மகிந்த ராஜபக்ச என்ற இனவாதி இன்று தனது முகாமைச் சார்ந்தவர்களையே சிறைப்பிடிக்கும் அளவிற்கு மோசமான சர்வாதிகாரியாக வளர்ந்துள்ளார். இவருக்கு அழுத்தங்கள் வழங்கப்பட வேண்டும். இது இரண்டு வகையில் மேற்கொள்ளப்படலாம். முதலாவதாக ஐரோப்பிய ஒன்றியம்,ஐ.நா போன்ற சர்வதேச அமைப்புகளூடாக செயற்பட வேண்டும்.இரண்டாவதாக இவரின் நண்பனாகத் தொழிற்படும் சீன அரசின் மீதான அழுத்தங்கள் பிரயோகிக்கப்பட வேண்டும். வன்னியில் நடந்த சம்பவங்கள் இன்னும் என்னை உறுத்திக்கொண்டு இருக்கின்றது. உலகத் தமிழ் போரம் என்ற அமைப்பின் செயற்பாடுகள் காத்திரமானவை. அது ஊக்குவிக்கப்பட வேண்டும். இவ்வாறு பிரித்தானியாவில் கிங்ஸ்டன் தமிழ்ப் பாடசாலை நிகழ்வொன்றில் கலந்துகொண்டு உரையாற்றிய லிபரல் டெமோகிரட் எம்.பி ஆன எட்வர்ட் டெவி தெரிவித்தார். நேற்று, 27.03.2010 இந்த நிகழ்வில் மேலும் உரையாற்றிய தான் தமிழ் மக்களுக்காகப் போராடுவேன் எனவும் தெரிவித்தார்.
