழுக்களில் முழுமையான ஆதிக்கத்தின் கீழும் காணப்படும் காரைநகர் என்ற மிகச் சிறிய நிலப்பரப்பினுள் இத் தாக்குதலை இலங்கை இராணுவத்தையோ அல்லது துணை இராணுவக் குழுக்களையோ சார்ந்திராத யாரும் நிகழ்த்தியிருக்க முடியாது என அங்கிருந்து கிடைக்கும் தகவல்கள் தெரிவிக்கின்றன.
அதேநேரம் இந்த தாக்குதலுக்கும் தமக்கும் எவ்வித தொடர்பும் இல்லை என்று இலங்கை இராணுவம் வழமைபோல மறுத்துள்ளது. இது குறித்து சம்மந்தப்பட்டோர் புகார் கொடுத்தால் உரிய நடவடிக்கை எடுக்கப்படும் என்று இராணுவப் பேச்சாளர் தெரிவித்துள்ளார்.